(( ألقا/سميّه)) لــ بنت القصيد

[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
انته خذيت اللي عريبن نسبها=اللي خطبها قبلك 2000 رجال
تعاقبوا بالمرجله في طلبها=ثم جيتهم بالفوز تفخر وتختال
محدن يلومك دام حظك خطبها=محظوظ والله كلمة الحق تنقال
بنتن تفاخر في بهاها عربها=محشومتن ماناشها القيل والقال
ماكل منهو من بغاها قربها=منوة عقيد القوم فارس وخيال
سبحانه اللي بالفضايل وهبها=من روس قومن ماعلى امجادها جْدال[/poem]

[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
وشلون بنساك وانته ياطموحي طموح=قصيدتن ضايعه من غير عنوانها
وشلون قلبي يعيش اليوم من غير روح=تكسر سفينة فوادي وانت ربانها
والحين عاين فوادي مرتعه فوق لوح=يشوف غيمة غيابك هل هتانها
خطرن يطيح الجبل وتضيق فيه السفوح=والروح تصبح ضحية فقد خلانها
وقف حبيبي طلبتك يابعدي لا تروح=قبلك معاليق صدري ماحدن صانها [/poem]

[poem=font="simplified arabic,5,indigo,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
الوقت هذا قصير شبوح=فيه العلاقات مفضوحه
ازريت انا وين عنه اروح=كلن تجنى على روحه
مسموح لوّه ماهو مسموح=ابستره وابني صروحه
لو ان صدري عليه جروح=ابنثر الملح فجروحه
واصيح صيحة نزيع الروح=اللي تبا تنسحب روحه
عليك يالعاشق المفضوح=لين افهق الحظ ومزوحه
مدري علامه كثير مزوح=ودروس الايام مشروحه
كنت احسب انه بعيد الشوح=لا والله الا قصر شوحه[/poem]

[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
وشلون ابنساك وانت مخاشر عروقي=يامخاشر العرق في دمي / وش الدبره
يصيح لك شوق يابن الناس معلوقي=شف جرح فرقاك ياقوه وياكبره
احاول اسلى معا شعري وطاروقي=ويبان شوقي لياغنيت بالنبره
غنيت لك شوق ماغنيت من عوقي=لكن الامال في رجواك منثبره
ياويل قلبي عليك وياكثر شوقي=والله يصبر خفوقي زود عن صبره[/poem]

مساحة نقاء تربط الأسئله بالاجابه
[ http://ask.fm/mnuo ]
منكم ولكم
.
.

[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
لو كل هرجه فيك صدقتها فيك = قدني من اول ماعرفتك [ هجرتك ]
ولو اني ادري ويش نيّة خوافيك=يمكن ليا قصرت مده [ عذرتك ]
من بعد ماغثرب هماجك صوافيك=حفرت لك قبر الوداع [ وقبرتك ]
بودّعك واقول ربي يشافيك=خاين وامراض الخيانه [ ادمرتك ]
يمكن ليا مرّيت في قلب وافيك=تطري عليه بخير لا من [ ذكرتك ]..!
ويمكن ليا مريت فالبال لافيك=تذكر ( شربتك ) حب حتى [ سكرتك ]..!
وتذكر ليا حنيت لي بكل مافيك=باني خسرت الناس لين [ انتصرتك ]
ويمكن يمر الوقت واقدر اجافيك=يومي جمعتك فالخفوق [ ونثرتك ] ..!
ومادامني مدري وش يشيل خافيك..!=ماهو بكيفي لا عذرتك / [ جبرتك ]
واختامها مشكور ربي يعافيك=واذكر باني رغم غدرك [ شكرتك ][/poem]

[poem=font="simplified arabic,5,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
الوقت وصدوف الليالي والايام=جاروا على قلبي وقلبي مجيّر
والضيق من صدمه لفتني قبل عام=خلت كسير الشوق يمشي مسيّر
لا ياوجودي وجد من حكمه اعدام=بريء لاكن بين نارين خيّر[/poem]

