أنتي نكبتي عفش عكفان الاشناب`..!!

السلام عليكم ورحمه الله وبركاته ,,
تحيه صباحيه محمله بريح العطور الفرنسيه ..
نص.. مني إليكم.. والسلام عليكم ..

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كوكو شانيل أن هب زاكي نسيمه = يأخذني بريحه إلي حرب الاعصاب
أهب يا هالعطر ياهو صتيمه = ريحه سوات السحر ودا ولا جاب
ريحه يجدد بي جروحٍ أليمه = خصٍ ليا رددت في بالي (أغراب)
أغوص في بحر الغرام وجحيمه = للمهره اللي وقتها دوم بغياب
أم العيون اللى نظرها ظليمه = من شافها يحس طعنات الاهداب
سودٍ نظرها يرتكب له جريمه = لاسلهمت بشويش من باب الاعجاب
يا فاتنه والصبر ماش له قيمه = أنتي نكبتي عفش عكفان الاشناب
وانا ضحية وجهك اللي نديمه = كنه يناظر للقمر مابعد غاب
لبيه ياخصرٍ ردوفه تضيمه = وجسمٍ جماله ضيع أصحاب الالباب
جسمٍ يزينه الترف والحشيمه = وستايلٍ مجنون يحسب له أحساب
الذوق فيها واصلٍ حد تيمه =والزين فيها قطع قلوب الاحباب
إليا حكت تسحر قلوبٍ فهيمه = وإليا سكتت بأدابها تفتح أبواب
عذروبها بالصوت بحه مقيمه = وأقول أنا ( هذا بلا أبوك ياعقاب )
فيها دلع طفله وفيها عزيمه = طفله أنوثتها تستر بجلباب
وإليا ضحكت تزهر قلوبٍ هشيمه = وإليا بكت يذبل زهر كل عناب
وإليا مشت يقال هاذي عظيمه = وإليا وقفت هيبه وسكبه وترتاب
مجنونةٍ بأفكارها المستديمه = متحضره وأحيان تنسب للاعراب
مهره بها كل العواقب وخيمه = ومن شافها يعيش الاحلام منصاب
خطراٍ على العاقل يطلق حريمه = بأسبابها ( والشي يؤخذ بالاسباب )
معها النساء تقول دقه قديمه = ولاألومها لو سببت حرق الاعصاب[/poem]

لكم بوكيه ورد ,,