قطمان المحازم

قصيده تشرفت بألقائها في حفل زواج ابناء علي بن حامد العصيمي
بدعوه كريمه من المهندس عمر بن حامد العصيمي


[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]
ياسلام ورحمة الله وابركاته فالبدايه = عد من صلّى ومن يقرا من الايات ايه !**
للشيوخ وللحضور من الضيوف وللقبيله = الرجال اللي حضوري بينهم مطلب وغايه !
قلتها بأسمي وبسم اللي حضر من روق وايضاً = بالنيابه عن ذوي زراق ربعي واخويايه !
يوم جانا داعي العتبان فالميقاف جينا = في محلّ اللي لهم في قمّة الامجاد رايه !*
ماتغيّبنا الضروف ولاتباعدنا المسافه = *وفي مواقيف القبيله مانبا لأحد ٍ وصايه !
وانتقدم بالتهاني كلها لعيال حامد = ودامت الافراح وايام السعد بالخير جايه !
والصحيح ان المشاعر والقصايد ماتعبّر = لو كتبت الفين بيت من الشّعر نظم وحدايه !
شاعر ٍ ماجيت امام الجمع والجمهور كلّه = لأجل بس اخذ مع الشعار فالمحفل سرايه !
جيت وانا لن حضرت احمى بميقافي حضوري = ولاعليكم زود ياشعار ياكل ازملايه !*
ادري ان الشعر مثل البحر وامواجه تلاطم = ومن يبا مرجانه ولوله يغوص اليا النهايه !
واعلم ان الشعر له شعار لو قلّه قليله = في زمان ٍ نسأل الله فيه للناس الهدايه !
والاكيد اني ليامني بغيت امدح بشعري = والله اني ما امدح الا واحد ٍ فيه الكفايه !
والعصيمي يستحق المدح بالاشعار لانه = من هل الفزعه وكلمة ( نعم ) هاويها هوايه !
هم هل الوقفات واهل الطيب قطمان المحازم = وهم هل الافعال بالسيف الحدب قبل الرمايه !
يشهدون الناس والتاريخ من ماضي وحاضر = في سجّل المجد واسمك يالعصيمي فالبدايه !
والقبيله تفتخر ب ابالعلا شيخ القبيله = شيخها اللي في ذرى بشته لهم ظل وحمايه !*
شيخها اللي شيخته من راس ابوه وراس جده = وعزّها اللي يوخذ بقوله وتوجيهه ورايه !*
ينصر المضيوم وحزام ال عتيبه كلبوها = وربعه الهيلا تزبّن من على روحه جنايه !
ايه ابا افخر بالقبيله واتنومس واتفاخر = بالفعول اللي تتشرفنا ماهي والله دعايه !
والختام العذر منكم فالأطاله والسموحه = والسلام ورحمة الله فالبدايه والنهايه !**

*!! [/poem]