( طلب مجاراه من شاعر ) !

الأصــوات

و

الأصــداء

حتى هذه اللحظات

.

.
[poem=font="Simplified Arabic,5,blue,bold,normal" bkcolor="transparent" bkimage="" border="solid,10,darkblue" type=2 line=0 align=center use=ex num="0,black"]
سعد الشيباني
والمطلوب رحيم الغنامي
.
.

تعبنا ورى طـرد الليالـي والايـام=نصارع ظروف ايامنا البيض والسود
ونسعى على الدنيا لتحطيم الارقـام=والاعمار تاليها على القبر والـدود
على كثر مانبني ونهـدم فالاحـلام=ماناخذ سوى المكتوب والعمر محدود
حياة القناعه كنز والضيـق مـادام=ولاضاع حق وخالق الكون موجـود
نسوق المطايا سوق ونحث الاقـدام=ونصبر على الشدات والصبر محمود
وانا والله انه ماحداني مـن العـام=اغني واجر الصوت حاوي ومـردود
سوى صفنا اللي راح يارحيّم اقسام=يفرح علينا سدود ويضيّـق سـدود
نقول الفرج في مقبل الوقـت قـدام=ونبني من الهقوات ضباط وجنـود !
عسى الله يعز الدين ويعز الاسـلام=وتطلع رجال ٍ تلحم العـود فالعـود
تمعن وعطني ردهـا يابـن غنـام=ماتنقص عن العشره ولاتقبل الـزود
-------------- ----

.
.
رحيم الغنامي

يجاري سعد الشيباني
.
.
حياة البنادم بيـن مسـرى ومجهـام=والاعمار و الايـام طـارد و مطـرود
احد ياصله رزقه على فرش و رخـام=واحد في دورتـه بـاذلٍ كـل مجهـود
ليا ارسلت يمّي كمّ علامـة إستفهـام=تجيك الاجابـه كافيـه يافتـى الجـود
تعب راعي الطرقه مع الوقت و آقـام=هقاويه سدّ الريـع والريـع مسـدود
بعد ما اتعب الاقدام مشـي ٍ و درهـام=تعيّن ليا آخـر طرقتـه مابهـا فـود
تهون الحقايق عند تصديـق الاوهـام=متى العود عوّد ورع و الورع جا عود!
والا يابن مشيب حظّنـا النيـم ماقـام=يبـا واحـدٍ لاقـام شعلـه و بـارود
وحنّا من ابـواب المسـارح للافـلام=خطا و الخطا اللي صار ماهوب مقصود
يبا الله يدمّـر شعـب عبّـاد الاصنـام=وباب الفريضه من هل الخيـر مريـود
ليا نكّسـنّ اعـلام وارتفعـن اعـلام=تبا تثبت الحجه على اصحاب الاخـدود
.[/poem]---------------------------

[poem=font="Simplified Arabic,5,blue,bold,normal" bkcolor="transparent" bkimage="" border="solid,10,darkblue" type=2 line=0 align=center use=ex num="0,black"]
موسم سفر القثامي
والمطلوب مرزوق العتيبي .
..
.

الشعـر لـه حــزةٍ يعـلـن ولاه=نكتبه من (فيض) والا أحيان (غيض)
وفيه (شاعر) شدنـي ساعـة لقـاه=يفتـل القيفـان مـادور خـويـض
شاعرٍ مبـدع مـن الجيـل الدهـاه=بالبيوت المحكمـة صـدرة يفيـض
وغير طيب الرجل في سلوبه جـراه=مانـزل فـي مفرداتـه للحضيـض
يانديبـي هـاك علمـي والـوصـاه=(وللكويت)انحـر وعجـل لاتريـض
وناد يا(مرزوق)ليـن يقـول هـااه=ثـم عطـه العلـم والنيـات بيـض
ونشـده عـن بـارقٍ لاح بسـمـاه=وهو غنيٍ عنـه يلقالـه عويـض ؟
ليش حيثـه صـار مسبـوقٍ عـلاه=لو من معناه نركـض لـه ركيـض
سنـادنـا لبن(قعيـد)مـن غــلاه=فـارضٍ نفسـه وبالخـط العريـض
جعل من ضيع سلومـه مـن فـداه=ساحق الخفان فـي عيـن البغيـض
.
.
----
.

.

لازلنا ننتظر الصدى
.
.


