يا أهل التقنيه محتاج فزعتكم ..

السلام عليكم ورحمة الله وبركاته ,,



ياهلا الـتـقـنيه محتاج فزعتـكم
شوفو ماسنجري وشفيه مايفتح







كل ماجيت افتحه تطلع هالرساله .. شوفو حل معها


<< تخاشرو فيها

مالك الا تسوي تحديث للمسنجر

واذا ما بغيت اختار " لا "
واطلب عدم السؤال لمدة اسبوع قادم وهالشكل الى ان يقضي الله امرا كان مفعولا

هذا اللي اقدر افيدك فيه والاخوان اهل الاختصاص في الطريق
يمكن عندهم زيادة معلومات تخص التحديث


محبه وتحيه

المشاركة الأصلية كتبت بواسطة مشخص السلمي

مالك الا تسوي تحديث للمسنجر

واذا ما بغيت اختار " لا "
واطلب عدم السؤال لمدة اسبوع قادم وهالشكل الى ان يقضي الله امرا كان مفعولا

هذا اللي اقدر افيدك فيه والاخوان اهل الاختصاص في الطريق
يمكن عندهم زيادة معلومات تخص التحديث


محبه وتحيه

انا اذكر صارت فالماسنجرات قبل سنتين الظاهر وكان لها حل مااعرفه غير التثبيت

وحق الاسبوع اللي تقول من وين القاه ؟؟

المهم مشكور على مرورك يالقررم

,’


"التثبيت" صآر "اجبآري" للي اصدآر المسن عندهم 8
"ثبته" مآرآح يآخذ اكثر من 5 دقآيق
,’

.

يالسمي , التحديث افضل ..

لان الشركة يوم تخلي التحديث اجباري , يكون ان الاصدار اللي عندك يوجد فيه خلل اما ثغره او في الفلتره او تحسينات جوهريه وغيره من الامور . لذالك يجبرون المستخدمين على التحديث .

فيه عدة طرق تتجنب فيها التحديث ولكن اشوف الافضل انك تحدث .

واللي تبيه حاضر من طرق تجنب التحديث او حتى مساعدة عن بعد وانا احوف لك جهازك

المسنجر عقوبه ياناصر ويأثر على نسبة السكر في الدم واثبتت اخر الدراسات ان اضافة 4 مرقابيين كفيله بعمل تقرحات في الجانب الايسر من الطحال مع ترهلات في روس الاصابع وانتفاخ الاقدام

وش تبا به يا خوي ؟

< انت وش تبا هالحين ؟


ناصر .. طلعت لي نفس الرسالة اللطيفه وسكرت المسن كله


..

هلا يابو سلطان

بالنسبه لي ودي والله ان الماسنجر يسكر مره < يبي يقهره

لا هذا تحديث ومشكلة الماسنجر كل تحديث اسوء من اللي قبله
ياحلو ايام الماسنجر اللي تقول مسويه بنفسك

على العموم اذا ماظبط معك دق علي وانا اجيك اصلحه < صاير فني اجهزة

بسيطة وأنا أخوك

افتح جهاز الكمبيوتر وبقق عيونك واختر هذا المسار


C:\Program Files\MSN Messenger



ادري مافهمت

انقز على جهاز الكمبيوتر ثم انقز وسط السي c

واختر ملف أصفر اسمه البروقرام Program

واختر رمز المسنجر المسمى ب msnmsgr





واضغط عليه با الماوس الأيمن واختر خصائص ثم التوافق وخله متوافق مع ويندوز 2000





بعدها قفل الماسنجر من جنب الساعة وعط الساعة كف اوحيت ياشيباني

بعدها طف جهازك وشغله وافتح المسن واذا طلع لك تحديث ارفضه ويبي يفهم العلم


وان مافهمه كسر جهازك


مع أجمل باقة ورد

أهل التقنيّة يافزعة الندم

^^
حسبي الله على من درسك الانقليزي يا هالمودماني .. اشهد بالله انه ضحك عليك ,,

اضبط السبلنق

ناصر : ماعليك حدثه واللي فيه الخير بيكتبه الله

888

لا تسبب مشكله معي أفرمك


ولا أخترق كمبيوترك هكرررر المراقيبي

أجل ماسنسجر يانواف ههههههه

ابن حجنه ماله حيله لادزٍ له علاك درب ..



