,,, حال العرب ,,,

[align=center]الله الله

يا هاجسي هات بيت وحضّر الثاني
حضّر بيوت ٍ تنومس فـي معانيهـا

الطيب مضمونها عنبـر وريحانـي
والورد والشيح فاحت مـن قوافيهـا

ما قلتها من طرب والقلب حزنانـي
والبال مشغـول فالدنيـا وبلاويهـا

والوقـت غـدار والايـام تحدانـي
والناس وقت الرخاء نسيت مباديهـا

المجتمع منقسـم مسلـم ونصرانـي
والمسلمين اختلاف الـراي عاميهـا

ولا النصارى لهم منهـج وعنوانـي
في حرب الاسلام يا ما كثر مساعيها

في وسط بغداد وش جاب المريكاني
وفي حرب لبنان من يحصى مأسيها

وقدامها وش حصل ببلاد الافغانـي
والقدس يحكي عن امه ضاع ماضيها

ضاعت على قولهم من عهد كنعاني
واليوم حال العرب ما نيب راضيهـا

حال العرب ذل والاهـآت تنخانـي
راحت بلاد العرب وش عاد تاليهـا

والشعر هاجس وشوق الشعر سراني
افتح ملف القضيـه عنـد قاضيهـا

المشكلـه كايـده والحـظ تعبانـي
والكلمه الطيبـه تُحسـب لراعيهـا

الي متى والعرب في طيش وجانـي
ما تدري ان السراء فالوقت قافيهـا

هذي حقيقه عرفهـا فـلان وفلانـي
وفي قاعه المحكمه مانـي محاميهـا

ومن شاف صدام بعد العز ينهانـي
اتجوز نفسه مـن الدنيـا ومافيهـا

عبرت عن شي في نفسي ووجداني
واجمـل تحيـات كاتبهـا لقاريهـا


قصيده رائعه

ومعاني عذبه وخفيفه تستحق المتابعه


لك فائق الاحترام والتقدير


تحياتي[/align]