بنت أكرم الحي حلال العقود

السلام عليكم ورحمة الله وبركاته



(( تعزية بالآحـــياء ))


كان ومازال الشيخ / فيحان بن خاشم بن مصوي ، عنوان من عناوين القيم الفاضله من دين وكرم وشجاعه ومروه ومساعدة محتاج وإصلاح ذات بين . كيف لا وهو أحد شيوخ العشيره المحبوبين في المجتمع المشهود لهم بالصلاح والولاء لحكومتهم الرشيده .
في أحد المجالس دار حديث بين بعض الشباب المقبلين على الزواج وكان حديثهم حول شريكة الحياة وكانت أهدافهم ان تكون / معلمه - موظفه - طبيبه ونحو ذلك بغض النظر عن النسب والمنسب وقد طلبوا رأيي حول مادار بينهم فأعطيتهم رأئي في هذه القصيده مع إحترامي لخصوصية الآنساب وقد أشرت للشيخ فيحان وآمثاله :


[poem=font="Simplified Arabic,5,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
عشقتي بنت أكرم الحي حلال العقود=عشقتي يوم إن كلٍ تعب لعشاقته
بنت من خطار ابوها يعشيهم قعود=والضيوف اللي بعدهم عشاهم ناقته
بنت حلال المشاكل وفكاك القيود=كم سجينٍ فك حبسه وجاب طلاقته
كم سعى بالصلح لمتجتمع وأنتم شهود=دون ربعه شال حملٍ عليه وساقته
إن وجدها كاش وألا دفعها بالقصود=الديون اللي تقص الظهر ماعاقته
يوم مايقوى يشيل الحمل رخو العضود=الحمول اللي حملها تعدت طاقته
داخلٍ سوق الشكاله ولد واليوم عود=كل من حاول يجاريه عقب ساقته
بين فعله والمكارم مواثيق وعهود=مثل دعوى شن يوم إلتقى بإطباقته
مافعل فيحان مايحجده غير الحجود=يجحده شخصٍ بوقت اللزوم علاقته
ماعلي من المنافق ولا قول الحسود= والردي واللي فعول الثناء ما شاقته
سعدكم ياعزوته دام راسه بالوجود=وربنا يحسن عزاكم نهار فراقته[/poem]

وسلامتكم

هذه المواصفات اللي يبونها الرجال وليست المادة

وما ادراك مالمادة ،،


ابو ناصر


ابيات جزلة وكلام جزل ،،


لاهنت وصح لسانك يالقرم


تحياتي لك

وعليكم السلام ورحمة الله وبركاته



حي الله أبو ناصر



وبيّض الله وجهك على القصيده الي علاها وسمك المعروف !



ثم أنا من رأيي إن التوفيق بيد الله ،


قد يأخذ الرجل بنت شيخ ورجل بمعنى الكلمه ، ولكن بنته ماتنفع في سبع المذاهب ،

وقد يأخذ بنت هلامه وترجح بكفّة بنات الملووووك !
إنشد مجرّب ومعايش التجربه بكل حذافيرها
وليس شرطاً ولامسلماً به إن إبنة الكريم تأتي مثله ، وكذلك ابنه ..

لأن البدو يقولون :
" النار تخـّر رماده "

ولا أصدق من قول الله جل وعلا :
( يخرج الحي من الميت ويخرج الميت من الحي )



وجهة نظر ، أرى أنها صحيحه وأرى أنها عكس ذلك ،

وعاني ابا اتعيّن في الرصاص اللي بقي ، كان شفته يجمّل لسبتك بمجاراه !



سلّم لي علاك وعلى من يعز علاك سلامٍ واجد جداً


..

شاعرنا القدير تراحيب بن سويلم


صح لسانك

هذا اللي كل يبي قربه من المناعير


انشهد انك قلت الصحيح
سعدكم ياعزوته دام راسـه بالوجـود
وربنا يحسن عزاكـم نهـار فراقتـه

الله يطول بعمره هو وامثاله

لك تقديري

الشاعر الكبير والقدير / تراحيب بن سويلم

يا مرحبا ومسهلا يا بوناصر

والله يحييك

اول شي اهنيك بقرب حلول شهر رمضان الكريم بلغنا واياه الله
وجعلنا من صوامه وقيامه وكل عام وانت بخير


والحقيقه التعليق على الدرر التي تهديها لنا في منتداك أمر متعب
لكن عسى عمرك طويل على طاعته وانت باتم صحه

تقدم دروس نحن المستفيدون منها


سلام الله عليك ،،


...

