قضية لقاء !!!

السلام عليكم و رحمة الله و بركاته
اخواني اعضاء و زوار منتدى المرقاب
اسعد الله صباحكم / مسائكم بكل خير
قد عدت لكم بالمصافحه الثانيه في هذا الصرح الجميل و اتمنى ان تحوز على رضاكم

الشوق يا غالي حداني علـى البيـت
في ساعةٍ ضاقت على قلـب منهـار

جيت الديار اللـي بهـا كـم تمنيـت
يلّتم شملـي مـع حبايـب و سمّـار

جيت احرق كتاب الحزن ما توانيـت
و انسى الغرام اللي شعل فيني النّـار

و ابدا معك بالحب من دون يـا ليـت
و من دون ما اقدر و عثرات الاقـدار

ملّيـت اقـدر حالتـك يـوم صدّيـت
و اضحك على نفسي و ادور لك اعذار

صارت قضية شوفتك ذايعـت صيـت
متراميـه باطرافهـا كـل الاقـطـار

كنّي بدون و حضرتك دولـة كويـت
توعـد بجنسيـه و تنفـي بالاخبـار

قلّي متى تصدق وعودك يا ابا الفيـت
متـى علـى الله نلتقـي دون سبّـار

ماتـت امانـي حبنـا يـوم قفّـيـت
و اللي بقى لي منهـا دفتـر اشعـار

و الصوره اللي جبتها وسـط كاسيـت
تذكار عيشـي يـا حبيبـي بتذكـار

راحت و لا لي عقبها كـود هالبيـت
يوم المفارق عنـد توقيـت الاسحـار

بذكرك يـا خلّـي لـو انـك توفيـت
و بابكيك لو انك على البعـد مختـار و سلامتكم

..

صارت قضية شوفتك ذايعـت صيـت
متراميـه باطرافهـا كـل الاقـطـار

كنّي بدون و حضرتك دولـة كويـت
توعـد بجنسيـه و تنفـي بالاخبـار



هذي قضية " دولية " ويبي لها الامم المتحده ..! : )

صحت قوآفيك يا " مبدع " .. وبالتوفيق يا اخوي ..

تقديري واحترآمي لك ..


..

وعليكم السلام ورحمة الله وبركاته ,

وليد ,

صح لسانك ,

ولاهنت على هـ المشاركه ,

ودمت بخير ,

.
مآلهآ حل عند النآس , أطلب الله
.
صح لسآنك يآوليد
.