[poem=font="simplified arabic,5,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
حبيبتك ياذيب قدها على نار=تبكي من الفرقا وهي ما نصتها
تتخيل الدنيا بدونك وتنهار=من حولها الاشيا وتفقد قوتها
قسيَت عليها هالليالي والاقدار=ماجاتها الدنيا على مابغتها
الله يديمك حولها سر واجهار=وتبقى مشاعر كل ما ابطت حوتها[/poem]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
كل [ ماغنيت ] / لدوا لي عرب..!=يحسبوني بالقصايد طاربه..!
مادروا باني [ ماغنيت لطرب ]=والله ان غناي لاني ( شاربه..
من شنيع الهم وصدوف الكرب)=سبة اللي من غلاه احاربه..!
واحدن لا بَعْدت الدنيا قرب..!=لين صرت اقرب له امن اقاربه
من سوا ( دلة غرامي ) ماشرب=ولا ارتويت الا على مشاربه
والله انه عن وصالي ماهرب=ووالله اني صوب قلبه هاربه
ردني عنّه ( نصيبن ) منكرب=لين شبّة من فراقي نار به
ليت حظّي مبطيٍ شق القرب=لجل اعرفه وادري ابمآربه
قبل لابعد عن غرامه واغترب=يوم شفّي اسكن ابمضاربه
كل ماغنيت صدوا ياعرب=ماني ابشيل القصايد طاربه..![/poem]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
اليوم هذا غير عن كل الايام =متغيرن فيه [ الشعر والمشاعر ]
مدري فرح مدري غبن مدري آلام=مدري بويش القلب بالضبط شاعر
مير الاكيد اني بعد بصم الابهام=هدّيت حلم 2000 شاعر وشاعر [/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يانصيبي لو منته من نصيبي=لا تضيق وضيقتي محدن وصلها
والله ان تبقى بقلبي ياحبيبي=غايتن للروح ومناها واملها[/poem]

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
اخر الجيّات يالقلب الجريح=يوم صرت فْـ ماقف الفرقا غصب
كنت اشوفه حلم واقف مايطيح=لين طاح وما بقى عرق وعصب
يسنده من بعد ما لاح الصحيح=دام عين آمالنا عيّت تصب[/poem]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
من منطلق كلّن يبا الحريّه=بآقول كلماتن مهي عاديّه
لاني بناضل للقصيد القومي =وارفع لواء الفكره القوميّه
واحشد جنود الحرف واغزي داره=واثوّر احزابي على القافيّه
مادام عندي (شعر) ثاير ثاير=بدْمر رؤوس السلطه البعثيّه
لا يستحق العيش من لا يرضى =يرفع بيارق حرفي الشعريّه
لانه حسب قول [ الكتاب الأشهب ]=مخطي وعنده حالتن نفسيّه
أستاء من قلّ المعارك لاني=أشوف لي فارض المعارك فيّه
عن ضيم شمس الوقت واسقاطاته=قيّد جموح الطاقه الفكريّه
مادام مابه بالقصيد ارهابي=جيت القصيد بنيّه ارهابيّه
طمعانتن في ( نيل ) ماهو نيلي =اباخذه بالحنكه الفطريّه
والنيل عكّر صافياته / حصني=عابث وحاست حسبته ( حصنيّه )
يالين ثارت فوق راسه ثوره=هزّت جموع الكوره الارضيّه
في وسط ميدان القصيد النادر=تجمّعو له شلّتن ثوريّه
لو كل منهو يجلس بهالكرسي=يضمن على انه باقي بكرسيّه
ماكان شفنا فوق سطح الفلّه=ملك ملوك الدار لافريقيّه[/poem]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ياجعلني ماذوق حزنك ولا ابكيك=ياللي عشانك كل عمري هديّه
يفداك كلّي ياحبيبي ويفديك=قلبن نبض باسمك ولا فيه زيّه[/poem]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ظرفن خذاك وظرف يمّي يجيبك=كم لي وانا مابين ظرفك ولاحزان
العام جنبي لين جرّك نصيبك=حتى غديت بدفتر الضيق عنوان
واليوم ماصاب الخفوق بيصيبك=ظرفي وظرفك خلّو الوقت خوّان
ببطي وانا شفّك وقلبي حبيبك=وتبطي وحبك داخل القلب له شان[/poem]

