الزلامي VS بن بديع + بن شلحاط + بن وسام + بن قضعان + بن الذيب + القرقاح + ابو شبيه

قصيده للشاعر / رشيد الزلامي ,.موجها للشاعر / عبدالرحمن بن بديع
واستثار فيها نخبه من كبار شعراء الساحه الخليجيه وهم
( سلطان الهاجري و مانع بن شلحاط و مدغم ابوشيبه و ضيدان بن قضعان و فلاح القرقاح و محمد ابن الذيب)
وقد توالت مسلسل ردود الشعراء المذكوره اسماهم على هذه القصيده وسنلحقها بـ تابع متى ماحصلنا على اي ردود.
.

قصيدة رشيد الزلامي

[poem=font="Simplified Arabic,4,black,bold,normal" bkcolor="sienna" bkimage="backgrounds/23.gif" border="solid,4,black" type=2 line=0 align=center use=sp num="0,black""]
يابن بديَع وقفت بـي علـى الشـاط=المـوج عالـي والسباحـه مخيفـه
تعبت ماباقـي مـن الجهـد قيـراط=دفيتها ليـن ابركـت فـي النصيفـه
في رحلـةِ مابيـن تمـوز وشبـاط=عنوانها واضـح بصـدر الصحيفـه
راحت سدى باسباب تفريط وافـراط=واستنزفـت دم القلـوب النظيـفـه
لوكنت من شيد حضـارات الانبـاط=فـوق الجبـال الشامخـات المنيفـه
ولو كنت بالحكمه منافـس لسقـراط=باح الكـلام , وصدرتبـي امعيفـه
طال الزمان وجرح الايـام ماخـاط=ينـزف وعيـا لايـوقـف نزيـفـه
فقدت وقفات السدارى هـل الغـاط=اهـل المواقـف والنوايـا الشريفـه
الياطرى لي شخص ابوزيد , تنساط=كبـدي ,,وقلبـي مايهـود رجيفـه
وقدام يدخل خاطري يـاس واحبـاط=او يقتحمنـي سيـل وادي حنيـفـه
افزع وناد الهاجري وابـن شلحـاط=ومدغم وابن قضعان وايضا ابن ريفه
ولابد لـك بمحمـد الذيـب تحتـاط=يكفيك عن عنتـر ورمحـه وسيفـه
انا بذلت الجهد فـي كـل الاوسـاط=لكـن دنـيـا خاتمتـهـا ضعيـفـه
ماتصفـي الا مـع منافـق وخـراط=ومعـوقِ بـاقـي لـجـده خليـفـه
رزقه حرام ولايجـي غيـر نقـاط=وغير النذالـه مالقـى لـه وظيفـه
يجعـل يلقطهـم مـن القـاع لقـاط=ومن الغضب تنـزل عليهـم قذيفـه
تضرب جماجم روسهم ضرب مخباط=ليـن الوليـف يقـوم يلعـن وليفـه [/poem]


