الحـب العفيف

[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
إنتـدب فيضـان هاجـس نابـعٍ مـن نهـر دجلـه=صافـيٍ عــذبٍ مذاقـه مـن رحيــق وسلسبيلـه
يمتطي خيل الصراحـه وإنتـدب لمـن إنتدبلـه=يستشــف آلام جــرحٍ تفهـمـه نــاسٍ قـليلـه
مع صـدى صـوت المواجـع إتجه ممشـاه قِبْلـه=تمنـعـه عـزة كريـم ويدفعـه صــوت الأصيلـه
مـن علـى رأسـي وعينـي كلهـم عنتـر وعبلـه=وأنـت ياقيـس الملوّح من غـلاك أغليـت ليلـه
كلكـم غالين عنـدي والهــوى ميلـه وعدلـه=كلنـا وبصــوت عالــي بالمحبــه ننتميـلـه
أقصد الحـب العفيف اللي يجي في قلوب وجلـه=له يميل القلـب ميلة غصن في وسـط الخميلـه
الغـلا يحيـي الضمير ويجعـل الصعبـات سهلـه=شـئ أساسي فالحـياه ولي معه سيـره طويلـه
إبتديت الحـب جاهـل طفل تلعـب معـه طفلـه=بالثـرى نبنـي بيـوت بـواديٍ مـن غـبْ سيلـه
مافطنـت لمـا حصـل وهـي كذلـك مـافطنتلـه=لين أهلنـا طالبونـا وأحتشــم عنـي بشيلـه
صار محظـور المواجه وإن حصل لحظـات عجله=لـحظـة منـي ومنهـا تشتكـي لـي وأشتكيلــه
أشتكي منها عليها عايـشٍ بَعـدك فــي عزلـه=وتشتكـي منـي عليّـه بـس مـا فاليـد حيلـه
والمصيبـه مادريـت إلا وأنـا مدعـي لحفلــه=حفلة أغلـى الناس عندي زادت الحمـى مليلـه
وإنتهـى حبـي سراب ومن نعيـم بنـار شعلـه=والأمـل عشناه يأس بأسبـاب عـادات القبيلـه[/poem]


لـ الشاعر معوض بن سودان الشاطري