(( ألقا/سميّه)) لــ بنت القصيد

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
المسا مع طيفك العابر يزين=لا تغيب ارجوك ياوجه السعد
والله انك كنز واحساسك ثمين= دام جيت شْـ عاد انا برجي بعد ..!
ايه حبك وسط خفّاقي دفين=لك وعد يبقى وانا قد الوعد
في غيابك كل مافيني حزين=مزنة اشواقي تلوح وترتعد
انت قلب وانت روح وانت عين=لا تفكر ياحبيبي تبتعد..[/poem]

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
عسا نومك هنا وغْفاية عيونك فرح وسرور=وعسا حلمك أنا والقاك في حلمي وتلقاني
عوافي ياعيونه واسعدي شوفه وانا معذور=ليا منّي سهرت لطلّته من بين ذرعاني[/poem]

[ 14 / 5 / 1432 هـ ]
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
أنا عمري [ شهر واحد ] حبيبي..! =وكل سنين عمري ما أبيها ..!
بعد ماصرت من ( حظي ونصيبي )=بدا عمري من ( ايامك ) وفيها
وقلبك بس من قلبي قريبي =وروحي بس روحك تحتويها
خيالك عن عيوني مايغيبي=وكل لحظه هواجيسي تجيها ..!
ملكت الروح باحساسن وطيبي =( حلالك ) ترتجيك وترتجيها [/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ياحلمي اللي تحقق لي ولاقيته = ياعمري اللي بدا لحظة ملاقاتك
أنت اول انسان من شفته تمنيته=كلي فدا عمرك وروحك وضحكاتك [/poem]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
صباحي لك وعمري لك وقلبي لك وحبي لك =حبيبي ماحتواني غير قلبك لا تخلّيني ..!
تمنّيتك عمر لين العمر وفّا وخذني لك =ولا به قلب بالدنيا سوا قلبك ملا عيني ..![/poem]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
اتمنى وصالك كل ليله ويوم=كل لحظه فْــ / بعدك ياحبيبي قهر
احتواني حنانك ياعسا لي تدوم=وآتهنّى بقربك ياغناتي دهر
صعب ألقى مثيلك ياحفيد القروم=لن قلبك خلاصة [ طيب روح وطهر ][/poem]

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
مساء العشق وانفاس الغرام ولهفة المشتاق=مسا ما يحتوي غيرك يصبّر فايض اشواقي
أحبك والمحبه ساكنه بالروح والخفّاق=معك يحلى العمر [ وانت العمر ] ياعمري الباقي ![/poem]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
أنا بلاك شلون ( ياهيه ) أباعيش=عمري بدونك ياحبيبي ماريده
في محبّتك نضج الغلا ولذّة الطيش=انشهد ان محبتي لك فريده
اي والله احبك واحبك واباعيش=عمري معك وانت الحياه السعيده [/poem]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
عساك بخير دايم ياذراي=وعسا ايامك وانا جنبك سعيده
مساك وصبحك وصبحي ومساي=بهم نارن من ( وصالك ) وقيده[/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
أنت الفهد ولد الرجال المسمين=وانت الفهد عوني وعزي وناسي
وانت الفهد شامخ شموخ السلاطين =حتى ليا من طحت طحت متواسي
أنت العضيد اللي ليا حدني شين= جيت اشتكي لك يابعيد المراسي
ياصقرابوي وفخرنا بالميادين=ألله يجنّبك الكدر والمآسي
هذا القدر مكتوب بتشوفه العين=قلب القدر ياخوي بالحيل قاسي
ولا لو انه يعرفك معرفه زين=ماكان صابك في مصاب انتكاسي
ماقلت له بانك سمي احمر العين=عودن على ضلع الريادات راسي
ميّت ولاكن حي معنا لهالحين=انشوف بك صورته ياتاج راسي
عودن رحل دوّن له الطيب تدوين=خلّد جبل راسي مابين الرواسي
خلد لنا منصور طلق الحجاجين=منصور منصورن على كل خاسي
ياخوي حنا من رجالن ميامين=شيوخ ماهي شيختن بالكراسي
شيوخ نسل شيوخ سقم المعادين=ماهوب قولن لجل شعرن حماسي[/poem]

