طـــلب أنضمام لهــــذا الصـرح الشامخ

السلام عليكم ورحمة الله وبركاته

للمره الثانيه

أطلب الانضمام لهذا الصرح الشامخ

حيث أني أكتب الشعر

وأتمنىآ الموافقه لي على التسجيل ,,, لكم بعض الابيات من قصايد لي



تــــــــــدري وش اللـــي عــقب فــــرقاك عـــــزانـــي ..؟
مـــعـــــــزة النـــفس تـــــكـــــــفي لا طـــــرة ليـــــــه ـ

أنســـى على شــــــانهـــا نـــــــــفســـــــي وخــــلاني
وأقنـــــع خـــفــــوقي علـــــــى الــروحه بــلا جيــــه




كما قلت في قصيده أخرى ,



الضيقه اللي تعتري مجرى الانفاس
تنســـــــــــــج لها بــــين المحاني سقيفه

أن قلت ولت وابعـــــدت قدر مرواس
بالحــــــال ترجــــــــع كنها لي حليفه




كما قلت في قصيده أخرى



ياخــفوقي رف بـحالي ثــم أرفــق بــالضــلــوع
كــثرة الهــاجوس منك تــعتــري حــد النــــزاع

لا تــقــول أني ضعيـفه ولا تـقـول أني جــزوع
لكـن الكثـره مصيــبه تــودع العــاقـــل رعــاع




كما قلت هذي الابيات من ضمن قصيده وطنيه بمناسبة اليوم والوطني




ياعيـــــد ياللي جيــــت من بين الأعيـــــاد
عيــــد رمضـــان وعيـــد شهـــر الضحيـه

ألبــــس لــك ثيــاب(ن) جميــلات وجــداد
وأكتــــــب عليـــها للــــــــوطن؟( وايــــليــــه )

وأطلع بعال الــرجــم من قـــــــدم الأشـــهاد
وأعــــطي لـــــبو متـــعب ســلام وتحيـــــه




كما قلت في قصيده أخرى وطنيه ومنها هذي الابيات




صحيح بنـــت ولا اقتني جعبة اسلاح
في دار من وضـــــع المواطن يهمه

لكن اذا نادا الملك والــــــوطن صاح ,,,,؟
يبشــــــــر بمن يرخص على الدار دمه





وتقبلوووو فاائق الاحترام


وأرجو من الله أن ألقىآ الموافقه لديكم

على الانضمام معكم


ولكم جزيل الشكر


أختـــــــــــــــــــ كم

العنيدةالسعوديه