هاطيب يارياجيل أنا عندي علةٍ ثانيه مار ماهيب مثلها ،

الماسنجر يفتح وكل شئ مزبوط ، مير حين أجي أبا أفتح المحادثه والا صندوق البريد

وألاّ ماتسني فتحت شئ ، حين يجي المؤشر على الايقونه يختفي كل شئ اسمه ماسنجر ،




تعرفون لها ؟

<- لا ، رح للفني

88

مرحبا مليووووووووووووووووووووووووووووووووون

ارحب ارحب يابو حواء

ركب وانا اخوك قوقل كروم حل مؤقت .


اذا مانفع معك ونفس المشكلة بقت عندك

احذف المسن نهائي وركب غيره وسلامتك

والله بالنسبه لي يمكن قد مرت علي وفهمت شي من التحديث المبطي


لكن الان مدري وش العله

اذا الغيت التثبيت وسويت توافق على نظام 95 او 2000 يشتغل المسن
لكن بدون البلص !!!

واذا وافقت على التحديث
رفض يحدث يقول / تعذر تثبيت البرامج


افتونا الله يثيبكم

-

ياجماعة التثبيت مشْ إجباري !

لاتثبّت الجديد ولاهم يحزنون كل اللي عليك إنّك تسوّيه
تروح لإزالة البرامج وتحذف المسن من عندك وتثبّته من هذا الرابط


http://soft.vip600.com/modules.php?n...getit&lid=4704


وراح يرجع كل شيء زي ماكان يعني الفيسات والتوبيكات وكل شيء ماراح يتغيّر بتاتاً البتّة


وبعد ماتثبّته ثبّت البلس وهذا رابطه


http://mirror10.msgpluslive.net/MsgPlusLive-490.exe


وبَ التوفيق

"نآصر" انآ حدثت ومآغيّر بجهآزي شي نهآئي حدث منت خسرآن ان شآءالله
بعدين ترى التحديث اللي يطلبه لنفس النسخة لو كان تحديث لنسخه مثل حقت 2011 الغثيثه كان قلت لك لاتحدث
بس ماراح يتغير شي ابد بالتحديث / واذآ مصرّ مآتبغى التحديث جرّب طريقة "نوآف نآيف"

,’

المشاركة الأصلية كتبت بواسطة ميّر

-

ياجماعة التثبيت مشْ إجباري !

مدري يا"ميّر" لكن لو مآهو اجبآري كآن بيفتح المسن بدون تحديث: )
عموماً التحديث المطلوب لنفس النسخه بدون حذف وتثبيت اصدآر جديد

,’

"ابو حوآء" و"نآيف"
مدري بصرآحه بس جربوآ طريقة "ميّر" يمكن تنفع

,’

هلا ياناصر


اذا ماضبطت معك كل الحلول اعلاه ,

علمني وابشر ,


< ايه هين

المشاركة الأصلية كتبت بواسطة ريمانا

,’

"ابو حوآء" و"نآيف"
مدري بصرآحه بس جربوآ طريقة "ميّر" يمكن تنفع

,’

طيب نجرب
مادام اسأل مجرب ولا تسأل طبيب

المشاركة الأصلية كتبت بواسطة الغيم

ثبته وينتهي الأمر

توني فتحته وصارت لي نفس المشكله وثبته ومافيه الا العافيه

انا بغيت اثبته بكل امانه بس خفت يتغير علي المسن عقب التثبيت

صارت سالفة اللي يقول (مالك الا هيفاء )

حنا مالنا الا تثبيته

على فكره قالته لي فالاسك (( رنا )) جزاها الله خيرر

لاهنتي يالغييييم

دوتس

المشاركة الأصلية كتبت بواسطة ريمانا

,’


"التثبيت" صآر "اجبآري" للي اصدآر المسن عندهم 8
"ثبته" مآرآح يآخذ اكثر من 5 دقآيق
,’

انا صرت سالفة راعي بيت الشعر اللي يقوول

حدوني على ركب الغمارة وانا ابغي فوق
ابي مقدم الصنـدوق ولا علـى السلـة


انا حدوني على التثبيت وانا مبغاهـ ..

ريمانا مشكوره وانا اخوتس

دوتس

المشاركة الأصلية كتبت بواسطة ناصر الحافي

.

يالسمي , التحديث افضل ..

