الى تركي العصيمي مع التحية

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مرحبا باالشجاع ابن الشجاع الاصيـل=فيه من تركي ابن حميـد وابـا العـلا
من عتيبه هل السيف الحدب والصقيل=لاطميـن العـدا ذبـاحـة الحـيـلا
يوم نار المعارك قابسـه فـا الفتيـل=كم عـدو مـن الذلـه تلقـى الخـلا
وان بغيت الكرم ما اقول فيهم بخيـل=يوم ما فيـه شعـب الا وفيـه بخـلا
بعد ما ارسلت لي بعض الكلام الجزيل=المعانـي ثقيلـه والبيـوت جــزلا
والثقيلـه لهـا نـاس تشيـل الثقيـل=والخفيفه تحصل فـا الزمـان عمـلا
لاح برق القصايد في صدوق المخيـل=وامطرت لين فاض الصدر بعد امتـلا
شاعر يعرف السكـر مـن الحنظليـل=ذاق طعم المرار وذاق طعـم الحـلا
كان زعلان يا تركـي وعنـدك دليـل=لا تدور علـي مـن الرجـال كفـلا
ابشر اني لاسدك فـي كثيـر وقليـل=مير فا السـر والا بيـن روس المـلا
انت راع الوفـا والاولـه والجميـل=وانت راع الذراع الطيـب الاخطـلا
وانت درعي وسيفي فا النهار الطويل=يـوم غيـرك مواقيفـه تـروح جـلا
حسبي الله على الدنيا ونعـم الوكيـل=باعـدت بينـي وبينـك سنيـن البـلا
مير ابشرك في نعمـه وظـل ظليـل=عند شيـخ رفعنـي فاحسـن المنـزلا
طالب المجد ماني طالـب المستحيـل=هكـذا عيشـة الاحـرار والا فــلا!
[/poem]