[/poem]


.
---------------------.
[poem=font="Simplified Arabic,5,blue,bold,normal" bkcolor="transparent" bkimage="" border="solid,10,darkblue" type=2 line=0 align=center use=ex num="0,black"]
.
عبد الله ميزان البدراني
المطلوب مشعان البراق

.
.
البـدو مالامـو طميـه يـوم جـات مــن الحـجـاز=تبغى قطن في وسط نجـد وهاضهـا بـرقٍ عـلا
وهـوه يبيهـا وضيـقـوا عـكّـاش يومـنـه مـافـاز=الله واكـبـر ياجـبـل شـديــت مـــن زود الـغــلا
هـذا الجبـل وهـو الجبـل وانـا احسبنـه مايهـاز=مـعـذور اجــل قلـبـي لـونـه ماستـقـر ولاســـلا
لجل الهنوف اللي تسلقط حبها مـن دون ايعـاز=باقصى معاليـق الضميـر وقالـت عروقـي هـلا
تربعـي وســط الحـشـا والــدار دارك بامتـيـاز=وهـاتـي سواليـفـك وقهويـنـي وانــا مـاقــول لا
ياصوت عذب . وخد برق . وعين حرٍ تو فازّ=والخصر ضامر ساحلي (........) ياريم الفـلا
في ناضري كل الفياض بجيتك وان كان جـاز=ماكـنـهـا الا مـــن مـراويــح المـخـايـل ســيــلا
والحـال لاغبتـي تـراه اشــد مــن نــارٍ وغــاز=واشـد مـن فتـك اليـهـودي بالضـعـوف الـعـزلا
روفـي علـى قلـبٍ مايسمـع للعـذل فيـه انحيـاز=كل ماسمع صوتك وجا طاريك مـن بيـن المـلا
يامجـاوب الورقـا يابـن بــراق ياكـنـك خــزاز=ياصاحبـي مشـعـان .. هــم الـحـب لامـنـه ولا
-----
.
.

مشعان البراق
يجاري عبد الله ميزان البدراني
----

.
.
طرى عليّ اللي يقول ( اقرب جهاز اقرب جهاز )=والشعر وهبه .. والشرايد حضرت لي من - الى
هيضني اللي فالقدايم من بعيدين المراز=آثره مبلي فالهوى .. والله يعين المبتلى
والله يكون بعون من قلبه مايبغى له جواز=ادنى مايلعب فيه لو كلمة هلا يامسهلا
اعلّق الشرهه على قافي وشرط الاجتياز=اثنين .. ثالثهم يعرضّني تهاتيه الخلا
لو مابقى لأغلى الفرص شيٍ مايسوى الانتهاز=كان الديّر ماتفقد اللي عن مرابعها جلا
اللي تحّن اقدامه رجلينه من الارض العزَاز !=ما ألوم قلبك فيه لو كّن المشاعر وامتلا
لكّن حل السالفه جاء في عمود الارتكاز=أما اطرف ابواب البيوت العامره والا فلا
والحب يبقى فالضمير الحيّ مثل الاعتزاز=عند العزيز .. وعزّته كنزٍ مايفنى وايخلا


.
[/poem]


.
---------------
.


[poem=font="Simplified Arabic,5,blue,bold,normal" bkcolor="transparent" bkimage="" border="solid,10,darkblue" type=2 line=0 align=center use=ex num="0,black"]
خالد الحصيّن
المطلوب عناد النفيعي (ســـلطان )

.
.
الهم .. والتفكير .. ومجامل النـاس=توافقـت فـي خاطـري كلبـوهـا
مدري اوطّي الراس والا ارفع الراس=والا اعقل الجربا .. واقول انحروهـا
يا ليتني ما عشت شاعر وحسـاس=ولا استغلّـوا صورتـي وانشروهـا
الى متى .. وانا كذا !.. واطبخ الفاس=والفوس في رقاب الهمـل علقوهـا
طبيت وسط البحر سابـح وغطـاس=وضاع اتجاهي بين (كُبّر) و (عوها)
وش خانة المرجان والدر والمـاس=اليـا انتهيـت .. وجثّتـي كفّنوهـا
وتجاوبت الاقدار واعلنـت الافـلاس=باحلامي .. وتهميش من فسروهـا
اما بهز الريش مثـل ابـن فرنـاس=والا على صـدر الخيـال اكتبوهـا
يمكن يشتتهـا هـوا كـل نسنـاس=ويردّها .. وان ردّها .. إستقبلوهـا
الرجل يبقى رجل مع كـل نومـاس=والبنت تبقى فالزمن .. بنت ابوهـا!
------------------

.
.
سلطــان
يجاري خالد الحصيّن
.
.

