( طلب مجاراه من شاعر ) !

ياقلب هوِّن لا تزيد النـار ويـذوب الجليـد
ها ثم تطلق من قفص صدري ذيابٍ عاويـه

ميّل على جانب رضاك ولدّ في بيت القصيـد
واغنم مواريد الهجوس السارحة والضاويه

وارقابها المرقاب وتشوف القريّب والبعيـد
اللي على وضح النقا تبقى وهي متخاويـه

وارسل مناديبك ولا تكشف صناديق البريـد
الاّ لرجّال مـن المعـروف نفسـه راويـه

أمثال ابو راكان في الميدان له حبلٍ جويـد
ماينقطع بك لو على زند الحـروب اللاويـه

الصاحب اللي يحمل الراية وله رايٍ سديـد
ابا اختصر له كل علمي واحصره في زاويه

الكلمه اللي ساقها المخطي وعادة من جديد
متبيّنـه متعيّنـه مـدري وشنهـي ناويـه

أما يبيّضهـا الحيـا ولاّ يسوّدهـا الوعيـد
ولاّ تطيح بحضّهـا وتمـوت دايـم هاويـه

عندي وعندك ياكريم الوجه تنقص ما تزيـد
والجمرة اللي غاديه للبحر ماهـي كاويـه

هذي هواجيسي يابو راكان طافت كل حيـد
وامن الوفا وامن الصفا جاتك وهي متساويه



ياسلام الله عليك يامحمد السواط


قصيده جويده وموجهه لبو حبل ٍ جويد فعلا


الله يمتعك بالصحه ولاعدمناك ،