درر صدر وعجز ..

.

.

.

عايض النفيعي \ فراج العتيبي




بين تانيب الضمير وبيـن
رغبة النفس وطواريهـا

من ضلوعي باقي ٍ ضلعين
كل واحـد رايـحٍ فيهـا

يرحم الله حال أبو قلبيـن
من تحبه كيف يصخيها !

فالي وفال المفاول شيـن
سيـرة الفرقـا مادانيهـا

دمعتي لا أشوفها ياعيـن
فـأول ايامـي وتاليـهـا

عقب ما حبّيت لي ثنتيـن
ياولـد ربـك يسويـهـا



.

.

.

.

.

.


محمد مشوط \ مشعان البراق




اعذريني ، وابعدي عنـي يمينـك
واسمحي لي كان مامديت كفي

ارتيمت ، وغلطتي بـأول سنينـك
آحسب انك غاية مرادي وشفي !

انقيـادي للهوى دعـوة جبيـنـك
وعينك وخدك ومبسمك المدفي ,

الجروح اللـي تراودنـي لعينـك
موجعه , واللي حصل منك يكفي !

احتضنك الشوق ، و اضلاعي تدينك
لكن اختصري مشاويرك .. وقفّي ,

لا تكافـؤ بيـن نزواتـي وبينـك
مير من رف الهوى هاتي ملفي ,


.

.

.

.

.

.

عبدالرحمن حمد العتيبي \ عايض النفيعي



يخـرب مطـن الحـظ كـيـف يحـدانـا
ياليت لـي سلطـه علـى الحـظ وأحـداه

يخـنـق مساحتتـنـا ويخـبـن مـدانـا
ويغطّـنـا ويحطّـنـا وســط مخـبـاه

ضيّـع علـى بيـبـان بخـلـه جـدانـا
وأخـفـى مفاتـيـح البـيـوت المبـنّـاه

أفـقـر أراضيـنـا وعــز احـددانــا
وأتكـل جَهدْنـا فـوق حـلـم ٍ حلمـنـاه

حلـم النجـاح اليـا حلـم بــه حـدانـا
صحّى رقود (الآه)وإن صحصح(الآه) ؟

ضـيّـق حبايبـنـا وشـمّـت عـدانــا
واللـي نبـا لامـاه يـا سـرع فـرقـاه


.

.

.

.

.

.

غازي المغيليث \ فالح المصعوك



سلام يافالح المصعوك
اهلين ياغازي الروقي

ياطيب راسك وطيب ابوك
وطيبك يابو محمد يشوقي

أهل الهوى يومهم حبوك
من حبّهم ذابت عروقي

جابوك من مكة وودوك
وخلوني اجرّ طاروقي

سبحانه الورد يجرح شوك
وتقتل نخل صبري عْذوقي

واسلم وسلم ودوك ودوك
تسلم , ولاهان منطوقي


.

.

.

.

.

سداح \ مرزوق الروقي




يا ويلك من الموت يا الكائن الحيّ
عمرك قصير وتحسبنك مطول

تزحف عن الرمضاء وتنقز على الفيّ
وتحل في وادي هواك وتجول

يضحك عليك أبليس في لعبة الغيّ
وتنساق له لاقام زولة يزول

ولو يختلف ما جاك دنياك هيّ هيّ
اليوم الأخر كنه اليوم الأول

ما قلت لك وافق ولا قلت لك عيّ
لكن أليا جاك الفنا .. لاتهول

اللي بقوله شيّ يكفيك عن شيّ
تب قبل لاينقال الاول تحول




.

.

شفق السريّع \ مستور الذويبي



سامح الله دخلة العم الافندي
بيّنت مايخفي أصحاب السعاده

ابتدا حرب الاباده شندي شندي
يااكثرماشفت من حرب الإباده

و الضحيه عوّدت في راس جندي
ضحّك الشامت على كبوة جواده

و السبايب كلها ضعف العبندي
والعبندي مابهم صبر ..وجلاده

يالله انك لا تجيب السيف عندي
مايصير السيف مع ضعف الإراده

و ان بليت اِبها عسى موتي يحندي
قولوا :إنّه مات ماحقّق مراده !

عبدالرحمن حمد \ محمد السبيعي







يتعب عفيف النفس في كسب غاية
وسيلته صدقه .. ونعم الوسيلـة!

