( خذت من ذوق ابو شيبه وجاريت درره )

السلام عليكم ورحمة الله وبركاته وبعد :
اسعد الله اوقاتكم بالخير والسرور
من اجل التواصل بحثت في الارشيف
فوجدت قصيده للشاعر العلم مدغم عايض ابو شيبه
وقد جاريتها منذو سنوات ( لسبب موجود في القصيده )
وهذه قصيدة مدغم يقول فيها

[poem=font="Simplified Arabic,4,black,bold,normal" bkcolor="white" bkimage="" border="double,2,orange" type=2 line=0 align=center use=sp num="0,black""]
غابت نجوم السماء كلها والله درا=عن وليفٍ دارعامه ويومه وشهره
يا وجودي كل ما طرّف الليل وسرا=محدٍ بشر بشوفه ولا جاب خبره
اليدين امست من مصافح يديه فقرا=والعيون اللي فضح دمعها ما يستره
ان تذكرته تذكرت دمعٍ ما جرا=قبل ما يجمع زهابه على وجه سفره
راكب اللي صمموه لمشايخ وومرا=ما بعد حرك سويكه ولا دار كفره
لو دفع متوسط الدخل دخله ما شرا=له مديلية مفاتيح والاّ منظره
رنة بلوفه ليا فاع من فوق الثرا=كنها صفق الهبائب على متن شجره
رنج روفر ما قرا لونه اللي ماقرا=افتح من المستكا واغمق من السكره
ان نطحته من قدم وان قفيته من ورا=( كن سحمان بن ملحم ملقيك ظهره )
الحزام اللي يحزم الظهور ليا طرا=طاري الفزعات والكذب ما فيه ثمره
في المنافذ والمسارات ما يمسك سرا=البلاط يحشمه والرمال تقدره
جرته يمشي على راحته يا هل ترا=شفتها في دقة البشت والاّ البنجره
ياصله ويعلمه وان درا وان ما درا=ان قلبي في غيابه معلق بشجره
لا يحسب اني نسيته ورب ام القرا=ماتناسا طلع تينه ونفحة عنبره
ان تداركني قبل ضيعتي والاّ ترا=ضعت ضيعة دم رجالٍ اهدرته مره
لا يفكر في برا الجرح والاّ ما برا=واضح اللي في النعش رايحٍ للمقبره
ويحفظ قدر المعزه ويبقا في حرا=جيةٍ مني وغصن الغلا لا يكسره
ويخبر اللي في التمادي تطاول وافترا=يكسب المعروف بالعفو عند المقدره
لا يجاور وردةٍ في ظلال وفي ذرا=ما سقاها دمع عينه ولا دم نحره
ويش عذره كل ما طرّف الليل وسرا=والتفت ادور عيال وادور مره
[/poem]

الشاعر / مدغم عايض ابوشيبه السبيعي

وهذه مجاراتي المتواضعه
مع العلم اني وقت مجاراتها لم احصل على نسخه منها
يعني لا تغاربون وقوعي في بعض الوقفات

[poem=font="Simplified Arabic,4,black,bold,italic" bkcolor="transparent" bkimage="" border="solid,2,gray" type=2 line=0 align=center use=ex num="0,black""]
راكب اللي لا تحرك مع الخط جهرا=ما تجاريه المواتر ولحدٍ يقهره
تستخف محركاته على قولد استرا=كل صنفٍ ما تغير ولا هس شعره
ما يهمه لا بهيته ولا طلعة كرا=لا فرش وارخا عضوده على طول سبره
صنع الالماني بمشيه تبختر وازدرا=نافسه صنع المريكي ولا جاب اخبره
لو اشارك فيه ناسٍ في الابداع خشرا=ودي ابدع في وصوفه ولا لي مقدره
ما ملك سلطان وصفه مع الشعر شعرا=معشر الجن الثقافي والانس ومعشره
من بديهي صنعته ما تخالف فيه ارا=كل جني وادمياً على وجه الكره
بمتيازات الوكاله وتقرير إخبرا=لا بغيت تشغله فرّ ويله وانقره
لا نقرته جا لصوته وزيز وصرصرا=وشوشه ما فيه قرقر كثير وبربره
لو تكلم كان ما جاب شياً مفترا=قال من عيب المريكي خراب الطنجره
ما حمل معجون بويه ولا لمسه غرا=ولا تغير فيه شياً يغير مظهره
فيه تأثيرات من تغطئية وانتاج أرا=كم كلر مليون نقطه يشوق منظره
ان نظرته من قدم وان نظرته من ورا=كن في حدب الزوايا صوان ومرمره
وان نهمته في لزومك تزهّل واحترا=( كن سحمان بن ملحم يطق الك نحره )
الرفيق اللي ينافس مشايخ ووزرا=بالوفاء والمعرفه كل صعبٍ يصخره
فزعة اللي ينتخيبه ليا رد البرا=ما يقصر في اللوازم ولو جار دهره
ما مدحته لجل مقصد ولا عشت بحرا=حاجةٍ عند الخلايق ولو حبة ذره
ملتزم في عروةٍ من وثيقات العرا=لا ثواب الاّ من الله ومنه المغفره
والضوامي ما تورّد على عدٍ صرا=خذت من ذوق ابوشيبه وجاريت درره
مسندي صلب وصداقه وعزوه وقصرا=هكذا ميراد نص الكلام وصدره
[/poem]

وسلامتكم