 |
 |
 |
||
 |
 |
|
|
|
|
||
|
|
|
 |
 |
 |
 |
|||||||||
|
||||||||||||
 |
 |
 |
 |
|||||||||
| ..: المرقاب العَام :.. مناسبات و اقتراحات الأعضاء - مواضيع منوّعة |
 |
|
|
أدوات الموضوع | ابحث في الموضوع | انواع عرض الموضوع |
02-07-2008, 09:43 PM
|
#23 | |
|
(*( عضو )*)
|
مرحبا يابوعبدالله
كيف الحال  يعلم الله اني أحب مواضيعك ودايم تكون واقعيه ومحببه وماتطري على أحد ! ذكرت : الشايب يوم قال وش اخبارك .. بغى يسرد له الموجز فقال .. تسرك عاده بيكمل قال الولد وش علومك ؟ قال الشايب بعلمك .. قال وش مسوي ؟؟ قال ما سويت شي !! ههههههههههههه بعض الشباب مشكله والمشكله أن وش أخبارك ... للشايب ماهي زااانه وغير محببه عالعموم ... شكرآ على الموضوع الجميل وفيه كلمة ( عسى مااتعدا خلاف) ويكون ردها ... قفيت (تسفيت) الخلاف او مامن خلاف ومتلاف ولاهنت .. ياشوق البنت
|
|
(( ألوان العشق السبعه ))
 اللهم اغفر لي ولوالدي ووالدي والدي وجميع المسلمين والمسلمات الاحياء منهم والاموات 
|
|
03-07-2008, 03:22 AM
|
#24 | |
|
(*( عضو )*)
|
:
أكتفي بـ السلام نظـر .. ولا داعي للتقبيل عادة برايي قبيحة .. بس مجبروين عليها ولا داعـي لـ/ كثرة السؤال .! لأان من تسأله كيف الحال .؟ ماراح يكون رده إلا الله يجمل حالك.. محد بقايل ماني بخير او مايسرك الحال .. ثاني شي البعض تصلي معه الفجر وتسلم عليه ((حبة خشم )) والمغرب تشوفه متجه عليك ويسلم ثاني مره .. وماعنده أي مشكله يسلم عليك باليوم عشر مرات أبو عبدالله .. لا تبتعد .. بنتظار القادم |
|
|
((اللهـمَّ أغفر لوالــدي وأعنّي على بـــر والــدتي ))
|
|
14-10-2008, 02:56 PM
|
#25 | |
|
(*( عضو )*)
|
.
/ . \ انا اتفـق مع اخي / عناد النفيعي ان هذه المواضيع لو كانت السخريه في اطرفها ففي عمقها الثقافه والتنبيه ، ولا شك ان هذا يعد من الذكاء ويحسب لك يا ابو ( عبدالله ) وايضا لفت انتباهي ما قاله الاخ / سداح ، وهو رد السوال بسوال ولا احد درا عن الثاني كنهم في سباق . . وايضا لكي لا يختلط الموضوع على من يقرا اعتقد وانتم اعلم مني ان الحفوه ايضا هي تستخدم لكي اخمص القدم او بطن الرجل سابقا . . مثال بيت ابن حمري يوم يقول في العجز : ( لحق راسك المشهاب ، ورجيلك الحفوه ) اخي مبارك شكرا على ما قدمت ، افدتنا وافضلت علينا دمت بحب سعد |
|
|
|
|
14-02-2010, 04:20 PM
|
#26 | |
|
(*( عضو )*)
|
..
وشمسوي هههههههه لا ومشبوكة بعد .. الله يسعدك يامبارك ش على الحفوى .. تقديري يالامير .. .. |
|
|
|
|
16-02-2010, 01:05 PM
|
#27 | |
|
مشرف عام
|
الله
 ياحلو الموضوع هذا حتى الردود فيه كانت كل رد موضوع مستقل بجماله ابو عبدالله وشلونك هالحين وش اخبارك وش زامك ابو عبدالله نبي مثل هالموضوع تكفى |
|
|
al.otaibi.3@hotmail.com
|
|
06-03-2010, 08:58 PM
|
#29 | |
|
(*( عضو )*)
|
صدقت يامبارك والله إنها ضياع وقت ، ياخوي أنا أشوف إنا نكتفي بالسلام ، والاطمئنان على الصحة وبس ، وخش في الموضوع !
|
|
|
أجعل من همومك لـ غيرك رحابه = وتصنع الضحكات لو كان ما طقت وخلك أناني في الحزن والكآبه = وش تستفيد بضيق غيرك ليا ضقت للتواصل naif_moalla@hotmail.com twitter.com/#!/NaifMoalla www.facebook.com/profile.php?id=1035818364&ref=tn_tnmn
|
|
11-03-2010, 02:58 PM
|
#30 | |
|
(*( عضو )*)
|
حي الله مبارك
مواضيعك دائما مميزه انت مدري ( وش مسوي ) فينا الشكر الجزيل لك وللاخوان وردودهم |
|
|
.....