رد الشاعر / عبدالرحمن بن بديع

[poem=font="Simplified Arabic,4,black,bold,normal" bkcolor="sienna" bkimage="backgrounds/23.gif" border="solid,4,black" type=2 line=0 align=center use=sp num="0,black""]
معا بدايـة شعـري وشاربـي خـاط=من قالي الشعر ، ويـش اتعريفـه ؟
قلت الزلامـي ماخـذِ كـل الانـواط=حسـان الأول ، والزلامـي وصيفـه
صفت له ابيوت الشعر صف ضبـاط=وتاتي قوافييـه علـى كيـف كيفـه
لو كان شطر عشرة احروف وانقـاط=مثـل المخيـل اللـي غزيـر قنيفـه
سنـدت للغطغـط وحـدرت لرهـاط=ويانعـم بالشاعـر ونـعـمِ بقيـفـه
اللي لهم في غبـة الحـرب مقـلاط=علـى الرمـك وملاعبـات السفيفـه
والحين ياللي شعركم غنـج واهيـاط=وين الحريـر القرمـزي والقطيفـه
اليوم صارت ريحتـه ريحـة اشيـاط=دام اجتمـع مشهـاب نـارِ وليـفـه
قصيدكـم ملـى ملفـات واشـنـاط=بـس الوكـاد انـه قصيـدِ نعيـفـه
لو تدخلون القدس من باب الاسبـاط=حياتكـم فيـهـا حـيـاةِ كسيـفـه
واللـي نكـب لبنـان وليـد جبـلاط=والمشكلـه حـزب السياسـة حليفـه
يا بو جميل ، العلم مـن دون فقـاط=ما تعرف اهل العـزم حاجـه كليفـه
ابشربنـا حنـا قويـيـن وانـشـاط=حتـى ولـو ان المزاهـب خفيـفـه
ولا نقـول ابنسبـق الريـح ببسـاط=ولا بنطلـق شـوف عيـنِ كفيـفـه
والآدمي وان عـاش حياتـه انمـاط=فيهـا الليـال الهيـنـه والعنيـفـه
اللي ما دامت لهـل بابـل والاسبـاط=قـد قالهـا النعمـان ابـو حنيـفـه
ومن دون ذي الخلصه ومن ذاتا انواط=الله جعـل للنـاس كعبـه شريـفـه
ذكـر نبـي الله للساعـه اشــراط=وفي هالزمن قد بـان منهـا نصيفـه
والكل يخشـى يالزلامـي ، ويحتـاط=والله يغفر .. عنـد نشـر الصحيفـة [/poem]


رد الشاعر / محمد ابن الذيب

[poem=font="Simplified Arabic,4,black,bold,normal" bkcolor="sienna" bkimage="backgrounds/23.gif" border="solid,4,black" type=2 line=0 align=center use=sp num="0,black""]
الجمر حامي غيـر مافيـه ملقـاط=لكـن ننوشـه باليديـن ونحيفـه
ولكل شوط سابقه ياهـل الاشـواط=وانـا معـا رشيـد مانـي رديفـه
لاتجذبك شـرد القوافـي وتشتـاط=وانته رشيد اللي علومـك طريفـه
كانك على اهل الشعر بتعد الاغـلاط=مانته بناعم فـي الحيـاه المريفـه
من الوطوايـط ابيبلشـك وطـواط=جناحـه اطـول وجنوبـه رهيفـه
ويولع البرميل من عـود مشخـاط=لوكان عيـدان المشاخـط نحيفـه
انعرف ابو واطين وانعرف ابو وااط=وانـارة الثانـي تراهـا ضعيـفـه
مانته مثل موسى لكن حن لك اسباط=وانفوسنـا لمناوشاتـك عجيـفـه
وبغداد لازالـت اذا جـاز الاسقـاط=تقـول هـارون الرشيـد الخليفـه
والثانيه يالغاط واللـي ورى الغـاط=رشيـد نياتـه تـراهـا نظيـفـه
ليتـك تشـرط يالعتيبـي تشـراط=وانـا لعسـرات الامـور الكليفـه
امن الذهب لو مامتلك غير قيـراط=بينـي وبينـك قسمتـه بالنصيفـه
فرقتـي قـدر ومحبـه ومسـفـاط=فرق السهل عن الجبـال المنيفـه
وشعر اللحى ماهو مثل شعرة الباط=الثانيـه وسخـه والاولـى نظيفـه
ولاني بحـب امغـط العلـم مغـاط=رديتهـا جزلـه ولاهـي كسيـفـه
وطرشت لك فكسار ماهو بالاقسـاط=ومن الطـلاق ان النوايـا شريفـه
ماني بتاجـر ادبـل الغـاط بالغـاط=ولا اجمـع الدينـار وانـا حليفـه
لكن في امثال العرب قبـل الاقبـاط=قد مات ابورغيـف ماكـل رغيفـه
وانا نمط شعري ماهو مثل الانمـاط=خذتـه مراجـل ماخذيتـه وظيفـه [/poem]