الله الله يا بن سويلم


ورأي ما يختلف عليه عاقلين



وقصيد يطرب




صح لسانك


ولاهنت

صح لسانك يابوناصر
وانا موافقك

تراحيب بن سويلم

قصيده وموضوع جميل ومهم

اعتقد ان اختيار خوال الابن اصبح الكثير لا يهتم بهالامر بقدر مايهتم بتعليم و ثقافة و عمل المرأه وتأثيرها في المجتمع

وقد يكون في الموضوع نسبة من الصحه لكن
في اعتقادي انه لايوجد الان بيت لم يدخله العلم واكثر الفتيات متعلمات ومثقفات

يعني لو نظرتك اتفقت مع انظارهم في فتاه اعتقد انها ستكون المطلب الاساسي والاول عند كل رجل

صح لسانك و سلم راسك

تحيتي

ياحي الشعر الاصيل والاصاله

ابو ناصر


جزله من راعي الجزله


واللي هاذي اوصافة الله يخليه لنا جميعاااا

إستاذي القدير ..وخالي الغالي

أبو ناصــر ,,


لله درك ودر الدروس والمواصفات ..


والتفكيــر ..اللي ماصــدر من فراغ ..


صــح لسانك ليــن ترضى ..




بنت من خطار ابوها يعشيهـم قعـود
والضيوف اللي بعدهم عشاهم ناقتـه



بنت من خطار ابوها يعشيهـم قعـود
والضيوف اللي بعدهم عشاهم ناقتـه



بنت من خطار ابوها يعشيهـم قعـود
والضيوف اللي بعدهم عشاهم ناقتـه


أطال اللـه عمرك ..

وتقبل أزكى تحياتي ..

حقيقة موضوع القصيدة مهم جداً

وكلٍ وماقسم الله له ولكن من حق الابن على الأب قبل قدومه للحياه أن تكون أمه من أسره تشرفه

وفعلا لو خيروني بين بنت رجالٍ كاسبٍ نعم ومامعها سادسه ابتدائي وبين بنت ملياردير ومعها الدكتوراه بس أبوها

ماكسب الا والخيّبه الله يعزكم لكان اختياري تلقائي لبنت كسّاب الأمداح

والسبب بسيط وسهل جدا لعل ولدي يكسب نعم في الحياه ويصير طلق حجاج ووجهه أبيض ولايجيني ولدٍ رخمه بارد خد

بخيل مايحدر ولايسند يذبحني وأنا حي لأن جده قاعدٍ له في الريع

مما سبق أعلاه معك في كل حرف قلته وصح لسانك مليوووون ولا تكفيك

وان رزقك الله ببنت حموله وراعيه دين ياسلام سلم

والله يخلي لكم شيخكم ويخليه لنا بعد

تقبل ودي وتقديري

أخوك.

صح لسانك ياشاعرنا القدير ,

كل الود ,

إن وجدها كاش وألا دفعها بالقصـود
الديون اللي تقص الظهـر ماعاقتـه
يوم مايقوى يشيل الحمل رخو العضود
الحمول اللي حملهـا تعـدت طاقتـه


صح الله لسانك يابن سويلم


وعز الله انه جزله ياجزل


واللي ذكرته هو الصحيح بعينه وعلمه


لا فض فوك

حضور وإعجاب وشكر وإشادة


يعطيك الصحة والعافية وصح لسانك طال عمرك

فوق وكل مطرود ملحوق

.
.


الله الله الله الله الله





سلام الله علييييييك يا تراحيب .. !


جزله .. ومن شاعر جزل .. وعلم من أعلام المرقاب


صح الله السانك مدد مدد


وجعل عمرك يطوول





.