(انكسار الحب ) على ذمة حامد البراق

اتت هاكذا ...

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=0 line=1 align=center use=sp num="0,black""]



الحزن بيّن في محاجر عيونك=تكفين كفي نظرة الحزن تكفين
قصّرة في حقك ولكن ياعونك=خفي بنظراتك على مهجتي لين
عن لوعة ايامك وحرقة اغبونك=ازرع لك ضلوعي رياض وبساتين
دعي .. وطن حزنك وسوقي ضعونك=لين انك بريضان صدري تحلين
القلب قصرك والمشاعر حصونك=ابغاك في مقصورته تستريحين
حتى .. لو تحسين قلبي يخونك=القلب بين ايديك وانتي تمونين
تلّيه .. لين يبل دمه ردونك=واروي غرورك منه طعنه وثنتين
قلب ٍ طعونه رهن ضحكة سنونك=زيديه بطعون الغلا لين ترضين
انا .. شؤني فالمحبه شؤنك=ومسافرين مع الزمان وغريبين
لاعايشه دوني ولا اعيش دونك=ربي خلق روح ٍ قسمها على اثنين[/poem]
وســـــــلامـــــتكم