برامج رمضان وشرايكم فيها

برامج رمضان .. ومسلسلات رمضان .. أو اللي هم يسمونها مسلسلات ..!! والشي المضحك انه الفنانين في كل المسلسلات نفسهم نفسهم .. على سبيل المثل صرنا نشوف (حسن البلام) أكثر من أهلنا ..!!

الحيــالــه
مسلسل غرييييب ..!! سخيف ومو سخيف .. فيه قصه بدون قصه..!! بيت بوعلف من القرون الوسطى وانا شخصيا انطر متى يطيح فوق روسهم..!! اختهم فتون فلم هندي..!! شيشه ومغازل ..!!وشفايف زرق..!!

أما دواس اللي ماتشوفه بنت الا تموت عليه..!! أحداث المسلسل مو واقعيه..!! وياليتها خياليه..!! أحداث تفشــل..

الحلو بالمسلسل انك مو مهم تتابعه كل يوم .. لان اليوم نفس أمس .. وأمس نفس بكره



الحـريــم
بما أن حياة الفهد أحسن وحده تبكي قدام الكاميرا قررت تسوي مسلسل كامل لهذا الغرض..!! أنا شخصيا ما أسميه مسلسل الحريم .. أسميه ((المسلسل السخيف..!!)) .. يعني وحدة متعقده من (الرجل) وما تبي تتزوج .. وين المشكله ..!! كيفها..!! يعني مسويين مسلسل وممثلات وعفسه بس عشان يبينون ان كل رجل مجرم وبعدين بالله في حرمه تكره الرجال او ماتبي الرجال من وين جايه هالأحت من المريخ .. أخوهم ما يدري وين الله قاطه!! وزوج أختهم حرامي على سكير على فيه نزعة اجراميه!! وزوج أبرار مدمن ما كمل حلقتين وموتوه!!

حياة الفهد تبي تقنعنا انها كاتبة دراميه!! واهي ناقلة كل قصص المسلسل من مجلة الجريمة!! فعلا" مثقفه!!

( طاش ماطاش )
اسخف شي في رمضان يعني لازم ياناصر انت والسدحان تطلعون لنا طش ماطاش ملينا منه ولا فيه شي يضحك رقيه على مدى سبع سنوت وهي بشكلها ماتغير وعبدالله سدحان لايجيد الا دور الشايب ولا ابو سنون فقط وعلى مدار عشر سنوات هو هو............. القصبي خلص رصيده لدرجه انه صار يصطنع المواقف

العميا نور
سوري قصدي العمة نور.. أهم أسباب نجاح المسلسل المصري((أي مسلسل)) ثلاث عناصر:

1. عايله طاقها الفقر<<بس شرفاء..لازم طيبين والا مايصير!!

2. ظروف صعبة!! مثلا" الولد ممتاز ومتخرج بتقدير جيد جدا" بس عاطل عن العمل!!البنت معاها شهادة سنويه((يعني ثنويه)) عامه بتقدير ممتاز مش لاقية كليه محترمه تخش فيها .. رب أسرة ميسور الحال عنده سيارة بس موديل مغبر!!

3. شخص ثالث وهو أهم شخص يكون غني عنده فلوس ينقذهم ويحل مشاكلهم <<اذا مو غني ماينفع!!



مليييينا من هالروتين .. واللي زاد الطين بله انه العميا نور عاشت أغلب حياتها في أمريكا!! عشان كذا إهي الذربه وإهي السنعة والمنقذة !!

أما التغييم أو مادري شيسمونه اللي يخلي الصورة مو واضحه عشان لاتطلع فضايح ست الحسن نبيله عبيد يضيق الخلق .. ما يخلص المسلسل الا وعيونك مصكره مره وحده!!

أحلى شي بالمسلسل((أخيرا راح أمدح شي!!)) هــو الآي شدو حق نبيلة عبيد اللي واصل لين أذانيها ..!!

قــرقيــعــان

نفس فضائيات .. نفس داووديات .. بس على أتفه !!



يـاخوي
أول ما شفنا دعاية المسلسل قلنا أوف شهالمسلسل اللي كله أكشنات!! وشغل رهيب!! وفيه سعاد عبدالله !! لا بيطلع روعة!!



والا مسلسل يفشل!! أنا إذا عندي صغار وطلعت لقطة بنت سعاد عبدالله بالمسلسل مع اخوانها أغير القناة!! << أخاف ينحرفون!!

وإلا فيه أخو يقول حق أخته ((ياحبيبتي ياعمري إنتي يـا....))!! ويدقون عليها من صباح الله خير يشوفون شلون راح تروح الجامعه((بطياره والا سياره!!)).. لا وعبدالمحسن النمر يزور اخته بالمستشفى ومعه ورد ((لحد الحين كل شي معقول)) ويقطع الورد ويرشه فوق أخته ويبجي ويحطون أغنيه رومانسية .. ياجماااااعه ووووالله عييييب!! فلم هندي مو مسلسل!!!

الحجاج
من خلال دراستي الخاصة إكتشفت إن 99% من الرجال يتابعون هالمسلسل .. وبس 1% من البنات يتابعونه



أنا شفت للمسلسل كم حلقة بس ماقدرت أطول .. لأن الجو المغبر أذى عيوني!! صدق والله مادري بأي بر مصورين!! حدددده غبررره!! وبشوتهم طايره والممثل يالله يفتح عيونه عشان يمثل!!