ياللي غديت لنبض حرفـي مرايـة
تعكس كثير اللي يكفّـي قليلـه!

كتبت فيك الشعر وجـد وهوايـة
وقريت فيك الحب .. طهر وفضيلة!

تصنع من شعـور النهايـة بدايـة
لـ/ المشرق من الأمنيات الجميلة!

حكايتـي ويـاك ماهـي حكايـة
صفحاتها جرد الضلوع النحيلـة!

مـن أول حروفـي لمـا لانهايـة
روحٍ بليّا حيّ حبّـك .. قتيلـة!

عايض النفيعي \ عفاس بن حرباش





الصدفه اللي جابتك ما ترقـب العيـد
طقت ضلوعي لين بالعيـد استقامـت

غريب يمكن بس فعيـون المقاريـد
اللي عن اهل الفكر والعقّال شامـت

تفرح بك الصيّـام شيّـاب ومواليـد
وتفرّح عيونٍ مـع طاريـك هامـت

عيدي مبارك شي أكيد وعيدي اسعيد
اجلس بقلبي لو جميع الناس قامـت

باب الصدف من دون شبّاك المواعيد
ومن عز دمعي ما نزل والعين صامت

كلّك نظر لا والله اللا يا اتلـع الجيـد
كلك فرح في صدرٍ افراحـه ترامـت

سداح \ ناصر مناحي





موضوع صدر وعجز مسرح للابداع
مسرح أدب ماهوب مسـرح لتمثيـل

فكره وجـازت للذوايـق بالاجمـاع
كبار وصغـار وحريـم ورياجيـل

ادخل وتلقى فيه مـن كـل الانـواع
من كل نوع تشوف لـك وادٍ يسيـل

يا منتدى المرقاب يـا طايـل البـاع
يرعاك ربّي من صـدوف المقابيـل

اغلب نجوم الليل طاحت على القـاع
اللّه يعيـن القـاع ويعـوّض الليـل

حنا بذلنا الجهد والجهـد مـا ضـاع
وان شوّشت من دونك نحط ونشيـل

محمد صياح \ محمد آل عبدان





قلت آه من جور الزمن والغرابيل
اللي على حزني تسوق البشـاره

ليت الزمن عقب المسرات مايميل
و ليته بـ( همه ) ما يعيد الزياره

ياصاحبي والعمر قافيـه تهويـل
و الرابح اللي يسلم من الخساره

شكل الزمن ياصاحبي فيه تحويل
لو زان تاره .. شان تاره و تاره

يسعد به الطيب ويلقى التساهيـل
و يشقى به اللي طيبته مستعـاره

والرجل لو همه يدبل لـه الكيـل
عسى الله من الهم .. يقتص ثاره

مشعل فالح الذيابي \ عايض النفيعي






مـل قلـب ٍ صاحبـي بالجفـا قـدّه
لين صارت عوج الأضلاع في ( قامه )

للولـع فالصـدر مرمـى ولـه قـدّه
محفي ٍ رجلـي معـه شـدّه وقامـه

اتلـع ٍ ضامـر حشـا باهـي ٍ قـده
مدهـل ٍ للطـول فالعنـق والقـامـه

شايـف ٍ نفسـه ولا كـن احـد قـدّه
ما يهمّـه واجبـه كـان مـا قامـه

طالبـك يالله لـدرب الوصـل قــدّه
قبل عمري معـه لا أصفّـر أرقامـه

كان ما يمشـي معايـه علـى القـدّه
طحت لي في بحر حـب ٍ ميـة قامـه

.

.


محمد صياح النفيعي \ وجـد



وجدي من اسباب صدك يابعيـد المـدار
وجد اليتيم المشرّد مـن عنـاه انكـوى

خليت فكـري محـار ولابقالـه خيـار
والقلب من جور ظلمك ياهواي ارتـوى

هانت عليك الكبيره بعد هـون الصغـار
رخصت حبك وجرحك بالضمير التـوى

كويتني فـي فراقـك كويـةٍ بالجهـار
ذيب المفارق بوسط ضلوع صدري عوى

ياصاحبي لاتضيق ان جاك حسم القـرار
بيدك شرعت البعاد وفـي يديـك الـدوا

اما تجيني ولك حشمـه وقـدر ووقـار
وإلاتروح وعسى حبك لـصفق الهـوى



.

.

.

.


