ترْجــمـــﮯــــة احــﮯـــــســا ســـــﮯ .. !

الشعر مرسول والاحساس تعبيره
............................... ياللي تشرّه وتبحث عن مراسيلي

شعري كتبته هنا .. جاك بحذافيره
............................... يروي لك الشوق ويوضح تفاصيلي

عامين وانته مشاركني كما ضلي
................. لا الشوق هدّا ولا جرح الهوى هدّا

ياخي تعبت انتظر والصبر ماضلي
................. الصبر ماجاب لي حاجه ولا ودّا

لا قلت له ليش هالتجريح والقسوه
...................... قال انت قد قلت مهما صار ابا احبك

مابين هرج الرجال ومزحة النسوه
...................... لك قدر قدر لن رحت وان قربت أرحبك

إيه احبك والمحبه ماهي
............. لعب .. لكن وش بيد محبوبك

ما نهاني دون حبك ناهي
............. دام كل الحب سقته دوبك

عنك الدّ العين كني ساهي
............. خايف ٍ من حسبت ٍ محسوبه

ياقلّ جيّاتك وياسرع خطوتك
....................... وياكثر عذرك يوم اشوفك دقايق

تغيّرك ماهز عندي مروتك
...................... لكن ترى صدري من البعد ضايق

إعزم قبل شحّ المواصل وقوتك
...................... دام انت تدري عن جميع الحقايق

على الله كل ما هبت هبوب الذكرايات افزّ
........................ على طاريك أفز من الفرح ويحنّ رعادي

ترى حبي وشوقي هز كل ضلوع صدري هزّ
........................ ولا وافقت من قال المفارق بيننا عادي

حبيبي حزّ في خاطر حبيبك يوم تقفي حز ّ
........................ وانا كنت احسب انك ما تقفـّي والقمر بادي


أحبك وانت تدري والخفوق من الفراق إهتز
......................... لكنّ السيف سيفي والوصل عيدي وميلادي
........................

فيصل بن تركي رئيس نادي النصر
( وهذا دمر جمهور ( نصره ) وحاسه )


الطاغي / بشار الاسد رئيس سوريا .
( هذا دمر شعبه من الظلم وانهار )


وجه الشبه ما بين ( فيصل ) و ( بشار )
............... الكل منهم طامع ٍ بالرياسه
هذا دمر شعبه من الظلم وانهار
........ وهذا دمر جمهور ( نصره ) وحاسه

تجيني بليل .. وتسعد القلب لين يسج
...................... وتقفي ليال ٍ طائله لين تقهرني

تعبت انشد العالم وادير الفكر واسج
...................... وبالليل همي عن حلا النوم يسهرني

واتساب .. وبلاك بيري وآخر الموضه
....................... هوزهير .. مدري !! خرابيط ٍ تجمعها

ابك انت ترسل .. ولكن دبت الفوضه
....................... مهبل الناس وشبك ( ترتمد ) معها

اما علي ّ ارسل علومك بملحوظه
........................ والا ّ على اللايف احاسيسي تسمعها

أبني لك أحلام .. واثْبت ساس .. وازيّن
.............. وأسس لك بيوت .. وابنيها من اللهامي
كـل الأحاسيـس لـو رديتهـن عيّـن
............. يمك تسابق ولو جمـر الولـه حامـي
تدري وش الي يغـث البـال ويشيّـن
............... شح المواصل ليا صار الغلا سامـي

اشغلتني حتى وانا نايم أذكركْ
............. الله يذكرني ويذكرك بالخير

إن جيتني مخصوص من قلبي اشكركْ
..... وإن رحت ابا ارسل لك سلامي مع الطير

لا تزودها ترى صبري نفد
....................... مابقالي شي اخاف انه يضيع
كل همي داخل ضلوعي وفد
........................ وانت لاهي ولعواذيلي مطيع

حمزه كـ/ شغري ولك من معجم اسمك نصيب
..................... حقير وبكل خطوه تبتديها .. حقير

حشْره .. خلقها الله وفيها يبين الف عيب
.................... صغير عمرك وعقلك لو تشيّب صغير

صاغر / ولو قلت صاغر / ماش شيءٍ غريب
..................... انت وكتاباتك الشينه وحبلك قصير

حمزه كا/شغري وشرك شرّ مالك طبيب
..................... الا ندوسك برجلين الوقار وتصير