رد الشاعر / سلطان الهاجري

[poem=font="Simplified Arabic,4,black,bold,normal" bkcolor="sienna" bkimage="backgrounds/23.gif" border="solid,4,black" type=2 line=0 align=center use=sp num="0,black""]
شوط الزلامي جر لـه عـدة اشـواط=وعرض سماري الجيش حزم وحتيفه
سندبهـا منـا اليـا وادي ارهــاط=وحدربهـا تومـي عليهـا السفيفـه
واهدت له الدوله من خيـار الانـواط=وبطلـه اثليـم المسمـى مضيـفـه
وصفت له الدنيـا عساكـر وضبـاط=وعين الرضى عن كل عيـب كفيفـه
يوم العرب كانـوا قوويـن وانشـاط=وديارهـم فـي كـل عـام مريـفـه
واليوم راحـت كنهـا خيـط مطـاط=وراعي العسيف ازرى يروض عسيفه
تخبطـوا فــي المهـبـل تخـبـاط=وصاروا سوا راعي الشداد ورديفـه
يابوجميـل ارسالتـك راس مشخـاط=ومظرفه فـي عـود سمـره وليفـه
ومضمونها بس اربع احروف وانقاط=ياثقـل معناهـا لـو انهـا خفيـفـه
تنجح لحم وتشعوط الـروس شعـواط=يعنـي حريقـه والحرايـق امخيفـه
مخطوطـة ِ ماخطهـا كـل خـطـاط=الا انـت ياللـي مفرداتـك عنيـفـه
لو ربطـت كـل الشياطيـن بربـاط=ماشالـت الانفـس اذنـوب كليـفـه
اقلط ولك في مجلـس العـز مقـلاط=واللي مايعـرف كيـف خلـه بكيفـه
واسلم عدد رحلات تمـوز واشبـاط=مـالاح بــراق يـشـوق رفيـفـه
ومايسكن الطائف من جعيد وسـواط=والي هنـا ماعـاد عنـدي ماضيفـه [/poem]


هذا رد الشاعر / مانع بن شلحاط

[poem=font="Simplified Arabic,4,black,bold,normal" bkcolor="sienna" bkimage="backgrounds/23.gif" border="solid,4,black" type=2 line=0 align=center use=sp num="0,black""]
كلن لقرصه حـاش جمـره بملقـاط=ما ظل لي ما يشعـل اعـواد ليفـه
شاعر ولـي منهـج ومبدءومقـلاط=ونفسي لجمهـري خضـوعِ وليفـه
عايش بخير ولا عليّ نقص واقنـاط=بسم السعودي وابـن زايـد خليفـه
بين التميمي مجلسي وابـن مـواط=والشيـخ جاسـم لا لحقنـي كليفـه
وارتب الساعه بلسعـات الاسـواط=بعـداذن منهـم يحتمـون السقيفـه
اللـي تساعدنـي بتعديـل الأغـلاط=جزاه من يحسب على الشعر غيفـه
صوت الزلامي يوقض الفاهي الغـاط=شعفِ يرج اهـل القوافـي وحيفـه
على نمط وتـرد لـه كـل الأنمـاط=حيث البروز منيـن وجـه حليفـه
يشري بكاش وما يعامـل بالاقسـاط=ساع الفقير يقـوم يمضـغ رغيفـه
ابو جميل اعتاظ من عقـب الاقبـاط=قوم العوالي فـي الديـار المريفـه
ربعِ خذوا في نجد صولات واشـواط=وجاوا الحجاز وخـر بـره وسيفـه
داواء جروحِ صكها ريحـة مشـاط=ببيـوت شعـرِ مبهـرات طريـفـه
أستدغم الشعار مـن تحـت الابـاط=والخنجر المسنـون بسفـل شفيفـه
رشيـد متحرفـن بتزويـر الابنـاط=وعن كم بشتـه كـل عيـن كفيفـه
لو تحدر الشعبـان مايحـدر اوراط=ايسنـد الحالـه ربيعـه وصيـفـه
اختار له خمسه وجاء عنده اسقـاط=في الأحتياطي يـوم بـرك عسيفـه
وجاء الاحتياطي خير من ينزل ارهاط=لوِ ان رشيد أهوى عليـه برهيفـه
يوم انه قال بسادس الربـع تحتـاط=ما قال عن عنتـر بشعـره وسيفـه
لكنه قـال بسـادس الربـع تحتـاط=يكفيك عن عنتير ورمحـه وسيفـه
جرده من شعره على شاش شمشاط=هروج عود(ن) مـا يمـد الكسيفـه
والسادس اصبح خير من رز قسطاط=وانا مع الخمسه وانا اخـو لطيفـه[/poem]

يا وجه الله الجليل ،
لاهنت نايف

شاعر و اسند على شعراء كبار .. مع تحفظي على ابن الذيب ...

