][ نــــــــجــــــــديــــــــــات ][

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
انته سميه بس منت بخويه = وتشابهه بالظبط فالاكل والشرب
اما الفعول الباقيه ياسميه = تقصر يدينك عنها ساعة الكرب
[/poem]

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الخفوق اللي سكنتي فيه مات = مايبي للحب طاري مايبيه
روحي والعالم كثيرين الصفات = ممكن انك صح تبغين السفيه
[/poem]





!

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
امس العصر من ورى ساحوق = واليوم فجبال عكليه
طرقي لحالي وراسي فوق = في وسط نجد العتيبيه
يامحلى شوفة الزملوق = والعشب ياحي ابو حيه
هذي طراة العمر ياشوق = سج القدم كل عصريه
وانتي احبك محبة نوق = عند البدو يالسنافيه
واعطيتك الروح والمعلوق = وانتي تقولين وش ليه
وعندك خبر والخبر موثوق = يا احلى بنات السعوديه
القلب ماله ترى معشوق = غيرك ياعين النداويه
ليتك معي والعمر ملحوق = وتشاهد البدر عينيه
في كل رحله يارمز الذوق = وندوج فالبر يوميه
هذا علاجي وغصب اروق = ياام العيون العسليه
[/poem]

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] باقي على العشرين يالغاليه عـام = وباذن الله انه يكتمل عمر عشرين
واهديك فيها قلب وابيات وانغـام = واكتب على شانك ياروحي دواوين
وتبقين مبسوطه على مر الايـام = وتضحك لك الدنيا ليالي مع اسنين
ويحفظك ربي من سواليف الاقزام = اللي نواياهم على الشر والشيـن
اقولهـا صـادق ولانـي بمـلام = الله يلوم اللي يلـوم المحبين
انتي ملاك الزين وانتي له وسام = وانتي بعد شيخة جميع المزايين
لا هند لا زينب ولا في واريـام = وايضاً بعد هيفا ونانسي ونيرمين
غصبٍ عليهن مركزك دوم قـدام = بالزين يااجمل خلق ربي تفوزين
تستاهلين المدح والشعر لك قام = يابنت ياللي كل ربعك عزيزين
وختامها منزلك فالقلب لك عام = ويحفظك ربي من عيون الحسودين
[/poem]

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الورد مايجـرح خدود المزاييـن = هذي سمـوم القيظ ياناعم الخـد
وهذي تراها من رياح الخماسين = واللي ربى فالبر مايعرف الورد
[/poem]

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]


انا قد لي ثمان سنين صابر والهوى قتال = اكابد لوعتي لاشفت زولك يابعد حالي
ولكني عجزت اصبر واكمل صبري اللي طال = ابيك ولاعرفت احكي معك والشوق قتالي
انا داخل على الله ثم عليك اليوم يابو شال = ابيك تلد لي بالعين من فضلك وكرمالي
[/poem]

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الله يسامحك ياست المزاييني = قتلتي الحلم في مهده وانا اشوفك
وقعدت اناظر وفاته بين يديني = وعجزت لحميه من خنجرك وسيوفك
وعزيت نفسي قبل منتي تعزيني = لكن مع كل هذا القلب مايعوفك
تبقين في قلبي اسنينن ورى سنيني = وابا اكتفي بالنظر واتابع حروفك
[/poem]

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
انا اشهد ان الحب هم وبهاذيل = يروح عمرك بين روحه وجيه
مره بتصدف معك وتكيل بالكيل = وتقول انا اسعد واحدٍ فالبريه
ومرات واجد دمع عينك هماليل = وتشكي من الحرمان في كل شيه
ومرت عليه في زماني تشاكيل = وعشت الحياه البائسه والغنيه
واليوم انا عندي حبيبه لها اميل = واحبها لو قالت الشمس فيه
[/poem]

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
اللي يبيع الود حنا نبيعه = حتى ولو انه له سنين غالي
وياجعلها ياقلب دايم قطيعه = شبعت من صده وماله ومالي
ضحيت لجله بالذي استطيعه = ولاشفت منه شي حتى السؤالي
واليوم لو عدتي لقلبي مطيعه = فات القطار وجرح حبك بقالي
لون ان للحب الحقيقي شريعه = كان ادعيت بحجتي وفمقالي
حتى اتعافى من سهوم الخديعه = وانسى طعونك ياسمي الغزالي
خلاص ذيع اللي حبيبي تذيعه = صدرت من حبك وحل ارتحالي
[/poem]



! ! !

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حبيبتي لامن غدى الليل ليلين = ودي بشوفك لو ثلاثة دقايق
ادري قليله لكن الواقع الشين = يحدني لو كنت مانيب رايق
وشوفتك هذي خير من شوف بعدين = بعدين يمكن حلم مدري حقايق
يعني دقيقه معك ياشيخة الزين = تكفي عيوني عن جميع الخلايق
وتدرين ياست البنات المزايين = غيرك لعيني من زمن غير لايق
[/poem]

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
حبيبتي غدغود = ام العيون السود
والقلب مابه كود = حبك يانور العين

انتي لي البسمه = لاشفتلك رسمه
وكلٍ معه قسمه = يا اغلى من الغالين

يااحلى من السكر = والوسم لا بكر
العقل لا فكر = دايم وله تطرين

وتوك بسن صغير = لكن جمالك غير
منك الحريم تغير = ماشفت مثلك زين

حبك بلا مقياس = يا اغلى من الالماس
لو يزعلون الناس = انتي نظر هالعين

واخر كلامي لك = انا حياتي لك
ومهما اسوي لك = باقي عليه دين
[/poem]

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
عسى الحديثه لوبل السيل = المنفذ اللي طفت ناره
منفذ هل الكيف والتعليل = كم خّرجت من سياره
واليوم خرب الوضع بالحيل = ماعاد يسمح لنا زياره
ولا عاد به رقص تال الليل = ولامشاهد عروض نواره
لكن خلوه للتقبيل = او سكروا دونه اسواره
لو كان قلبي ماهوب يميل = للعب واللهو وافكاره
والله ينصر هل التهليل = ويعيدوا الدين لدياره
فالشام والموصل واربيل = الله معهم بكل غاره
[/poem]

ثلث العمر قفى وانا مانسيتك
يااغلى واجمل من عرفت بحياتي


وعلى رصيف الشوق كم احتريتك
ادورك بين الزمن وامنياتي

الليله القلب فيه اشواق مزدحمه
كنه عرفات تاسع شهر ذو الحجه

اصواتها وسط قلبي تطلب الرحمه
واما رحمتي ترى اعرضها للعجه