يابحــــــر جــــــدة

السلام عليكم ورحمة الله

مسسآء الشعر .. مسسآء يليق بأعضاء هذا الصرح

جديدي هذه الأبيات

والعذر يسبقها..

[poem=font="Simplified Arabic,5,darkred,normal,normal" bkcolor="transparent" bkimage="" border="double,4,crimson" type=2 line=0 align=center use=ex num="0,black""]

على شط البحر سجت بي اقدامي وانا سجيت = مع ذكرى لها عامين بالافكار ممتدّه
على ذكرى الهنوف اللي بنت وسط الضماير بيت = غلاها تبطي الايام ماتقدر على هدّه
وقفت ووقفتي كانت بنفس الوقت والتوقيت = وفي نفس المكان اللي وقفنا فيه من مدّه
اروح إن راحت الأمواج والياجات معها جيت =هواجيسٍ مثل موج البحر في جزره ومدّه
أناجي يابحر موجك ولامنه هدر غنيت = بطاروقٍ صداه ايبيّح اللي خافيٍ سدّه
اليا مني ذكرت آخر لقاء عن عالمي صديت=تباغتني همومي كنها هجمات مرتدّه
بعد صار المقدر ياجناب الحظ وش خليت؟ = توادعنا وكلٍ راح دمعه جارحٍ خدّه
تفارقنا وأنا باقي على رجوى لعل وليت = ولا لي حيلةٍ غير الصبر لو زاد عن حدّه
تفارقنا وهو ماأخطأ وأنا مثله بعد مااخطيت = علينا جارت الأقدار لا ودي ولا ودّه
وأنا لا هزني شوقي زبنتك يابحر ماابطيت = تركت الناس من حولي وجيتك يابحر جدّه

[/poem]