الشوق يمك مايفارق خفوقي

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الشوق يمك مايفارق خفوقي=وأشتد مع رهبة خفوقن ترجاك
إليا احتدم علم الأمل فالحلوقي=وانا أنتظر شوف الفرح مع حلاياك
أبغى أتكلم بس مابه وفوقي=لو الكلام بركركة رهبته جاك
أصيغ هرجي من جزيلي وشوقي=ويغيب كله لحظة أجيك وألقاك
وإليا ابتعدتي قمت فالهرج أحوقي=كني كتمته والجفا مني أبكاك
وغنيت به من عقب صاب امعلوقي=والكل صامت يجذبه لحن طرياك
كلن تعجب من قصيدي وذوقي=وشلون من تكتب له الشعر يجفاك
شعرن جزل ماهوب من هرج سوقي=وحبيبتك ماعندها ذوق وإدراك
وأول أنا اللي للخطيه شفوقي=أكن قولي وسط صدري ويشناك
رغم إني بنفسي كبير الوثوقي=مدري علامي ماقدرت آصل رضاك
يانور عيني وأنت مجمل حقوقي=وشلون أبقدر بس أحققلك امناك
إنقلت ابوح بحرف شوقن رقوقي=وتسجله وتزيد حفظه ويرفاك
أكيد أبلقا منك رقع الشقوقي=ولا نيب لاقي معك في دربي أشواك
وإن قلت أبكتم همستي فالعروقي=يمكن أشوف الحزن في طارف اشفاك
لكن ابعلن لجل عينك شروقي=وأعد ما فالقلب من شأن عيناك[/poem]

فهيد غازي النخيش