بشار الأسد يهدد بإحراق نفط الخليج وتدمير الشرق الأوسط في 6 ساعات .

الوئام – متابعة :
كشفت مصادر عربية رفيعة المستوى عن ان الرئيس السوري بشار الأسد هدد خلال لقائه الأخير بوزير الخارجية التركي أحمد داوود أوغلو بتدمير الشرق الأوسط في مدة لا تزيد على 6 ساعات ، وقال بشار إن قوى عظمى كبيرة تدرك أنه مع أول صاروخ يسقط فوق دمشق لأي سبب ، فإنه بعد ست ساعات من سقوط هذا الصاروخ سيقوم بإشعال الشرق الأوسط، وإسقاط أنظمته وإشاعة الفوضى والحرائق قرب حقول النفط الخليجية، كما هدد الأسد بإغلاق الممرات المائية العالمية وإعاقة التجارة العالمية ، أضاف الأسد على حد ما نقله المصدر العربي على لسانه :” تعرف أميركا كيف ساعدناها على إسقاط نظام صدام حسين لأننا كنا نريد ذلك ، وتعرف إدارات أميركية أن سبب ورطتها في العراق الآن هو سوريا، وأننا نمزح معها فقط في العراق، ولو أردنا قتل الآلاف من جنودها، لفعلنا ذلك بلا تردد ” ، أضاف الأسد انه إذا تعرضت دمشق لهجوم غربي فإنه لا يحتاج أكثر من ست ساعات لنقل مئات الصواريخ إلى هضاب الجولان لإطلاقها على تل أبيب، وفي الوقت نفسه سيطلب من حزب الله اللبناني فتح قوة نيرانية على إسرائيل لا تتوقعها كل أجهزة الإستخبارات على حسب قول الاسد .

أضبط شعبك الآن بعدين فكر في نفط الخليج والشرق الأوسط . يبدو أنه في أيامه الأخيره ولايدري وش يقول الآن هو عجز يضبط النظام في دولته كيف يبي يسوي هذا كله .
بس هو يضغط على أمريكا بخصوص أسرائيل بحكم أن أسرائيل قريبه منه .

يامال فرقا العين


وش معنى ست ساعات ؟


أقول له كما قال المثل :

( ما أسهل الكلام ، وما أصعب العمـل )

,

قد ضربته اسرائيل قبل كم سنه ولا فعل شي ..

والطائرات الحربية الإسرائيلية فوق قصره في دمشق كل ست ساعات

وله ست شهور بالثوره و ليته يضبط الامن عنده ,, مواطنين بدون سلاح ابلشوه

تصدقون والله ست ساعات وحنا نتفرج كثيره شوي

يعطيك العافية يا عبدالله على النقل ..

,

الرجال صادق ياريجيل
اجل بكلم امريكا لايضربونه

اثرهم صادقين البدو يو يقولون الله يكرمكم ( عنزنا ماتاضع الا برا)

وين قرامتك يوم ضربت اسرائيل دمشق ...... وتهديدات الولايات لمدة ثمان سنوات عليك وانت مخمر مثل الأرنب .

الظاهر العلوي ذا يحسبنا عيش بارد ياكله ........... ياحليله

ازريت في المظاهرات الي عزل عن السلاح وشلون تبي تقابل دول منها دوله حاصله على المركز الرابع عالمياً في الطيران والقصف الجوي .

وصدام والله لاطرحته انت ولا ابوك قبلك ........... صدام طرحه الخونه ..

لكن مدام هذي علومك الظاهر منيتك ماهي بعيده وعساها على يدين شعبك ... لأن دمك دم حلمه مانبي نقربه لجل مايلوثنا .

الله يعافيكم جميع ،
أخوي عبدربه : إيو الله ياسهل الكلام وياصعب الفعل .
أخوي نادر : الرجال شكله يوم يصرح هالتصريح فيه نوم آجل واحد شعبه كله ضده وأزراء فيهم يسوي هالأشياء كلها . تصدق أنه ضرب عنده فيوز ولاعاد يدري وش يقول .
أبو رشيد يا أخوي : ايه أتصل على أوباما بحكم العلاقه اللي بينكم وحاول أنه يهدى الوضع ترى بشار يسويها . وسوف تدخل التاريخ من أوسع أبوابه فكيت الشرق الأوسط من خطر قد يحل به .
يا أبو رشيد مايتقدم في قومن إلا خيارهم من غير قصور في الجميع . أتصل على أوباما بعد المغرب وعلمنا بالعلوم كلها ( من ، ألى ) ،

سنجاريا أخوي : ماعليك يعرفنا زين العلوي الوصخ . الأسطول الجوي السعودي يعرف وش امكانياته هذا غير القوات البريه لكن . الله يكرمكم ماعلى السحاب من نبح ..... ! وعما قريب راح بعضنا يبارك لبعض بقتله هو والوصخ اللي أسمه ماهر الأسد ، وهذا ماغير كلام على باله أنه ليا صرح العالم تبي تسكت عنه ولا يبون يذلون منه . قربت نهاية العلوي وعلى يد شعبه بعون الله .