|
|
29-06-2010, 06:56 AM
|
#32 | |
|
(*( مشرف )*)
|
حياك ربي انت وموضوعك
بيني وبينك هالموضوع مهم قسم بالله حنا الان جانا جيل قادم اقدر اسميه ( جيل ابو الشباب ) كيف الحال يابو الشاب .. <<< على طاري الجييل القبايل بشكل عاام وهذا اللي تعلمناااه لهم مصطلحات وكل كلمه لها ردها نضرب مثل ٍ كيف حالك >>> زان حالك وشلون الذود >>> عساك بزود المعونه >>> كفيت المهوونه يمنااك >>> لاعدمناك استريح >>> عدوك الريح فنجد في هالكلمات والرد عليها يستخدمون السجع في ردودهم وهذا مايسهل الحديث والانسجام فيما بينهم كل شي تقريبا عرفناه بس باقي شي لحد الان افكر فيه ولا له حل عندي اللي هو السؤال عن حال البل ( الذود ) قبل حال الابناء والاولاد .. نرجع لـ موضوعنا هل لها اسلوب محدد يجب ان يتبع في كل مكان ام انها مجرد كلمات يتم تداولها بين الاشخاص وهل لها اهميه واين تكمن اهميتها ؟؟ انا من وجهة نظري هذا يعتبر بروتوكول للقبايل فلا بد المحافظه عليه والالتزام به بالذات عند الاجناب فليس من الاصول تدخل على رياجيل اجناب وتقول وش مسوين والا وش اخباركم .. وهل هي دليل على الحميميه فعلا ؟؟ مااعتقد انها من الحميميه بل جرت العاده على هذا الروتين اخوي مبارك شهادة حق لابد الافصاح عنها والله اني احبك فالله .. |
|
|
|
|
19-10-2010, 09:04 PM
|
#33 | |
|
(*( عضو )*)
|
 المشاركة الأصلية كتبت بواسطة سداح
ابو عبدالله
الحقيقه انها جميله احيانا وسيئه احيانا خصوصا اذا كان المجلس مليان على آخره ودخلت تسلم وبلشت في واحد من المستعدين وقوفا للسلام عليك ومسك يمناك 3 دقايق ينفضها وينشدك عن عيال جيرانك حتى ! والناس واقفه وراه تحتريك فيه واحد من الجماعه لا جيت تسلم عليه سحب يمناك بقوه وشبك على كفوفك وانفعل ( تقول يسلخ ذبيحه ما يسلّم يا دافع البلا ) ومثل ما ذكر ناصر تراحيب السلام ( البرايفت هذا ) مزعج احيانا بعد عندي ملاحظه سريعه غير اللي فوق بعد في اكثر من مره الاحظ السيناريو الاتي واستغرب صراحه طبعا هالسيناريو في منطقة اقليميه محدده ما اقدر احددها الأول : كيف الحال ؟ الثاني : عساك طيب ؟ الأول : عساك طيب ؟ الثاني : وشلونكم ؟ الأول : عسى ما تعدون خلاف ؟ الثاني : ربوعك طيبين .. واحتمال يضيف عليها بسرعه يوليّ الخلاف الأول : الجماعه وشلونهم ؟ الثاني : عساك طيب ؟ الأول : عينت علوم المطر ؟ هنا يبدا عاد الحديث الطبيعي سؤال وله جواب الثاني : يذكرونه من ايسر الضلع الفلاني للشعيب الفلاني يعني لو تلاحظ محد درا عن حال الثاني هل هو بخير او فيه بلا لأن كل سؤال يرجع بسؤال مشابه !! وهذا واقع والله ماهوب تأليف مني يمكن الملاحظه خرجت عن الموضوع شوي لكنها كلها تحفّي ... هههههههههههههههههههههههههههههههههههههه دكتور صار نفس الموقف من فتره وجلست اضحك ساعتين قالوا وش بلاك ؟؟ قلت انشدوا سداح ونستمحيك عذرا ً صار بين الشباب لزمه جديده اذا ارادوا عدم التصريح عن موضوع ما قالوا انشدوا سداح واليوم قريت الموضوع وقلت خلني افصح عن سر كلمة انشدوا سداح
|
|
|
|
|
01-03-2011, 05:04 PM
|
#34 | |
|
(*( عضو )*)
|
مشكلتي اني جيت متاخر لكن راح اشارك معكم
الحفوة في حقيقتها مدخل بين الرياجيل مثلا لو انا رحت لشخص قاصده في موضوع وشارايكم ادخل على طول لا سلام ولاحفوة مهوب منطق ثانيا الحفوة فن واثبات شخصية من خلال كلام الرجال يعني الرجال المتمكن من علوم الرياجيل ومجالسهم راح يكون متقن لها والرجال الي مايجلس الا في كافي شوب ولا مقهي ولا لوبي راح تكون حفاوته هاي وخواتها ثالثاً الحفوه كانت قديماً مهمة وسبب بعد الناس من الناس وضعف المواصلات يعني الرجال ياخذ من رفيقة ولا صديقة زمن طويل ولا بد ان ياخذ معة وينشدة عن عربة ودبشة وقيعانة وهكذا على العموم المبالغة في الحفوة والتكلف غير مقبولة وتركها مرة وحدة غير مقبولة والوسطية هي الافضل وسلامتكم جميع |
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض العادي