ياليل سجن القوافي

[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ما هكذا ياهل السنام المجازات..!= انا عروس شلون تسجن عروسه ..!
ان كان لي في جزل الابيات تهمات=كلّن يقرّب لجل ياخذ دروسه
انا ظلمت الهزل في كل الابيات=وصيّرت كل النادرات الضروسه
وقنّدت روسن شامخه بالفريدات=قهوة قصيدي بالجزيل محموسه
مالي ومال مكبّرين الشعارات =اهل الوجيه المودره والعبوسه
تاريخهم " حصري " [ صناعة مجلات ]=عانو من اسباب القصيد " العنوسه "[/poem]

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
مبروك للمالود دام انته " ابوه "=حظه كبير اللي مع اسمك تدوّن[/poem]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
العمر رحله وانا عمري طويل=لو يخالف منطقي قول اقدري
لو عمري ( يوم واحد )/ ما يحيل=بين عزمي والامل /ماهو جري
كلنا لا شك نمشي في سبيل=فيه من يعدي ومن يجري جري
اوله صيحه وتاليه الشليل =لا نفضه الوقت واعياه الفري
والله اني ( روح ) تبقى يالاصيل=دام بطن الجحدريه جحدري
من يعاف المر ذاق السلسبيل= وكل ليلن لو هو اقشر ينسري
من يحط الحمل به غيره يشيل=ما وقف سير الزمن ولا دري
عن خواطرنا يشيّلنا جميل=وان طلبنا منه باع ونشتري
والثمن بالروح وافلسنا الحصيل=والعمر من كسرنا ماهو بري
قلت اعرضها على القلب العليل=دام دمعي مانستر في محجري
سبة اللي مالقينا له مثيل=بدوين فيه ميزات حضري
شلت حمله لو له حملن ثقيل=ما تجنّبته ولو هد اظهري
اعشقه والعشق في مثله قليل=وحبي اللي فيه حبن جوهري
له علي اني مابدّلْه ابّديل=ولي عليه انه على حبي صري[/poem]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
شكا لك دمع عيني في غيابك كيف ما قدّرت=عيونن بيّحت حرمة دموعي لجلك وطاحت
كشف ستر الدموع الطاهره حبك يالين اجهرت=كفا طول الغياب اللي عليه الروح قد ناحت
تنوح الروح من سبة غلاك وفالغياب انهرت=وانا روحي معك راحت لو ان الروح ماراحت
تقدم لك ركايب عشقي الطاهر غلا وادبرت=عجب وشلون تقفي للغياب ومزنتي لاحت[/poem]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
اثرني ماني بسيطه ياولد=عان عكفان الشوارب حايسه
تدّهر ماعاد به حيل وجلد=ضيّق المريوس خاطر رايسه
بعضهم لا جيته بطيب انملد=ويح .. يا كل القلوب الخايسه
كن مابه غيري ابهذا البلد=نجمها عالي ولحدن سايسه
لو ماني خالده اسمي خلد=ماخضع للمنجس ونجايسه
[/poem]

من سجن القوافي
احدى مناوشاتي مع ابو مشعل
عبدالله بن طلال
يقول

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] عليك بإسم اللي خلق تكبيـره=ويكفيك شر الرفقـه البطّالـه
قولوا لبن شداد يتـرك زيـره=تراي اعرف العالـم المحتالـه
ان ما ركد طلّعت له تأشيـره=لاعاد يضبط غترتـه وعقالـه
اصير في ديره وهو في ديـره=يروح مع هنده ومـع بنقالـه
وش عاد لو يبكي من التسفيره=كله سبايب طفقتـه واهبالـه
ويابنت خالد فكـي التكشيـره=فايح ركب له طايـره بلحالـه
حين اقلعت به ماعليها غيـره=العلم جاله والقضى يبرى لـه
وسجن القوافي عندنا تقريـره=وانا مديره عارفٍ با احوالـه
ابـا افتـح البوابـه الكبيـره=واروح اتكّي في محيط الصاله
وياربعنا هاتوا لنا (المديـره)=ومسموح نسجنها مع الشغاله[/poem]

وقلت له

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يابن طـلال بجـد مالـك داعـي=وشلون تسجن وحدتن مسؤولـه
وانته رجل عاقل ورجلن واعـي=سجني هنا وش سبّته وشهوله..!
من دون حلقي به مَحَط ذراعـي=ويمين قشـران العقـل مشلولـه
والصاع ارده صاع فوقه صاعـي=والقاسميـه ماهـي ابمجهولـه
وان كنت في شغالتـي طماعـي=الحـل عنـدي جيتكـم بآقولـه
هات المملّك والمهـر والساعـي=وازوّجك والسالفـه محلولـه
من غير جلب المدعي والداعـي=معْيَ القضيـه بالشعـر مكفولـه
[/poem]

