مُساجلـة رائعـــة بين (السيـــــــاري) و (السـديـــري)

[align=center]هذه مساجلة جرت بين الشاعرين الكبيرين عبدالله السياري والأمير الشاعر محمد السديري رحمه الله

أتمنى أن تنال إعجابكم:[/align]
[poem=font="Simplified Arabic,5,blue,normal,normal" bkcolor="transparent" bkimage="" border="solid,4,darkblue" type=0 line=0 align=center use=ex num="0,black"]
ياشيخ يامفني المواحيل والحيل =يادرع قومه وامته وقت الأنشاب
ياحصنها العالي رفيع المناويل =من لاذ به يبعد على كل طلاب
يافزعة المظلوم ريف المقاليل =ابو اليتيم وعز من لاله أقراب
يامحمد الأحمد عشير المشاكيل =ياريف ربعه والمسيّر والأقراب
وإن جا نهارٍ فيه كز المراسيل =بين الجموع وكلّحن فيه الأنياب
تشوف أبو خالد عقاب الهذاليل =من فوق قباً تقحم العود موثاب
له همة عليا تنوس القناديل =وله في اللقا صولات ابا زيد وذياب
فيما مضى يثني سريع المحاويل =دون الرمك لاحذف القوم الاسلاب
واليوم هو زيزومها مثل ماقيل =بانت عقب ضرب القنابل والأطواب
يشهد على ماقيل ماضي الأفاعيل =من لابة تِقدم إلى هاب من هاب
منازله لأهل الشكاله مداهيل =منصاً لشجعانٍ يلفون الأشناب
ولاينزل الا في رفيع المنازيل =ولاحط من دونه عن الناس حجّاب
مجمع رجالٍ مابهم خايع القيل =مجلس شريف يجمع أجناب وأصحاب
ياشيخ عيني كن فيها سماليل =كن الجفون مشبحات بلأطناب
أسهر ودمعي مثل وبل الهماليل =وأقعد وأقوم وكل شي له أسباب
دخلت لي مدخال سهل المداخيل =ياليتني فكرت قبل ادخل الباب
وزل القدم بي وسط شرك المحابيل =وأصبحت أنا ما بين مايح وجذاب
واسلم ودم ما غردن البلابيل =ذخرٍ لمن ناشه من الوقت مخلاب
واعذر وسامح واقبل العذر تكميل =يابو هلا يا ستر غضات الأشباب
واختام ما قلته صلاة بترتيل =على نبيٍ وضح الحق بكتاب [/poem]

[align=center]رد الأمير محمد الأحمد السديري:[/align]

[poem=font="Simplified Arabic,5,darkblue,normal,normal" bkcolor="transparent" bkimage="" border="solid,4,darkblue" type=0 line=0 align=center use=ex num="0,black"]
قم يامحيسن شب نار المعاميل=صفصف عليها السمر من زين الأخشاب
وإن ولّعت واستضرمت باللهب حيل =يجذب سناها بالدجى كل شراب
وإن صرّمت والجمر فيها دحاميل =أزرق سناها ذايب يلهب الهاب
إحمس عليها البن من غير تقليل =واحذر عواقب من هرج عايبٍ عاب
ودقه ولقمها وزود لها الهيل =حتى يصير الكيف طب للألباب
ماها قراحٍ صافيٍ من شهاليل =من وبل رايح داجي الغيث نحاب
ياحلو صبتها ابيض الفناجيل =لي ذاقها الممروض من علته طاب
يالخالدي تطري علي التعاليل =يوم الرقيب امعلق تقل مشهاب
يوم الكواكب مثل لون المشاعيل =وعنا ردي الخال يا الحيدري غاب
جانا من العارض كلام بتفصيل =من واحد يشكي من الناس عجاب
يشكي هوا راعي العيون المظاليل =وقبله اعقاب الخيل يشكي على احجاب
ماجور ياشاكي هوا نافل الجيل =الله يفكك من عنا عكش الأهداب
الطير يشبك بالشرك مثل ماقيل =والصيد يشرف طارده كل مرقاب
إتعب وعد ابنايفات الأقاذيل =ويبين لك من هافي الوسط مضراب
حرك قدم رجلك إلى هود الليل =ومن بعّد الملقاف في بندقه صاب
لازم ياخو ناصر تحصل محاصيل =تصادف الغرات تفتح لها أبواب
معهن لمن عناك تلقا محاويل =ويبهج افوادك طقة الناب بالناب
تشم بين إشفاه بيض معاسيل =يكسر عليها عابد وسط محراب
بيض يشادن قحويان الغراميل =فيهن دواك وداك يا ذاك الأنساب
ياما من الخفرات ذقنا الغرابيل =وياما عديت الين عرش القدم عاب
وياما زعجت الويل والحقته الويل =وياما دخلت ابحور لجات وغباب
وياما صطابي بالهوا ظاهد الشيل =وياما عسفت من العماهيج الأصعاب
وياما تلوينا بشقرٍ عثاكيل =أيضا ولا أخشى الناب من غاسق الداب
أركض لهن لوهن اصعاب المناويل =وعلي من سمر الحناديس جلباب
اتبع هوا جما تقود المغازيل =مع صحصح تشرب هوا كل خنياب
عيني تعرف الزين بين الأزاويل =وقلبي من الرثم الخراعيب مرعاب[/poem]
[align=center]

وهذا الرابط من جريدة (الرياض):[/align]

http://www.alriyadh.com/2005/12/13/article115036.html

[align=center]صوت وصدى رائعان



مشكور يابداح على النقل الرائع

لك فائق الاحترام والتقدير

تحياتي[/align]

هلا اخوي بداح
الف شكر على هالنقل الرائع

صوت وصدى رائعان



شكراً يابداح على النقل الرائع

,

من شفت أسمك يابو فهد .. أدركت ان الأختيار مميز جداَ

لأني أثق في ذائقتك المتفرده ..

لاهنت

الأخ العزيز بداح بن فهد السبيعي



أشكرك على القصيدة وردها بين الكبيرين


تقبل جل تحياتي

صح لسان // الشاعرين الكبيرين عبدالله السياري والأمير الشاعر محمد السديري رحمه الله

ولاهنت يابداح على النقل المميز


تقبّل مروري وتقديري

شاعرين من كبار الشعار اللي عرفهم الشعر
لله درهم
ولاهنت

مشكور يابداح على النقل المميز

لاهنت والله

اعلام شعر



لاهنت يابو فهد

شاعرين كبار ومن رموز الشعر

لاهنت على النقل الأكثر من رائع يا بداح

بداح فهد السبيعي


ونقل للشعر الأصيل


شكراا بداح !!