يامضيع ٍ فكره وعمره على اسـاس=حقيقـة احلامـه ومـن همشوهـا
لاتدخلك شكـه وحيـره وهوجـاس=واكبـر باحاسيسـك ليـا صغّروهـا
ترى كلام البـدو ماهـوب مقيـاس=كم هرجة ٍ ماتنحـرف .. واحرفوهـا
وكم واحد ٍ لـللي يحـدون الامـواس=سلّـم مقـادم لحيتـه واحلقـوهـا
لين الرجا في خاطـره فعّـل اليـاس=وجاهـم مضـوي ناقتـه واحلبوهـا
غيث الحيا مايذكـره كـل عسـاس=والمرجلـه مـن دوروهـا لقوهـا
ولو كل طير ٍ له جناحيـن.. قرنـاس=ان كان حتى ( الحمّـرا ) برقعوهـا
واذا خطاك السو .. مرر على (واس )=حكمـة رجـال ٍ بالذهـب ذهّبوهـا
ياللي تحرون ( التنك ) تنتج نحـاس=الله يقويـكـم جمـيـع احتـروهـا
والعالم اللي تنثر السم فـي الكـاس=مانيب اخوها وانـت منتـبّ اخوهـا


.
[/poem]


.
-----------------

.
[poem=font="Simplified Arabic,5,blue,bold,normal" bkcolor="transparent" bkimage="" border="solid,10,darkblue" type=2 line=0 align=center use=ex num="0,black"]
مشعل البراق
والمطلوب
عبد الرحمن بن حمد العتيبي
.
.

يالترف لاتغضي حيا تتلف الـروح=سلهم لو السلهام سـاس البـلاوي
حياك موت وسيف الألحاظ ذابـوح=أنا على ماقيـل طحـت متسـاوي
أنا انتهيت الهرج ما فيه مصلـوح=ولا عاد لي في وصل هيفا حراوي
اللي مواصلها تناهيـت وجـروح=وفراقها ضرب القنـا و العـزاوي
لا واه أنا في حبها وين ابـا أروح=ووين أنت يالنادر كبير الهقـاوي
يابو حمد مسموح ,ما أنته بمسموح=وعليـك وجهنـا كبـار النخـاوي
وأنته عمود الطيب يامبعد الشـوح=جت القصيـدة والمولـع شقـاوي

------
.
.

لا زلنا ننتظر الصدى

.
.

--------------------------

.
.
[/poem]

.


[poem=font="Simplified Arabic,5,blue,bold,normal" bkcolor="transparent" bkimage="" border="double,10,darkblue" type=2 line=0 align=center use=ex num="0,black"]
الدكتور سداح

والمطلوب كلاش

.
.


يا كلاش أخذها كاش صدري يفوحي=ليتك تجاريني علـى مـا جرالـي
الحب زعّلنـي ونقّـض جروحـي=وعكّر صفا جوي بعد مـا صفالـي
ماهوب كائن حي يسمـع ويوحـي=وأصيح له واقـول مالـك ومالـي
قامت على قلبي بروقـه تلوحـي=وهبت هبوبه من جنوب وشمالـي
دايم كريم العيـن كفـه شحوحـي=أقولهـا لـو انهـا مـا تقالـي !
وأنا معه صادق وقلبـي نصوحـي=وراه يدفعني على ضيـق بالـي ؟
اللـي مسلّمهـا مفاتيـح روحـي=زادت علـيّ الغطرسـه والتعالـي
شيدّت معها في المحبه صروحـي=وأصدق غرام ٍ بين غالي وغالـي
آخر عباره من ضميـر ٍ سموحـي=موّقعه فـي قلـب بنـت الحلالـي
ما عاد لك عندي تعالـي وروحـي=روحي على مشهاك وإلاّ .. تعالـي

------------------------


.
.

لا زلنا ننتظر الصدى

.
.



----------------------------

.
[/poem]


.

[poem=font="Simplified Arabic,5,blue,bold,normal" bkcolor="transparent" bkimage="" border="solid,10,darkblue" type=2 line=0 align=center use=ex num="0,black"]
فيصل السواط
والمطلوب ابراهيم الشيخي

ياهاجسي روّح وتلقى فوق سطح المشتـري=شيٍّ ذخرته من حروفي للمواقف والظـروف
هاته عشان يحقق أهداف القلم فـي دفتـري=واشوف شيٍّ ماتراه العين لوكانـت تشـوف
ولنّ الحروف بلانقط لو تنكتب مـا تنقـري=تعال يالشيخي هنا حط النقط فوق الحـروف
ياالصاحب اللي صحبته في ذمتي ما تنشـري=ألاّ بسيف ابن يزن على مقدّمـة الصفـوف
شاعر لو انك عشت ساعه في زمان البحتري=كان الكتب تشتال تاريخك على كل الرفـوف
وانسان مالك في سواليف الزمان المفتـري=ولا تغرّك نشوة الشاعر على صفق الكفـوف
يبصم لك ابهامي بعد ما جيت له من خنصري=أعد ميزاتك بروس أصابعي وازرت تحـوف
بس المهم ابنشدك واشـوف قـدّام نظـري=جواب يقنعني واشيل الحمل من فوق الكتوف
الهجمه اللـي شنّهـا عبدالعزيـز العنبـري=ضربة جزا ولا تسلل ياحكمها اللـي يشـوف
ان كنت مخطي جيت بالأعذار لعيون البـري=امّا على مية جمل ولاّ علـى ميـة خـروف
وان كانه اخطا علّمه ما اقول يبـلاه جـدري=ما اقول غير الله يردّه مثل ماكـان معـروف