[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
اشتقت لك لو كنت منته بمشتاق=واحتجت لك لو كنت تبغى بعادي
اشوف غيرك مير محدن معي لاق=انت الوحيد اللي اسرت الفؤادي
اقبلت لي عز ومحبه مع اخلاق=واقبلت لك عشقن نزيه ومبادي
معك الخفوق انقاد والروح تنساق=يمك بعد ماصار قلبك مرادي
[/poem]

[poem=font="simplified arabic,5,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ان كنت تبغاني فانا مثلك ابيك=وان كنت بايعني عساها سفيره
ماتبع ورا المقفي عسالله يجازيك=مرواح جدي روح فالبعد خيره
هاذي مباديّي وتعرف مباديك=كلّن على ماقيل عقله شويره
[/poem]

المشاركة الأصلية كتبت بواسطة القاسميّه

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
أنت الفهد ولد الرجال المسمين=وانت الفهد عوني وعزي وناسي
وانت الفهد شامخ شموخ السلاطين =حتى ليا من طحت طحت متواسي
أنت العضيد اللي ليا حدني شين= جيت اشتكي لك يابعيد المراسي
ياصقرابوي وفخرنا بالميادين=ألله يجنّبك الكدر والمآسي
هذا القدر مكتوب بتشوفه العين=قلب القدر ياخوي بالحيل قاسي
ولا لو انه يعرفك معرفه زين=ماكان صابك في مصاب انتكاسي
ماقلت له بانك سمي احمر العين=عودن على ضلع الريادات راسي
ميّت ولاكن حي معنا لهالحين=انشوف بك صورته ياتاج راسي
عودن رحل دوّن له الطيب تدوين=خلّد جبل راسي مابين الرواسي
خلد لنا منصور طلق الحجاجين=منصور منصورن على كل خاسي
ياخوي حنا من رجالن ميامين=شيوخ ماهي شيختن بالكراسي
شيوخ نسل شيوخ سقم المعادين=ماهوب قولن لجل شعرن حماسي[/poem]

القاسميه

استرقت بعض الدرر هنا دون اذنك ولاكنها سرقة بصر

اعجبني جدا هذا البوح الفاخر وهذا الشعور الجميل

كفو كفو كفو كفو كفو كفو

الله يرحم شايبكم ويعافيكم ويستر على تاج راسك
ويحفظكم من كل مكروه




عذري للتسلل بدون اذن

المشاركة الأصلية كتبت بواسطة معدي المرقاب

القاسميه

استرقت بعض الدرر هنا دون اذنك ولاكنها سرقة بصر

اعجبني جدا هذا البوح الفاخر وهذا الشعور الجميل

كفو كفو كفو كفو كفو كفو

الله يرحم شايبكم ويعافيكم ويستر على تاج راسك
ويحفظكم من كل مكروه




عذري للتسلل بدون اذن

ياهلا ويامرحبا بشاعرنا الكبير
معدي المرقاب
مرورك تكريم وتشريف للركن وراعيته
وايشادتك شهاده

بيض الله وجهك على ماخطه طيب قلبك وذوقك
باقات الشكر لك
تحياتي
اختك القاسميه ........

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] عليك الرياض تنوح وغبارها عوّد=بعد رحت عنها ويش باقي معك ماراح
تعكّر هواها وانقلب جوّها وسوّد=ولا عاد باقي في ثراها سوا الاتراح
رحل معك مزنن كان بالخير متكوّد=يظلل علينا وان بغينا هطوله طاح
حبيبي غيابك صعب وبحالتي كوّد=ترفق بقلبن من وجودك عرف لافراح
غرامك معي لازال والقلب متجوّد=بحبن سكن لاعماق ماظنتي ينزاح[/poem]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
قال : رحتي ..؟ قلت : ماراح الحنين=قال : وينك ..؟ قلت : قدني رايحه
قال : قلبي ..؟ قلت : ترضيه السنين=قال : وانتي ..؟ قلت : كبدي فايحه
قال : حبي ..؟ قلت : في قلبن امين=قال : حبك ..؟ قلت : محدن زايحه
قال : شوقك ..؟ قلت : شوقي لك متين=قال : عمري ..؟ قلت : انا ربايحه
قال : دمعك ..؟ قلت : هاذي دمعتين=قال : وش بك ..؟! قلت : روحي رايحه
[/poem]