ترى على الرجال شرهه ومنقود ... أن كان يهرج مايحسب كلامه ..!!

السلام عليكم ورحمة الله

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""] دام أعتراف بذنب حاصل ومحدود=يعطي الرجال من الشجاعه علامه
ابعترف بأن الخطأ ياهـل الجـود=ردة فعل من دون شـك وملامـه
وابعتذر واسمح ولا اجازي العود=ارجي من المعبود ستر وسلامه
وادمح خطاه بطيب لو كان مقصود=الشيب في وجهه يحكم أحترامـه
دنيا العنا سوت مواثيق وعهـود=جابت ابو طيب مـع ابـو دلامـه
ياعودنا ترى الحكي مامنـه فـود=محدن محصل منه كـود الندامـه
لو الحكي يبني عمارات وسـدود=كان احتمى بغداد وارسى نظامـه
وخلا العرب تملك لها مجد مشهود=في وقتنا اللي جرنا فـي ظلامـه
في وقتنا اللي كل شيخاً مـع ذود=ويقول أنا راع الخليج وحسامـه
هرجن بليا فعل ضايـع ومـردود=ماله مع دروب الرجال استقامـه
وفعلً عليه الهرج مبني ومشـدود=عند الرجال اللي تعرف الزعامـه
ومادام لي عقلاً يميـز وموجـود=ويفرق مابين الصح والا أنعدامـه
فأنا بحـل اقيـود واوثـق قيـود=وامشي على درب الكرم والشهامه
وارقى واسند فوق والعالم شهـود=وأخذ بعلم الطيـب قمـة سنامـه
وانسى زمانٍ فات لايمكـن يعـود=وأقـول يالله فالستـر والسلامـه [/poem]

وســلامتــكم

حسن ابن شــامي