اقدار ..بقلمي

السلام عليكم ورحمة الله وبركاته ..

اخواني واعزائي .. كانت لي بعض المشاركات هنا ولا لقيت لها مكان او وجود ..

عساها ماكانت بعيده عن ذائقتك ..

مشاركتي الثالثه اقدار .. اتمنى ولو الشي البسيط ان ترتقي لذائقة الكل..

[poem=font="Arial,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ممكن تخاف اغيب واروح وانساك=جعلي بحضن الموت كاني نسيتك

البارحه ادري عنا الليل سراك=واوهام قالت لك بأني محيتك

منهو انا من غير ذكرك وطرياك=مالي غنى عنك "تطمن"فديتك

الروح ممشاها على دروب شرواك=والبال مازحزح عن ابواب بيتك

الفين لقيانا وبالسبع فرقاك=عاشر سنه ماطاح بالقلب صيتك

يكفي ثلاث اسنين همي .. ورجواك=والشوق والهامي اذا جاك جيتك

لو خيروني بين فرحي .. ولقياك=لختار شوفك وابتدي لنتهيتك

لو نمت في همٍ كسرني انا وياك=صدقني في قمة عذابي صحيتك

تكفى نخيتك احجب اعداي واعداك=هرج ٍ يقولونه الى من سهيتك

تكفى وانا لاقلتها قاصد رْضاك=احس كلي يرتفع لانخيتك

ادري الفراق المر ماهو عطاياك=وادري بنفسي رغم ضعفي وفيتك

اقدار تهواني وغيري تبناك=اقدار وصلك له وانا اللي هويتك [/poem]

احترامي .. للجميع ..



اخوكم / علي حسين الألمعي

لو خيروني بيـن فرحـي .. ولقيـاك
لخـتـار شـوفـك وابـتـدي لنتهيـتـك


علي الألمعي

حضور جميل
كل التقدير لك

ناصر .. الاجمل ونا خوك تواجدك ..

ربي يسعدك ويديمك ..

احترامي