مرثية في مبارك الوافي الزعبي يرحمه الله !!

[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=1 align=center use=sp num="0,black"]
الموت حق وكل أبو الخلق دارين=والله هوالمحي المميت لعبيده
والدرب ماشي وكلنا فيه ماشين=تمشي عوج وألا مع الدرب سيده
وعقيدة الأسلام والشرع والدين=أنا أحمد اللي حطها لي عقيده
وألا لكان إني من سنين ودنين=ميت من صدوف الزمان الشديده
يا عين هلي صافي الدمع يا عين=وأبكي على موتة أبوي وعضيده
أبوي مات وراح من عشرة سنين=واليوم ألحقنا الفقيد بفقيده
مرحوم ياللي مات في يوم الأثنين=راح ورحل خل الحياة الزهيده
راح ورحل جبرالرجال المسمين=آل دسوي ربعه على ما يريده
اللي معه دايم على العسر واللين=من يوم شب إلين جاله وعيده
راح ورحل إبو الضعوف المساكين=اللي بفضله أرصدتهم عديده
والفضل لله والرجال الصخيين=إليا عطاها الله عطت من رصيده
راح ورحل منصى الرجال العزيزين=من كل قوم وكل ربع وبديده
جمعة إرجال ٍ كل أبوهم على الدين=وعلى النبا الطيب والأريا السديده
راح ورحل راعي الكرم والكريمين=ياما شهدو بإنه كريم ووليده
ويشهد له أقرب ناس واللي بعيدين=إنه عدو المال لا صار بيده
راح ورحل واللي فقدوه الكثيرين=وأنا أشهد إنك يا أبو خالد فقيده
وأنا أشهد إنك يا أبو خالد على الزين=ولاهي عليكم يا بن وافي جديده
أبوك قبلك حاز كلمة ونعمين=في وقت كلمة نعم كلمه مكيده
يوم العوز والقل والشح والشين=منصى الرجال من الديار البعيده
ومن شاف كثر اللي حضر من معزين=درى بقدر أهل الخصال الحميده
ومن حبه الله في حديث الصحيحين=حببه اللي يعرفه من عبيده
ويالله يا غافر ذنوب المسيئين=ياللي علينا أنعام فضلك عديده
ترحمه وتغفر له من الذنب آمين=وتسكنه في جنات عدن السعيده [/poem]