ياوقت

السلام عليكم ورحمة الله وبركاته

ابيات متواضعه اتمنى ان تحوز ع اعجابكم


[poem=font="Mudir MT,6,royalblue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]

ياوقت قلي وش تبي من ورى الذيب=تكلح بنابك والذيابه ذيابه
ياوقت مالك من ورانا مطاليب=وحقك معي ما اظن يكمل نصابه
سني صغير وكل عمري تجاريب=وعايش بوقت(ن) مالقيت الهنا به
اصارع الدنيا ولا ادري عن الغيب=وقلبي مع الهاجوس منحي ركابه
وابليس يوشيبي على الشك والريب=يالله تنصرني على ذا العصابه
من قبل وقت الشيب بين بي الشيب=عزااه ياللي ما اهتنا في شبابه
والحب بلوى ماوراها مكاسيب=عزي لحال اللي غلط واشتقابه
وخص(ن) الى من حب بنت الاجانيب=وحدوه عنها عيال عم وقرابه
تحدني النفس اللعينه على العيب=وتردها سلوم العرب والمهابه
وادرى من المنقود وادور الطيب=واخاف من حكي(ن) علي ينحكابه
جداي مشرافي بروس المراقيب=وارادف الونات واشكي عذابه
اون ونة فارس(ن) في اللقا صيب=عقيد قوم(ن) في اللقا ينغزا به
خلووه ربعه يوم جا به عذاريب=وصفو مع وقت(ن) لعينٍ رما به
كسير ساق وموجعته المضاريب=ويشوف جو(ن) حايم(ن) به عقابه
اكنّها بين الضلوع المحاديب=واقنب بها لا ضقت مثل الذيابه
على حبيب الروح سيد الرعابيب=الي عليه القلب قفلت بابه
العام يرسل لي خطوط ومكاتيب=واليوم يبخل بورقه من كتابه
الحق من فراقه بقلبي مشاهيب=وانا ادري انه منجبر في غيابه
بس الغلط حبي لبنت الاجانيب=لين قهروني عيال عم وقرابه[/poem]


وهذا الايميل

ali.2110@hotmail.com