تـروح الشــــمــــس

[poem=font="Simplified Arabic,6,burlywood,normal,italic" bkcolor="indigo" bkimage="" border="none,4,gray" type=2 line=0 align=center use=ex num="0,black""]
تروح الشمس وتجر النهار ويشتعل مصباح=ويسكن لحظتي كلمه من الاعماق ناويها
طويت اليوم من شرقة طيوره لين ليلي طاح=وضويت ونيتي مسرى وعاده ما اخليها
سكوني مرة ادلالي وعودي للسما فواح= على جمر المباخر ياهجوسي راح يدعيها
تعالي ياسما يمي سحابي يحتري المرواح=خذي بيديه لنجومك وانا اوعدك لوفيها
ابعطيها شعر سجه وحديث الجرح للمسباح=وخلي قصة القمرا وحاضرها وماضيها
بغيت اهلالها حاجب على عين(ن)هدبها شاح=ورفض يعلى عليه اهلالها وانكر مساريها
ذكر دمعه طفت شمعه ألمها للقلم بواح=أبكتبها ورددها والحنها وغنيها
تشيب الارض ماشابت قوافي تستلذ اجراح=على الله وين اوديها على الله وين اوديها
اقلب وجهي ليمه لعلي يمها ارتاح=وصلاه لغير وجه الله يمين الله ماصليها
اخاف الموت والكسره وشفني قبلها سواح=على جبال الهبايب غترتي فوقي مساويها
عقالي فوقها اسمي وراسي دونها ياصاح=وظنون الدود ماتعلى وتفنا في مدابيها
انا لي نية(ن) بيضا مثل نية دعا فلاح=غروسه قربت تذبل وخايف من تواليها
تعب يحرث تعب يبذر وقيظه للرجا ذباح=ولاغير الله سبحانه بيسقيها ويحييها
ويطيح الظل ماطاح العزيز ويشتعل مصباح=ويسكن لحظتي كلمه من الاعماق ناويها
[/poem]

الله الله الله
عبدالله
تسلم وتسلم شاعريتك الفذَه
صح لسانك لين ترضى وبعد الرضى
هنا جمال شعر وإحساس في غاية الجمال
لله درُك
تحياتي