اخلاقي تجاريه

مساكم ورد واحساس

يقول



[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] يامل نفسي ومضيقها ومحزنها = وياحزن قلبي وياجرحه وياطيه
جنوني يالله سكنها مساكنها = فيني قصيده غزل ,, ماهي طبيعيه
لا حد ينشد عيوني ويش محزنها = اليوم بالذات اخلاقي تجاريه
الفارع اللي بوسط القلب مسكنها = ودعتها وكل حي ن راح في حيه
ياعنك ماهو بكيفي ابتعد عنها = لكن حكم الزمن مافيه ماويه
ماكنت احسب اني !! ولا كنت احسب انها = متبادلين المحبه والمحنيه
الين راحت وانا واقف !! اعيانها = خطواتها يوم تقفي مالها نيه
اقول يمكن انها تعّود !! ولكنها = معزمه للمفارق لارحم حيه
من يومها تظهر الاشواق وادفنها = وتطري علي كل صبح وكل عصريه
واتخيّل طيوفها وارتاد اماكنها = واسلي النفس بالجره الهجينيه
دلوعتي ,,, ياعساني ماخلا منها = نظراتها تدمر قلوب الهواويه
مع المزايين لايمكن اقارنها = اجمل جميلاتهم !! تصير عاديه
وتغار منها البنات ولاتواطنها = لانها سبب بالعنوسه والعزوبيه
والديره اللي تطب ابها تزينها = تصير من احسن الدور السياحيه
تدرون وشهو شعوري !! كل ما احضنها = اني معا طاير الركب الفضائيه
لو تطلع مفرعا الشارع !! هقى انها = تشوش ارسال الاقمار الصناعيه
مكثر دلعها ومغنجها ومزينها = حتى بزعلها مزاعلها رومانسيه
اكتب احلى القصايد دون ما اعلنها = ويشفق لها كل حرف وكل قافيه
ياجعلها بخير .. وجعلي ماخلا منها = لو المفارق حصل ,,, والنيه النيه [/poem]