سما البارح

السلام عليكم ورحمة الله وبركاته

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
وش على هم الصدور وضيقته وجروحه=ووش على ليل ٍسريته في مغبِّ جْراحه
نبتدي صفحه ونطوي صفحة مشروحه=والجروح اللِّي مـن أَوَّل باقيـه نيَّاحـه
وش خذيت وْوِش بقا ياطفلة المرجوحـه=غير همٍ بالضلـوع وغيبتـك ورماحـه
كم وانا لي كم يانبض الغـلا ياروحـه=واعذب حروف الْقصيد بغصنكم صدَّاحه
الدُّموع اللَّي تخالط عبرتك مـع نوحـه=وين أَبا القى له دوا يادنيتي والرَّاحـه
ليتها بي / بس تعتق ناظرك مسموحـه=لو خذت من وسط عيني يالغلا مصباحه
فدوة ٍ لك هي وروحي لو غدت مذبوحه=بس أَشوفك في حياتك بعدهـا مرتاحـه
أذكر إني قلتها يوم الخفوق وسوحـه!!=مودعه بين / اليدين / الناعيه / الذبَّاحه
والا انا ماعاد تفرق جيتـك والروحـه=أقصد أنه قد تساوت جيتـه بْمرواحـه
أشربي فنجان وصله...لاعدمتي بوحـه=واحد ٍ من كثر حبـك بسمتـه نزَّاحـه
وافتحِي له باب قلبك يرتمي بصروحـه=وارسمي حلم السِّنين الموجعه وافراحه
بارك الله في سما البارح وبارق ضوحه=يوم طوَّح في مهب الملهمـه مسباحـه[/poem]



..

نجم العبدالله

إسم معروف ، وشاعر مبدع
كل التقدير لك

صح السانك يانجم

مبدع

هلا هلا هلا هلا

ارحب يانجم ارحب

انت مبدع اينما تحل وبس

صح لسانك مدد يابعدي ولاهنت

تحيتي,,,,

..

آلله آلله ..

يا مرحبا بالاستآذ القدير " نجم آلعبدالله " ..

شاعر و كآتب " مبدع " .. صحت قوآفيك ..

و .. بانتظار توآجدك بيننا طآل عمرك ..

تقديري واحترآمي الصآدق لك ..


..

وعلـيكم السلآم ورحمـة الله وبركآته

صح لسآنك ولآهنت

شآعر مبدع

ومآنيب قآيل غير في إنتظآر وجودكـ بيننآ

موفق خير

ابو اسامه

جعلني ماخلاك ولا اخلا ابداعك

حقيقه انت مكسب للمرقاب

والشهاده فييك يقطر دمها

بارك الله في سمـا البـارح وبـارق ضوحـه
يـوم طـوَّح فـي مهـب الملهـمـه مسبـاحـه



لا هنت وصح لسانك