-----
ابراهيم الشيخي
يجاري فيصل السواط

ياهاجسي قم من منامـك وانتبـه وش تحتـري=الفعل يطلب منـك ردة فعـل والعالـم وقـوف
طالبك فالمجموعـه الشمسيـة اقطعهـا جـري=واكشف قناع الشمس بيدك قبل يغشاها الكسـوف
واقرا جميع حروف ابو ريما دبـل والا ثـري=واليا فهمت اللغز ذر الكحـل فعيـون الهنـوف
سؤال فيصل يوم حللتـه بـرى حالـي بـري=يبغى اجابه والاجابه فـي عناويـن الظـروف
تعرف فيصل يكسي من الشعر الابيات العـري=البيت منه اشد وانكى من مضاريـب السيـوف
ان قلت شاعر ماهو بحاجـة كـلام المنصـري=وان قلت صاحب صحبته تسوى ملايينٍ والـوف
العلم يافيصل مزوح تـروح والدعـوى فـري=والشك زايل والقلوب صحاح لايلحقـك خـوف
ماني بطعان الظهـر لويهلـك الطعـن ظهـري=تدري وندري ماعشق طعن الظهور الا الضعوف
لـك الله انـا فـي غلاكـم مانبيـع ونشتـري=لكن ماتفسـد علـى الـود اختلافـات الشفـوف
اللقمه الي تجرح الحنجـور يرفضهـا المـري=ان كان ماهي سايغه مانـي بملحقهـا حسـوف
هذا جوابي عن سوالك حسب فكـري ونظـري=واسلم وسلم والاجابه فـي عناويـن الظـروف
.
.
.
[/poem]

.
.

------------------
.
.

[poem=font="Simplified Arabic,5,blue,bold,normal" bkcolor="transparent" bkimage="" border="groove,10,darkblue" type=2 line=0 align=center use=ex num="0,black"]
كديميس السيحاني
والمطلوب خالد الحصيّن

.
.

ياسجن كوبـا والشهـادة نـور = ثـبّـت شـهـادة ذل لـلأمـة
السجن طـوّل والدعـاوي زور = واكثـر كبـود القـوم منسمّـه
والعسكري حكمة بـلا دستـور = ستيـن عـام وكلّهـا مطـمـة
لو إن الأحياء يسكنـون قبـور = مـا كـل قبـرً للجسـد ضمّـه
علمانـي الأعـراب يلعـب دور = لو كان يشكي في الجهـر همّـه
صار الحكي عند العرب محظـور = للخـوف والرهبـة مـن العَمّـة
يخشون من بوش الصغيرإيثـور = وأهـل المنابـر تقلـب العِمّـة
صوران كيـف يقلـدون العـور = وخال الفتى كيف استبـاح أمـه
لو يشجبون عصور تقفى عصور = فرصة لشاحـال ونخـى عمّـه
وشحرورة الديره خذت شحـرور = من دون شـرع ولا لهـا ذمّـه
.
.
-----------------------------------

خالد الحصيّن
يجاري كديميس


.

.
وآ جرحي اللي عقب ابو منصور=استفحل .. وزاد .. ونزف دمـه
وانا ضعيف .. ومنهي ومامـور=ضميان .. ولا اشرب من الجمـه
اخاف احوّل مـن غـزال الكـور=وعيون حسـادي علـى القمـه
لكـنّ دامـك شاعـر ومنعـور=ولا تصلـي الا علـى اليـمـه
حاول تهـز البيـرق المنشـور=اللي كفخ فـي مجلـس القمـه
وان طاح .. حطّه فوق قرن الثور=واليا زعـل دخّلْـه فـي فمـه
ما يرضـي النقّـاد والجمهـور=غير ابلـجٍ تبـرى بـه الذمـه
اللي على الطاله يحكـم الشـور=بالفكر .. والتفكيـر .. والهمـه
ماهوب صاحب .. بندر بن سرور=اللي يحـط الـراس فـي كمـه!
هـذاك لا مجمّـل ولا مشكـور= لـو الاوادم .. تلتـفـت يـمـه


.

.
[/poem]


.

[poem=font="Simplified Arabic,7,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
عمار يالمرقاب [/poem]




في انتظار البقيه ,,


لاهنت يابو منصور على جهدك