لا والله الا فاح في راسي الشيب .. شيبت قبل الشيب وقته يجيني

سلام الله عليكم

هذه القصيدة لخالي الشاعر المقدم/ عوض بن غالب بن جعيد العازمي العتيبي ( رحمه الله )

وموضوعها الشيب وماادراك ما الشيب

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
لا والله الا فاح في راسي الشيب = شيبت قبل الشيب وقته يجيني
الشيب أنا وياه فينا تعاجيب = وش به بدا بي مابدا في سنيني
جيت الطبيب وقال مامن تطابيب=انا بنفسي شايبٍ رمش عيني
والشيخ جيته حاسبٍ لي تحاسيب = ابيه يعطي الحق بينه وبيني
ولقيت شيخٍ شايبٍ كنه الذيب = قد جاه حقه قبل حقي يجيني
وسحبت نفسي يوم شفت العواقيب = هذا زمان يشيب المرضعيني
حدٍ قضاء ماعاد اودي ولا اجيب = مشى على التالين والاوليني
وارسلت يم الشيب عدة مناديب =ابغاه يصبر عني اربع اسنيني
وقالت انتهت ماعاد فيها مطاليب =اصبر وربك ينفع الصابريني
قلت انت في حكم الضيوف المناجيب = اللي يجون من السفر منكفيني
والضيف لا شانت وجيه المعازيب =يرحل لو إن الدار قدمه سنيني
قال اخضعوا وانا بحكم المناصيب = اللي رعاياهم لهم خاضعيني
لو كل من قدم عليهم مكاتيب = يعطى مطاليبه بدو ظالميني
وعرفت مالافيه شكٍ ولاريب=أني على ما فات مالي عويني
راح الصبا وايام مانعرف العيب = ومر الشباب وراح يضعن ضعيني
ماباقي الا ايام شهبٍ محاديب= ينقص بهن العمر في كل حيني
ومن شاب عافوه البني الخراعيب= ما ينعشق لو هو من العاشقيني
(العام كنت القى قبول وتراحيب =واليوم حتى اللي معي مايبيني)
وش عاد لو نبت الزهر في الاداعيب=قطف الثمر صعب على المثقليني
ووش عاد لو الصيد يمشي جناديب =ما ارتاح لو يرعى بوسط القطيني
سقوى سقا الله يوم نبدى المراقيب =ونفرح ليا شفنا القوايد تبيني
نحط سرعات الندب في التراكيب=وجبنا العشاء من فعلها راجعيني
راحو متافيق الرماة المعاطيب = اهل الشرف واهل الوفاء المسلميني
وجاء عقبهم جيلٍ خبيث الهناديب = تراكةٍ للدين ومخنفسيني
يحط كعب ورتّب اللبس ترتيب = وباروكة سوداء تغطيني الجبيني
ليا قامت الهيئة عليهم بتعقيب =تخششوا عنهم كما المجرميني
وان عودت فاضوا سوات الدباديب=مخالفين الشرع متشبهيني
يشيل مكياجه وغرشة من الطيب=ويفرح اليا جاله خشير وقريني
والبيض لو فيهم جميع العذاريب= شافنهم زينين ومثقفيني
احسن من اللي يطلعون المحاريب =اهل الحيا حزب الله المرشديني
يالله يامطلوب ياعالم الغيب =احسن خواتمنا بعفو ويقيني[/poem]


وسلامتكم

والقادم اكثر لهذا الشاعر