وعجبتني شعورهم .. وشباصات الممثلين!!



حيـاتـي
يمكن مو أكثركم يعرف المسلسل .. أنا ما كنت أعرفه شفته بالصدفه .. انا أقولكم الملخص : هــدى حسين بطلة المسلسل إهي الطيبة الزينة اللي تحب كل الناس((مثل أدوارها دايما")) بس ظروفها ضدها شوي ((مثل أدوارها بعد!!)) يعني لا جديد!! أنا بس أشوفه أتذكر تلفزيون الأطفال .. مادري شنو وجه الشبه!!



صااادوووه
مادري اللي يقدمون هالبرنامج وش يتوقعونا..؟؟ هنود ..؟؟ مدمغين!! مانفهم!! يعني كيف يسوون نسخه ثانيه من صادوه .. يعني الممثلين والمذيعين ما شافوا الجزء الأول ..!!
لدرجه انهم جابو حليمه بولبد مره ثانيه ياناس ياعالم يمكن فينا غباء الذي اختلقناه لأنفسنا لأننا عرب لكن ماناصل لدرجه ذي

أما قمة الخباله المذيعه اللي معهم!! وسمها مها الا قرد ولا غوريلا

الظاهر القرقاشه اللي اسمها ("(سلملم)") اهي اللي منجحه الجزء الأول ..

ملك روحي
ماتابعت المسلسل .. وبما أني ما تابعته أكيد مو حلو ..!!



فوق تحت
باختصار برنامج ماله داعي .. لو يحطون بداله الشاشة اللي فيها كل الألوان ((اذا عزل التلفزيون)) احسن

بالله وشهي جريمتنا عشان نتحمل استهبال هيا الشعيبي!! وخشم بوهلال!!



يوم آخـــر
صدق هالمسلسل معقول .. بس يحرق الأعصاب.. يعني قلنا فيه ظلم!! وفيه ظروف صعبة!! بس مو كذا!!



كله كوم وأخت البنات الصغيرة ريم كوم ثاني!! وإلا خالهم!! أي عرف هذا اللي يخلي أطفال يعيشون مع واحد فاقد 24 ساعه .. ويين قاعدين..؟؟ لا ويروح للشرطه واهو فاقد ويقوله الشرطي : روح الله يستر عليك ... ((خووش حجي!! من متى كان الشرطي مصلح اجتماعي؟؟))!!

أبي مسلسل واحد بس نقدر نتابعه بدون لا نضحك عليــه!!

المصيبه ان هناك برامج مخصصه للأغبياء من الكويت والسعوديه عشان يشاركون ويكسبون الجوائز ويحاولون مقدمين البرامج ان يعطونهم الحل ويأشرون لهم برقم الأجابه وينقلونهم الأجابه الصحيحه واذا مافاد قال صح كلامك صحيح والخبل ماجاوب اصلاً
البرنامج السعودي ( مايطلبه المشاهدون ) الي يقدمه حامد الغامدي الي ماهو فالح الا يغير كل حلقه خواتمه وساعته وقلمه وكبكاته .

جميعنا نلاحظ الممثلين الي يستضيفهم مايطلبه المشاهدون يعلمون المهبل الأجابه الصحيحه ويأشرون عليها بيدينهم واخر شي يجيك المهبول ويجاوب غلط ولا يجاوب صحيح الا اخواننا العرب من البلدان الأخرى ( مصري . سوري . لبناني . اردني . فلسطيني . مغربي .... الخ )

سعودي خطأ كويتي خطأ

والبرنامج الكويتي الي تقدمه حليمه بولند انا افد هالوجه
مع المذيع الي هو معها وخرب البرنامح اصلاً ....
الكويتي والسعودي يتصل ويقومون المذيعين يعلمونهم الأجابه ولافي فايده ( وقف حمار الشيخ في العقبه )
اسألكم بالله ليش يتكلف الأعلام السعودي والكويتي في اعداد هذه البرامج والهدايا والجوائز القيمه التي تصل الا ملايين الدولاارات واخيراً الفائزون غيرنا
صحيح النعمه طغت علينا ( الله لايغيرها ) ولكن ناصل الا هالمستوى من الغباء اجابه قدامك ويغششونك واخر شيء يقولون صح ونت ماجاوبت من عذرهم يبغونك تفوز احسن ماياخذه غيرك لكن برضه ماتفهم
تعالو شوفو الأتصالاات في البرامج التي تعرض في كلاً من قناة ( الجزيره . العربيه . المستقله . ابو ظبي ) جميع المتصلون يغلب عليهم طابع الثقافه ومن منطقه وكلامه يتضح ذالك . تعال شوف السعودي والكويتي فضيحه الله لايفضحنا مره يتكلم باللغة العربيه واذا ماشافها تخارج ردها عاميه واصلاً مافي راسه شي ويتكلم خارج الموضوع ويسب الي الضيوف الي في الأستديو ....... بس هذا الي فالحين فيه
.. ولله اني احيان استحي يوم اسمع كلامهم في هالبرامج ........هم ينفعون في روتانا اهدأت وفي نغم ودريم يختارون اغاني فقط ... اللهم لاشماته شعب مدري متى يتعدل













مع تحيات




مشرف متقاعد






سنتوب