[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
انا عندي خبر بانك تعاني= بعد ضاقت بمرسانا المواني
وضاق الكون من سبّة نصيبي=وطاحت من تفارقنا الاماني
انا لو رحت ثم طوّل رحيلي=تبا تبقى معي طول الثواني
احس بفرحك وضيقك وهمّك=واحس بشوقك لحبّي وحناني
ولو عندي مكان بوسط قلبك=طلبتك ماحدن ياخذ مكاني
وانا اللي كل عمري فدوتن لك=وقلبي ماسكن به حب ثاني
سوا حبّك واحاسيسك ونبضك=وشوقن شاقني بين المحاني
وهاجس كل ما طوّل غيابك=خذاني بين جزلات المعاني
وجبت النادرات اللي حسدني=عليها كل شعّار الزماني
نوادر ماجلبها غير فكري=[ رِفِع شانك ] رفع بالشعر شاني
يالين اصبح قصيدي بين جيلي=علاج وطب احاسيس وضماني
دوا لجروح كل اللي خذاهم=طريق العشق لحدود الهواني
وانا محدن يداوي لي جروحي=سوا ذكراك ياسهيل اليماني
لذالك كل ماتقرا قصيدي =تذكرني وشوف شكثر اعاني
عشانك كل حرف وكل طرقه=بدعها قلبي ونطّق لساني[/poem]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
طار [ سرب الغلا ] من يوم قل الغرام =كيف يبقى الغرام ان كان ( طار الغلا ) ..!!
عادت الحب [ يبقى لا بقى الاحترام ] =مير ( ضاع احترامك ) لين قلبي سلا ..!![/poem]

[poem= font="simplified arabic,5,darkblue,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]
نوبن اقول اني احبه ونا اغليه=ونوبن اشوف البعد ياناس خيره
مير البلا اني ليا مر طاريه=اتمر في بالي علومن كثيره
لا شفت غيره اتذكر مواريه=ماعاد لي شفٍ بمخلوق غيره
اواه ياهمٍ خفوقي مخبيه=وأوّاه ياغبن القلوب الكبيره
اشقاني الحب وخفوقي مشقيه=همٍ رماني كل ليله سهيره
اصفق بكفي كف وآطى حراويه=واقول خيره مير ماهيب خيره[/poem]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يامالك القاسميه لا تعذبها=اخذت منها الخفوق وكل مافيها
طلبتها ثم جاتك وانت طالبها=لو ان قبلك كثير الخلق ترجيها[/poem]

من سجن القوافي


[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
سلام والمنتدى مافيه غير اثنين=لو ان الاعضاء فوق الف وخمس ميه
قلته وانا صادقه ماني من المخطين=مايزعل اهل السنام الا سناميّه
يابن علي دام حانت جا مرد الدين=والسجن هذا علامه دون دوريه..!!
لكن قبل ابتدي لجل اطرب الجنسين =حطو الكلبشات في يدين الهواويه
اللي على بدعهم صفّو مع الغاوين=حاجاتهم فالهوا ماهيب مقضيه
الاوله قلتها قدام عين وعين=والثانيه جبتها ماهيب مخفيّه
مسكين منهو جهل لا ماهو بمسكين=حنا المساكين فالشعر وقوافيه
وان كان عرّضتها مابين جيم وسين=الشيعي شلون ياخذ بنت سنيّه ..![/poem]

[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
(ياللي حضورك مايشابه غيابك)= لا تبتعد والشوق مابه مروفه
لولا وصالك والامل فاللقا بك =ماكان قلبي حي ينبض تشوفه
ويلي على ليلن من البعد جابك=يومي مابين شفوف قلبي وخوفه
شفّي لقاك وخوف قلبي شبابك=لا يحرجه هرج الضعوف اللقوفه
لا خير في حظي يلو ما حضابك=ولا خير في قلبن ماجاك مْعروفه
ولا خير في شعري يلو ما زها بك =ولا خير في قافن ماهيبْ بك حروفه[/poem]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
نفس المكان اللي قعدْته / قعدبه = أطالعه واذكرك والدمع [ يحكي ]
حتى صرخ قلبي وشوقي وقد به=والعين من غبن المقادير تبكي...!
للشوق في وجه المحبين [ ندبه ]=والوقت من بعد المحبين يركي
فوق الخفوق اللي غرامك وجد به=واونست به من شدّة الشوق دبكي
مقدر امد الروح ( والروح جدبه )=الروح ملك الله ولا هيب ملكي..!
ماعادت اضلاعي بهالصدر [ حدبه ]=قد وقفت تدعي ( وصالك ) وتشكي
ياصاحبي قلبك ياويش العهدبه..!!=من يوم طيرك في هوا الغير شبكي..![/poem]