لان الشركة يوم تخلي التحديث اجباري , يكون ان الاصدار اللي عندك يوجد فيه خلل اما ثغره او في الفلتره او تحسينات جوهريه وغيره من الامور . لذالك يجبرون المستخدمين على التحديث .

فيه عدة طرق تتجنب فيها التحديث ولكن اشوف الافضل انك تحدث .

واللي تبيه حاضر من طرق تجنب التحديث او حتى مساعدة عن بعد وانا احوف لك جهازك

والله اني خابر التحديث افضل حتى التحديث فالمفرده كويس <<< قلبها شعرر

هم ابخص مني واعرف في برامجهم .. بس لايقطعوني من اخوياي فالمسن والله اني اللي معي كلهم غاليين

انت علومك طيّبه وانت طيّب

هههههههااي تحووف عندنا يعني تسررقه ..

لاهنت يالسمي

دووك

المشاركة الأصلية كتبت بواسطة سداح

المسنجر عقوبه ياناصر ويأثر على نسبة السكر في الدم واثبتت اخر الدراسات ان اضافة 4 مرقابيين كفيله بعمل تقرحات في الجانب الايسر من الطحال مع ترهلات في روس الاصابع وانتفاخ الاقدام

وش تبا به يا خوي ؟

< انت وش تبا هالحين ؟

ناصر .. طلعت لي نفس الرسالة اللطيفه وسكرت المسن كله

..

يخبروننا اجددانا عن سالفة في قديم الزمان ..

شايب عايش في فالصحراء وكان عنده ابل مجاهيم وقد اشترى جهاز لاب توب
مستعمل بثمن ٍ بخس من رفيق له .. وقد تعرف هذا الشايب على شخص مرقابي واضافه فالمسن
وبعد ايام من معرفته .. استيقظ فالصباح الباكر فوجد اثنتين من ابله قد فارق ٍالحياه
وحده سنها ( حقه ) والاخرى من خيار ابلهم سنها ( رباع ) خلفه وتحتها بكره من بعير
ابن صنت .. وفاليوم التالي احترقت وحده من الخيام فاصبحو هو وعائلته في بيت الشعر
وقد عرفو ابناءه سر هذه النكبه وهي معرفة شايبهم لذالك المرقابي وقد نصحو الشايب ولكن
لما يقـتـنع بكلامهم وفاليوم الثالث احترق بيت الشعر المكان الوحيد الذي يأويهم ..
حتى اصبحو يتذرون تحت الشجر .. اخيراً اقتنع الشايب بكلام عائلته واعطى ذالك المرقابي
حظر و (( delete )) .. فمن ذالك اليوم تحسنت اوضاعهم وتكاثرت ابلهم واشترى الشايب
(ثلاث خيام) من القاضي وحده ام عمود وثنتين ام عمودين .. وكذالك اشترى الشايب لـ ابنه الكبير نجر سياره ددسن (( ونيت )) بدل الذلول اللتي كان يمتطيها .. واشترى كذالك لـ حنس ((آي باد ))
لكي يتونس به بدل المصاقيل اللتي اندفنت فالنفود ..


وبعد سنه شارك الشايب في انتخابات المجلس البلدي وقد تم ترشيحه رئيس المجلس البلدي
في قريتهم ..

سـداح مرورك كفيل بحل المشكله ..

لاهنت يالقررم لاهنت

دووك

المشاركة الأصلية كتبت بواسطة عفاس بن حرباش

هلا يابو سلطان

بالنسبه لي ودي والله ان الماسنجر يسكر مره < يبي يقهره

لا هذا تحديث ومشكلة الماسنجر كل تحديث اسوء من اللي قبله
ياحلو ايام الماسنجر اللي تقول مسويه بنفسك

على العموم اذا ماظبط معك دق علي وانا اجيك اصلحه < صاير فني اجهزة

هلا بـ أخوي اللي بيضبط المسن حقي ..

مشكلة الماسنجر انه مثل السياره القديمه كل ماصلحت فيها شي يخرب شي ثاني

لايفووتكم التشبيه هههههههههااي بس المسن مايقوم ( اممممممم )مثل سيارة عيسى الشاطري

الله يذكره بالخير .. ابك حنا فاقدينه منئذ مبطي

<< دخل مواضوع ثاني

والله ان مرورك ( عسل دوعن ) اللي يقولونه ..

لاهنت يالقررم لاهنت

دووك <<< تراني مسقيها ماء لاتعطيها ثم تموت