هلابك من بحر جدة إلى شرقي بحر دارين

هلابك من بحر جدة إلى شرقي بحر دارين
هذه القصيدة لأبن خالي فهد بن حمد الحميدة الخالدي قالها بمناسبة زيارة نائب خادم الحرمين الشريفين سمو الأمير / عبدالله بن عبدالعزيز آل سعود لقبيلة بني خالد في مدينة 1423/8/8(عنك) و تشريفة للحفل الذي أقيم على شرف سموه في يوم الأثنين :



[poet font="Simplified Arabic,4,black,normal,normal" bkcolor="transparent" bkimage="backgrounds/2.gif" border="none,4,gray" type=0 line=200% align=center use=ex length=0 char="" num="0,black" filter=""]



على الله نتكل و نخاطبه في كل شئ زين= وعلى الله كل شئ نبتديه يسهل أسبابه


اله ينحني لرضاه عبده و العرب ممسين=كريم ما يخيب ظن منهو ياقف اببابه


وبعد ذكره سلام الله عليكم ياحماة الدين=سلام مايليق الإ على كحيلان و اللابه


بثامن من شهر شعبان في عصرية الأثنين=لفانا سيفنا اللي يعجبك في سلة نصابه


زعيم ساطي لامن بدا وجه الزمان ايشين=فسر كمه وصمّل و اذن المذن بمحرابه


يقولون العرب في عامنا الواحد يجي عيدين=وحنا اليوم في عيد لفانا والولي جابه


نيابه عن بني عمي هلا يامرحبا والفين=نيابه عن بني خالد سلامي زان ترحابه


الا يامرحبا بقدوم نايب خادم البيتين=الا يامرحبا بقدوم عبدالله مع اصحابه


هلا يامرحبا بزيارتك ياوافي الجدين=هلا واعداد ماتمطر على الريضان وهضابه


هلا بك عد ما نسجد و ترفع بالصلاة ايدين=وهلابك عد مازان الربيع وبريحة اعشابه


هلابك من بحر جدة إلى شرقي بحر دارين=هلابك والجموع الحاضره تبدي لك اعجابه


هلا في شوفتك ياعونة المضيوم والمسكين=هلا بابن الشجاع اللي حكمها لين أمنابه


حكمها لين صارت ما بها مبدأ يسار يمين=وزانت في يديكم والعدو ضاقت به ثيابه


حكمتوها بتطبيق الشريعة والحقوق اتبين =نفضتوا عنها ظلم السنين و شرعة الغابه


حكمتوها بحد السيف الأملح والسنين سنين=برمتوا قيدها يوم الزمن شان و كشف نابه


و مشينا تحت راية عزكم والقاسيات اتلين=عهود ما تغير لو سنين الوقت مرتابه


تحت راية فهد تبشر بنا يا ميرنا وافين=إليا دقت طبول الحرب زان السيف بخضابه


تحت كفه غدينا جمع واحد مانجي حزبين= و من يبغي يحرف بالشريعة نقصر أشنابه


ألا يالله تهدم زمرة أهل الكفر و الطاغين=وتنصر من نصر هدي الرسول ورتل اكتابه


وتدفع عننا الفتنة وشر الظلم والباغين=وتنصرنا على منهو شهر سيفه و مشعابه


وحنا تحت ظل الله و ثم في ظلكم باقين=عهدنا مانخونه والعهد حنا و ثقنابه


وعسى الله ينصر الاسلام فيكم ياحماة الدين=و نحيا في أمان و يذن المذن بمحرابه
[/poet]