..


تصريح " غبي " لا اكثر..

شكراً لك يا عبدالله ع النشر..

دمت بخير ..




..

الظاهر لاحقه مالَحق معمّر من الهستيريآ

لاهنت ياعبدالله

حلوّه في 6 ساعات هههههههههههه

ليته يضبط الأمن في بلده و بعدين يفكر على قدّه

الآكيد يبطي عظم ,, هو ومن على شاكلته

ست ساعاااات !!!


لاتعبت اي والله .


الناس تقول 6 دقايق وانت ست ساعات .


اجل الصواريخ هالحين اذا جو يطلقونها يقربونها من الهدف هههههههههههه ؟ عشان تنقلها للجولان ؟؟؟ ياغبي ,


وش هي صواريخه .!! هذي شكلها صواريخ قرااد الي اذا اطلقوها تاخذ 500 متر وتفسد هههههههه

طراطيع هذي ماهي صواريخ

ياخي اسكت فشلت العرب . هالحين يحسبون الدول العربيه كلها مثلك ,


الله يشفيك ,


ست ساعات كفيله بتدمير جميع البنيه التحتيه في سوريا كلهااا اذا نوو يساوون بك الأرض يا خاين شعبه ..


الناس تطورو وهذا يقول عطوني ست ساعات .


الظاهر صواريخ ابو فتيل عندك مخزنهاااا هههههه


اذا نوو يضربونك منت لاقي حتى ست ثواني .. لاكن صدق قربت نهايته وضيع ... ومن الي بيخليك تنقل صواريخك للجولان هو اصلا بيبقا عندك شيء تنقل عليه صورايخ .


الله يعجل بزوالك عن شعبك الأعزل ,,,


شكراً عبدالله ,,,,

قال وش دراك انه كذبه



قال من كبرهااااا

بالله عليكم هذا تصريح ريئس دوله

يبي يحرق الشرق الاوسط في ست ساعات هذي يسويها تراه ماهوبــ سهل هذا اسد

لكن الاسد الي بهالقوة والثقه كيف يستنجد بحزب الله في لبنان


ليش وين ابو فتيل على قولة عبدالله الزراقي


تبون الوكاد ان الاسد راح فيها احسبوله سته ايام ويودع


لكن كم يبيلنا على شان نغادر الشرق الاوسط لو سواها الاسد

اكبر عميل لـِ اسرائيل .. واكبر ارخمه

القذافي 2
كلام لا يودّي ولا يجيب .. لكن الله يعين السنّة وأنصارها في بقاع الأرض
ويعجّل بسقوط الطغاة وتهاوي جحافل الظلال ..!

،



والله من قرب المعشى ..
ما عنده الا يالاله يا لالا لا له



شكرآ يا صديقي عبدالله ،

:

ماعلى الذيب من .....

بشار الاسد .. أدرك ان اعمامه تخلو عنه وبدأ في التخبط والترنح , و كثيرا ً ممن انتهجو سياسته هذه ( التهديد ) انتهجوها بهذه العشوائيه وهذا التشنج بعد ان خسرو كل شي , وعلمو بقرب " المعشّى "
:
مايجي للنمل ريش الا لنفاده /
ما يثبت لك فناه الا مطيره ..!

نقول انتظروه .. قريبا ً في ( الأقفاص )

هههههه

قوله امرح يا جدي بس ماحولك الا الخلا ههههههه

هذي مشكلة اللي ما يعرف الفرق بين المرأه و الحرمه..

آخرتها يدربي له هروج ٍ ما هو قدها..


اقول ما تعرف عايض بس؟؟

الله يرحم شُهدائنا ويسكنهم جنات النعيم
,,,
ويرنا فيك أنت واعوانك يابشار القرد لان الاسد كبيره عليك ...يرنا فيكم قدرة عجائبه

الله يرد كيدهم في نحورهم

وأعتقد ياعبدالله ان بشار لعبه في يد الحزب الحاكم وانه يمغط رقبته اللي تقول رقبه زرافه

على الفاضي ولايدري وين الله حاطه ...

الله يدمره في نار جهنم