تكمالـــة الايـــام ... !!!!

..

:wardah


من الارشيف



[poem=font="Simplified Arabic,4,darkblue,bold,normal" bkcolor="transparent" bkimage="" border="double,4,royalblue" type=2 line=0 align=center use=ex num="0,black""]
الله مـن سـوقٍ يثيـر التشاكيـك=من غير بسطاته يحـرج حراجـه
نـاسٍ معانيهـا تخالـف معانيـك=في ساحته شفت الوزى والسماجـه
روابعك ترمـي والايـام ترميـك=لوكان مالك في شفا السوق حاجـه
حب التطلع منحني فـي محانيـك=تقول ليلٍ حـاف بـرده عجاجـه
وانا احمد اللي يكتب الرزق ويجيك=اللي صرف فكري وبـدل مزاجـه
وين انت ياللي مشغل البال طاريك=يامن لابست وسام حبـي وتاجـه
شفني على حاضرك جددت ماضيك=انحر جمل مانـي بذابـح دجاجـه
الفكر في لاماك والقلـب يرجيـك=داو المريض اللي وصالك علاجـه
تعال ياللي تحضن القلـب اياديـك=البال من عقبـك معقـد حجاجـه
شيٍ طبيعي يوم اديرك واراعيـك=فيك الوفاء قبل الدلـع والخناجـه
مزيون وصغير وكل الحـلا فيـك=شمعة فتيله هادئـه فـي زجاجـه
من حيث مالقيت عقلـي يباريـك=ناج الخفوق المنحرم منـك ناجـه
جم المشاعر من محبـه يساقيـك=يسقيك عذبـه ماسقـاك بهماجـه
تكمالـة الايـام ساعـات الاقيـك=الله لا يقطـع نـهـار المـواجـه
[/poem]