مجاراة ( أعز فرصه)

السلام عليكم ،


قرأت قبل قليل قصيدة رائعه للرمز الكبير شاعرنا / عناد النفيعي تحت عنوان أعز فرصه
على الرابط أدناه :-
http://montada.mergab.com/showthread.php?t=40543


الحقيقه بعض المجارات الفورية مشكله خصوصا اذا كانوا اصحاب القصائد الاساسية من رموز الإبداع

لمكالمة الغالي خالد الحصيّن ولرغبتي بالتعلق بهذا الرمز وجدتها فرصه هنا
اسمحوا لها مع الإعتذار عن فارق المستوى بلا شك .



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
يا فزعة الله عليك الهون يا بن الحلال=هل تعلم أنّك ليا غنيّت تبحث خفاي

كنّك تخطط على قلبي مثل ما يقال=وتذكّره بالزمان اللي حذفته وراي

وتشيليني لين أعدّي فوق روس الطوال=وأراقب اللي مضا .. واللي قضا من يداي

هبت عليّ الهبايب من يمين وشمال=وأنا أحسب أني منوّل ما يذعذع هواي

أعزّ فرصه لها بين الضلوع إجتوال=قامت تدابا معي يا عناد .. وإلاّ تراي

ما ودّي أقرا قصيدة حب تال الليال=بعد حذفت الطيور الطايره في سماي

الله حسيبك على العد القراح الزلال=ليا وردته نفضني قبل يقطع ضماي

يا عناد لا تذبح الواقع بسيف الخيال=أزريت بين الرجاء والياس لا ألحق مناي

فرايدك يوم أصافحها بحسن القبال=وأفرد لها خاطري ماهوب هذا جزاي

منظومة ٍ تسحر العشّاق سحر ٍ حلال=حاولت أجاريك فيها مير ثقلت خطاي

أنته .. لسانك عليها طلق في كل حال =وأنا .. لساني عليها ناشب ٍ في جماي[/poem]



وسلمتوا ،،