عبره لكمْ !! شغري ويكرم جناب الحبيب
............. عن زمرة الحقد .. وافكار البغل والحمير

أشعل لهيب الغـلا فـي لحظـة السكـره
................. ترجم حروف الشهيـق بدفتـر انفاسـك
ما بين همس الغرام .. ومصـدر الفكـره
................. والنشوه الي مـن اقدامـك ليـا راسـك
دام انها لحظـة اللحظـات .. لا تكـره
..................محتاج اغنّـي علـى عـودك ومرواسـك
لا تجرح الليل صبحك ما وصـل حكـره
................... إنس العتب والجحـود وفكّـر بناسـك
اغمز .. تبسم .. ترى الهقـوات مبتكـره
................... لا يبرد الشوق .. زد حـرك ونسناسـك
ابا أنتعـش معـك والساعـات محتكـره
.................. ضميان وابغى أشرب الماء من طرف كاسك
العبْ .. تغنج .. من الليلـه الـى بكـره
.................. تراي مذهـول مـن عـودك ومياسـك
هزّ الوسط دام طيرك مـا تـرك وكـره
.................. فكّ الأزاريـر .. بيّـن لولـك وماسـك
فـلّ الشعـر وانتبـه لا تطـوي المكـره
....................زد في تغنجك .. واتحفنا مـع احساسـك
لبيييييـه يالابتسامـه دام هـي نـكـره
.................... ماحد ٍ ربا في حماك ولأانعطـب ساسـك

اخواننا في سوريا ليلهم ليل
........................... وحنا ورى لهوا الحديث انتسلا
مدري تبلد ذات والا مهابيل
........................... نزعل لكن سيف البطل ما يسلا

لا تكابر .. وأنت ما بيديك حيله
............... الله اللي يامر المسلم و ينها

ان كتب لك خير لو مالك قبيله
............... يرزقك في ديرة ٍ لو مانت منها

اجتهد .. واطلب وكبّر كل ليله
............... واعتبر من شامها واذكر يمنها

الفتن كثرت .. وكل ٍ شدّ حيله
............... كل مجموعه تعبر في زمنها

يالله انك تهلك الكفر وتزيله
............... وتحفظ السنه ولا تهدم سننها

ياكثر شرهاتك وياكثر طاريك
................... على كثر ميلك عجزت اتناساك

اجيك كلي شوق متولع ٍ فيك
................... وتصدّ عني كنّ الاوضاع تخفاك

قبلت شرهاتك ومعها تحديك
................... بس اتصدد يمكن تصحح اخطاك

ان قلت لي هذيك قلْت إلك هذيك
................... وإن قلْت هذي قلت ْ ماودي اعصاك

لكنْ ترى صبري نفد من تحديك
.................... حتيش لو فالصدر ساويت مركاك

زودتها بالحيل انا وين اوديك
..................... فكـّر ترى الكوره لازالت بمرماك

تدري بأني بالهوى ميت ٍ فيك
...................... إن جيتني محشوم وان رحت مانساك

لا تعذر تحسب انك راس همي
.............. وانت لا همي ولاانت براس مالي

غلطتي يوم اني أحرق معك دمي
.............. وانت ماتســـوى جنيه ولا ريالي

تقول جيتك .. وأنت بالأصل مارحت
............... تغيب لكـن صورتك ما تلاشت
أصبحت في قلبي وقيلت وأمرحت
............... مستوطن ٍ بالصدر مانته بكاشت

ماعاد باقي شيء اسويه ماعاد
............... حبل الرجى باقي على قطعته سلك

قلت إلك لا تبعد لكنّ الخطر زاد
............... جفّ الحبر من كثر ماصرت اراسلك

صبرت في رجوى وصالك ولا فاد
............... بصبر شوي إن جيت والا بكنسلك

تنشّد الصدر عن ضجة تناهيته
................... حتى يعلمك بالفرقى ولوعتها

يوم إن قلب العناء ماقرّ في بيته
................... أزعج حنايا الضلوع وزاد علتها

مابين يمكن ولعله وياليته
................... ديجور الآهات واستمرار حالتها

اقنّع الراس وتعيي عفاريته
................... حاولتها لين وكدت استحالتها

لقلوبكم بصوت المبدع / محمد السليس ..

[youtube]