(مصافحه رابعه) للتواصل ،،،

،،، أعضاء منتديات المرقاب الكرام ،،
أقدم لكم هذه القصيده للتواصل ،،، وأرجو أن تحاوز على رضاكم ،،،
وهي قصيدة إعتذار موجهه إلى أحد شعراء منتديات المرقاب وهو الشاعر: مرزوق العطاوي . وأرجو أن تحوز على رضاكم وأستحسانكم


راكب اللي ما بعد طب الصيانه
‎دوب شالو عنه لزقات العكوسي
صنعة ا لكفار نجسين الديانه
‎نعنبوها صنعة العقل المجوسي
ما شغل راعيه شانن غير شانه
‎مايذوق القيض مع حر الشموسي
جيب لند كروز من شان اصدرانه
‎للجمارك دافعين أغلى الفلوسي
سايقه ما ركب الحرمه وزانه
‎ولا يشيل ابه الربايع للعروسي
ولا دخل فمسجله دانه يا دانه
‎كب عزف العود لضعاف النفوسي
راكبه من هيبته عنتر زمانه
‎ما يعاين فالدساتن والجموسي
لـه سنه يـرقب نزوله من دنانه ‏
‎لجل يعطيبه تهاتيه الطعوسي
مع خوي(ن)راهي العقل وتكانه
‎دارس‏‏(ن‏)للمرجله مثل الدروسي
نصه ابن حمود مرزوق وخوانه
‎ودار اذي سحلي بعيدين الرموسي
وأن وصلته يا نديبي لا مهانه
‎سلمه عذري وقافي مع هجوسي
بارك وسلم على من في مكانه
‎فالحموديه ميادين الفروسي
وقل لمرزوق العطاوي بالرزانه
‎جيتي لك تعتبر عندي نموسي
مير جاني ظرف يا عال المكانه
‎وأخلف اليمه وكشر بالضروسي
وهاذي الدنيا لها كيد و لعانه
‎واصبحت فيني يا أبو هاني تحوسي
نوب بيني و بينها مثل الميانه
‎ونوب في ضيم وتكدر مع عبوسي
مير جعل العذر يقنعك وبيانه
‎جيتي لك يا ولد عندي ‏ نموسي


أخوكم/ علي أبوثنتين

وهذا رد الشاعر مرزوق العطاوي ،،،


يانديبـي جــارك الله بالامـانـه
ود علي من المثل فيض الهجوسـي



فوق صنع المان يحمل له ضمانـه
مرسديس صغير بالممشا يهوسـي



حجم ستميـه فخامـه مـع متانـه
يعجب السايق وللفرجـه يدوسـي



من قـدم راعيـه لاداسـه جنانـه
زاد ليـن يزيـد فـره للتروسـي



نحـره للقـرم ابوثنتيـن عـانـه
في عفيف وفيه طيـب بلاهسوسـي


وارثٍ لطيـب والطالـه سنـانـه
من ربوعٍ للفخـر دايـم عسوسـي



جعل يفدا علي من ساسـه جبانـه
هو ومن مثله عن الشين محروسي



دام عـز القـرم صـح الله لسانـه
وعل مايبدي ببو ناصـر فحوسـي



ودنـا انـه بالقاء معـنـا وكـانـه
جاه ضرف الطيب في علي مغروسي



نقبل اعذاره ولـه قـدر وحصانـه
عندنا والطيب من علي محسوسـي



ياعسا يصفي لبـو ناصـر زمانـه
وياصل المقصود ماجابـه نكوسـي