سناب شات ،

،

،

..

ياسنابَ طشّ الخبر ياللي تذيع العلوم
وصوّر بيوتٍ / مغازيها ،، بعمدانها

محَدٍ يصوّر معاميله :- ياكود الرخوم
اللي تحط اقهوه مّره ..؟ لضيفانها

حنا نصَف / الذبايح / والتمرَ / كل يوم
في مجلسٍ يجمعَ .! العزه وشيخانها

ديكوره امدوكرَ .. لعد الروى واللزوم
فحواه ذاري .؟ عن الغاره وديبانها

ونوره بياض الوجيه اللي تدك الخشوم
ماشدَ لمبات ..! تعميَ عينك آلوانها

ومداته امطوَقه / بين الفخر / والسلوم
ماهو فخمَ ..! والسفينه عند ربانها

تلقا مراكيه محزومه ..! بقوَ العزوم
مركا لشدَه ..؟ ومركا .. تامن اوزانها

وبرداته إن كبرت القاله ..؟ تضد السموم
ماهي عن الشمس / والبشره / وخلانها

تبقىَ بطول العمرَ .. مثل القضا للعموم
كنها .. لـ إشاره لربعن / طالت إيمانها

شبته تجلا الكدر وتزيح كل / الهموم
لانامت ..! آهل اللكاعه .. فوق نيرانها

لن جيت راعي محَل وتروح وأنت محشوم
عن هرجةٍ / تجرَح .. العالم .. بنيشانها

آمعزبه جزل ،، قسمه من خيار القسوم
من قوم عند الدَرر / صح الله السانها

ماطيق وجه البخيل / اللي يذم القروم
آييَدن تصك الدرايش .! دون جيرانها

الذرب ذرب الفعل ماهوب ذرب الهدوم
لاقبَة ،، المعضلات ..! وفاح .. دخانها


ㅤ
#عبدالله_بن_سنيد

ㅤ
،