ناصر المرشدي \ ناصر مناحي



يامداوي الجرح الاول0 حلٍِ جـرح جديـد
وأحترت في غيبتك عن غيبتك وين اروح .!

ان جابك الجـرح لعلاجـه انـا المستفيـد
حتى لو ان الجـروح علاجهـا بالجـروح

عساك تبطي معي والجـرح جعلـه يزيـد
بيعوضني عنـه تكبيـر الامـل والطمـوح

الشوق حمـل الرسائـل والقصايـد بريـد
تنصاك من نزف دم ومـن تشاهيـق روح

والدمع ياصلك من عينـي لـو انـك بعيـد
معاه من قلب مـن يغليـك مقصـد وبـوح

فتش وتلقاه بيـن احـرف بيـوت القصيـد
والواضح ان الغلا لك ما يبي لـه وضـوح



.

.

.

.



ضيف الله الغنامي \ بنت وايل



سؤال في صدري يبيله اجابه
له كم يوم وضايق(ن) منْه صدري

خلاّ حياتي كلبــوها كآبه
والهم من فوقي و يمّي وحدري

والله لو آعرف حضرة جنابه
لأعلّمه وش بعد لا حط قدري

وجيه الغلط والصح قامت تشابه
واللي غفل مايدري شلون يدري

والبدر مانحسب حساب لغيابه
ان غاب ماقلنا لغيبتْه: بدري


.

.

.

.


محمد البطحي \ بدر العتيبي



من عيونك تعلمـت الكـلام
كل نظره لها حرف أبجـدي

كيف ألومك ويلحقني ملام ؟
ودّي أعَرف وشلون أبتدي !

سال كحلك مثل وبل الغمـام
وشحّ رمشك على راحة يدي

خايف ألمحك ويطير الحمام
وأذكر الشوق والجرح الندي

النواظر على شوفك حيـام
مير حظّي مع أيامـك ردي

إنعس شوّي ياقلبـي ونـام
وخلّني للـوداع السرمـدي

.

.

.

.


سنجار \ سعد الجميعي



نقشت حرف النون في الكف يانـوف
بعد الفـراق اللـي حـداك وحدانـي

مدري شجاعة حب ولا مـن الخـوف
مـدري بليّـه يـوم ربـي بـلانـي

ذابت فتايل شمعدانـك ونـا اشـوف
ويوم اختفـت ماعـت اميـز مكانـي

منديلك الـوردي وفستانـك المـوف
اخـرا تعابيـر الفـرح فـي زمانـي

خذها صراحه عاد .... لو قلت ملقوف
انا اللي فـي قلبـي يقولـه لسانـي

ترياقك احلى من عسل نجد والجـوف
وما ينوجد طعمه معا شخـص ثانـي


.

.

.

.


شفق السريع \ سنجار



يا نـوف روفـي عليـه
ان كان بك دم وشعـور

فرقاتـس طـوّل مديّـه
اشهور من عقبها شهـور

اذكرتس صبح و عشيّـه
واجاوب الورق في الدور

مشتـاق لتـس يـا بنيّـه
شوقة مهند علـى نـور

حطي يدتس فـي يديّـه
وحيي نبات ارضي البور

يا بعـد عمـري و حيّـه
منته عن الوصل معـذور



.

.

.

.


سعود ناهض \ سداح




امّا يجيلك في سما العز رايات
وإلاّ أنبسط وأرتاح فوق البسيطه

تثبت ولا تهتز وسط الملمّات
اللي يطمنّ البحور الغويطه

توّاق للعليا ولا تعشق الذات
ونفسك على بذل المكارم نشيطه

يكفيك من مدح العرب صدق الاصوات
والمنبقط لا تستمع في بقيطه !


.

.

.

.


محمد صياح النفيعي \ ضيف الله الغنامي



انادي وانـت ماتسمـع ندايـه
يجاوبني على صوتي صدايـه

جروحي ياجروحي ماتشافـت
بعد ماغبت عن غيمة سمايـه

وانابعدك غديت فدرب مظلـم
عسى الذكرى تردك ياهوايـه

انـا خابـر سواتـك مايقفـي
ولو قفى بعيش العمـر تايـه

ولكن صرت في وقع الحقيقـه
تحط اغلاط غيري مع خطايه

حرام اصبر على جور المقارق
وانا مالي ورا فرقـاك غايـه



.

.