لكن قصائد عظيمه و شعراء كبار ...


و يا ستر الله الضافي..

لا هنت يا ابن مطيع و بيض الله وجهك

تحياتي

اخوكم

ش. س.

شكرآ على النقل يابن مطيع ...

شاعر علم واسند على شعار لهم حضورهم الجميل في الساحه الشعبيه



تحياتي

صح لسان رشيد الزلامي

وصح لسان من رد علاه

وافضلها رد ابن بديّع لو سلم جنبلاط لبنان اللي حطه جبلاط

ومع أحترامي وتقديري للشعراء المسند لهم وتحفظي على البعض

إلا أني في حيره من أمر رشيد

لماذا لم يسند قصيدته الى شعراء جيله

هل هو تخوف منهم أم عايف ردهم

هل هو فرد عظلات على جيل هؤلاء

أو محاوله لكسب أمرٍ ما

تبقى الإجابه لديه بلا شك

وعز الله ماأسنتدت على واحدٍ يشوف أن طسته على خده شرف يتمنى الحصول عليه لو مابقي غاره على وجه البسيطه


عموماً سلمت يانايف على النقل


غيمار

الذيب وبن شلحاط وجهان لعملة واحدة , يعني لو إكتفى بواحد منهم

هذه وجهة نظري الخاصّة وفيه بعض التحفّظات عليهم ,

والهاجري ومدغم شعراء لجميع الأجيال ,

شعرر وبس

الله اكبر




قصائد من ذهب


وشعراء من ذهب


شكرا على نقلك الرائع


لاهنت


تقبل تحياتي

شعراء كبار
ورائعين

لاهنت

اللي مثل هالشعار

مانعرف نرد على قصائدهم الا بكلمه

ذهب

ذهب


لاهنت على النقل المميز

كل الود

نايف بن مطيع


ياسلالالالالام على هالايراد ..


نقل مميز لقصائد جميله للميزين في الساحة ..


لكن يالربع ماطلعت قصيدة القرقاح ومدغم عندي وش السالفة ..


لك فائق احترامي وتقديري ...!!

قصائد جزلة من اهل الجزالة


لا هنت على إيرادها لنا يا نايف .. بيض الله وجهك

ماجد هلال

كل الشكر على التواجد الرائع

ودمت بود

شفق السريع

ووجهك ابيض يالغالي ولاهنت على المرور

ودمت بود

شعراء كبار
جميعهم يستحق الإحترام و التقدير
أسماء .. لامعه
وقصائدهم .. فارقه

سنتنظر بقيّة الردود ، تتوالى في هذا المتصفح . الذي سيكون أكثر إثارة .

نايف ، لك كل التقدير .

شعار عملاقه بلاشك
أتحفونا بمجاراتهم للعلم // رشيد الزلامي

كل الشكر لك نايف على النقل الجميل

شكرا يانايف , شعر بحق , ننتظر بقيـتـ القصائد

ما شاء الله تبارك الله


كلام كبير وشعراء كبار


لكن السؤال من منهم اللي صاد المعنى


لا هنت يا نايف


,

بيض الله وجهك يانايف





الحقيقه قصيدة رشيد وسلطان وابن بديع مايحتاج ................

سندها على اهل شعر ..............




شكراً لك

كل الشكر لــ كل من مــر هـنا

ودمتم بود

وثالث حياة الفتى يرجع على ساسـه

النقطه اللي بـدا منهـا يراجعهـا


يأصل لسن الهرم ويضيـع الطاسـه

ويزحف مع الأرض ويخطط شوارعها


وليا تلاقت متونـه ورتخـا راسـه

ضاعت جميع العلوم اللـي يجمعهـا

هذا ماتنبأ به رشيد الزلامي


\

قصائد قوية ولايستغرب ذلك
سلمت اخوي على النقل وللجميع ودي

غضب × غضب

ياربي اني في وجهك .

نقول أنا نكتب شعر امحق

هذا والله الشعر



نايف

الله يبيض وجهك على النقل


ودي وتقديري