تويتر..

الأعزاء في المرقاب . . طابت أوقاتكم

[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
[poem=font="Traditional Arabic,6,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
[poem=font="Traditional Arabic,6,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
[poem=font="Traditional Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]
[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياداعي تويتر احمد مايحب الظهور=مادام ربي سترنا ليه نجلى الستار
عفاف وجه الكلام فبعده عن السفور=والصمت وضع حشيم ولو صحبه انتظار
والعالم المايقة فـ مربعاته تدور=مغردينه كثر ومغرداته كثار
وش جاب صوت البلابل عند صوت الصقور=البلبلة للبلابل ماهي بلـ الحرار
قالوا هل العرف دنيانا على قرن ثور=من ينغز الثور ويثور الدخن والغبار
ماتبرد الكبد من روحة وجية سبور=ولا للمروغ عن المكتوب باسمه فرار
الهرش في مبركه مبطي وهو مايثور=الا مع البرد لامنه هدر واستدار
وانا ادعي الله ودعوة خالقي ماتبور=وش عاد يوم ابتعد لوهو يفوت القطار
فاتت علينا من الاشيا وبعض الامور=مايجعل الصمت عيب عقب ماهو وقار
راحت وانا ماني من الناس رجل هذور=لو كان فيما مضى ملحي مع القوم ثار
قد كنت مبدع وشعري فوق هام السطور=واليوم بين السطور اعيش حالة حصار
مابين لب الكلام وبين بعض القشور=يسودني لابغيت القول وضع اختصار
روتين الايام واحداث الزمان الدبور=قامت تحمس العرب حمس الدهر للخضار
ترعى بالانفس رعي هامل وتقذى الغيور=وتشّرعلى الناس كنْها تقول وين الفرار
وانا بعد فرد من ضمن العرب ومحشور=صدري حشادٍ من الأحداث والكبد نار
يدين الاعلام صارت من ورى العين سور=ونكبات الايام تنقل بين عاجل وحار
وحنا نتجمهر على الاخبار ضمن الحضور=واعداء الامة على الهمة عيونه شرار
ياما وياما نقول الضيق وسط القبور=ونوسع المجلس وفالصدر ضيق وحشار
ماباقي الا السما تضيق فيها الطيور=والا تضيق اللحود من الضحايا الكثار
قل لي عليك الله العلاّم يابو سرور=وشلون ابكتب فرح والواقع اصلا دمار
لولا الرجا بالكريم اللي عطاه مخبور=اودى بنا الواقع الملموس للاحتضار
الغيظ من وضع الامة يطّبخ فالصدور=والعين تبصر ولكن الايادي قصار
يالله يارب العباد المحتسب والصبور=انك تهيي للامة يالقوي انتصار[/poem][/poem][/poem][/poem][/poem]

احمد فاضل
07/07/2012

حجز نمبر ون\
شرحك سرى مانحب الظهور
صح السانك

احمد بن فاضل

صح لسانك مدد ولاهنت ..

المشاركة الأصلية كتبت بواسطة مناحي الفرزه

حجز نمبر ون\
شرحك سرى مانحب الظهور
صح السانك

حجزك مؤكد يامناحي
صح بدنك ولا هنت
تحياتي

المشاركة الأصلية كتبت بواسطة فرج الدهمشي

احمد بن فاضل

صح لسانك مدد ولاهنت ..

صح بدنك يافرج
تحياتي

الله يسلم يمينك يالعذب على الإبداااااع لاهنت يالغالي
صح السااااااانك . ولك ودي

المشاركة الأصلية كتبت بواسطة مشعل دخيل

الله يسلم يمينك يالعذب على الإبداااااع لاهنت يالغالي
صح السااااااانك . ولك ودي

صح بدنك يابودخيل
مرورك وتعليقك شرفني
كل عام وانت بخير