عروس المعاني - مشاركتي في شاعر الملك!

بسم الله الرحمن الرحيم



[poem=font="Traditional Arabic,7,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

مزون الفرايد مستهله على المرقاب= سبق نوض بارقها تباشير هتانه

جذبها / جناب معرّب الساس والانساب= عروس المعاني تاخذ الشان من شانه

عروس المعاني / يوم عضّت على العناب= تبختر / تبي نيل المكانه بديوانه

تخص الجموع / بنجلها السود والأهداب=وهيبة محياها / وتينه / ورمانه

وتزور الفضاء / لو به نيازك وفيه شهاب= وتغوص البحور / وتكسب الدر والدانه

تهادى لأبومتعب / وقار وقدر وإعجاب=زعيمٍ حكم بالعدل / والعدل ميزانه

زعيمٍ بطِيب النّهج / سيطر على الألباب= يعيش الوطن / أمن ومحبه بوجدانه

مجير القصير / اللي شكى جفوة الأصحاب=ملاذ العرب وقت النشب / عز جيرانه

عزيز الجناب / اللي جنابه يفك أرقاب=منيع الحجاب / وباب حسره لعدوانه

زعيم النوايا البيض / غنى له الترحاب= نشيد الوطن / يعزف ولانا من الحانه

ولانا قديم / ولو يشيب الزمن ماشاب= مع الوقت متجدد / والأخلاص عنوانه

ولاء للزعيم الفيصلي / مرهب الإرهاب= أمانٍ .. وأمْن في ظل كفه وجنحانه

فتح للحِوار الباب / وأصبح بدون ابواب= وصِراع الحضاره قِفّلت كل بيبانه

زعيمٍ / تجيه القاب تبحث عن الألقاب = ولكن رفضها زهد .. من قوّة إيمانه

برحلة علاجه عن هموم الوطن / ماغاب= بقلبه يعيش الشعب / لو غادر اوطانه

ورجع للديار / وكف جوده هطل سكاب =وشمل كل شعبه / خير مختلفه الوانه

عسى الله يديمه للعروبه ستر وحجاب= سحاب المكارم .. سيف الإسلام، وسنانه

كثر ماتهجد وأرسل الدمع بالمحراب= وكثر / ماسجد بإخلاص لله سبحانه

وكثر / مامسح دمعة يتيم وجبر منصاب= وكثر / مابذل من مدّة ايديه وإحسانه

وكثر / ماوهب دينه وشعبه بدون حساب = عسى الله يديم / بعز الإسلام سلطانه

[/poem]



طالب الأسمر الشراري

taleb11@hotmail.com