ابن عون + ابن جدلان + بن عباد

هذه من قصائد الشاعر الكبير عبدالله بن عون

أورد لكم معها مجارات الشاعرين الكبيرين

سـعـد بن جدلان الأكلبي ، ومحمد بن عـبّـاد السلولـي


في البداية هذي قصيـدة بـن عون :




شعتني علوم الصيف وارقلت للمسناد */*/*ولاعاد يعذل واحد طافح شــــــــبله
آبي عبلة ضافي عليها كما السجــــاد*/*/* ديار يرود عدودها من يحب ابـــــله
ولاعاد لي من يوم سال الشفا مقعـاد*/*/* عتيبي وداري فوق ونحيتي قبـــــله
مادامه وكد لي سيل وادي قليب عناد*/*/* انا ويش يحرمني شفا نجد والعبــله
ابتبع هوى وضحا تحط اللبيد سنـــــاد*/*/* لها غير زين طبوعها خدة قبـــــــله
ليا سمعت الحادي نده ندهة الميــراد*/*/* تقود اول الزعجول لول وتقـــرب له
ابيها ترفع فوق عن ساخن الانفـــاد*/*/* وتجي في فياح كل مصلاح يطرب له
انا في الديار الطامنه في تعب وجهاد */*/*على كثر مرعاها مداخيلها خبــــله
عساها يساقيها المطر ديرة الاجواد*/*/* ولابيها لون ثمامها ينقلب ربــــــــله




مجاراة الشاعر سعد بن جدلان الاكلبي لقصيدة بن عون




شعتني قصيدة شاعر عذ ّب القصــــــاد*/*/* ماحد يستلذ السالفه لين تنســــــــــــب له
علومك يا بو نايف قراح ٍ على الأكبــاد */*/*لكن تجرح قلوب ٍ مع الوضح منهــــــبله
مواليف وضح ٍ كنها وضحى بن عبّــاد*/*/* لا شافها راعي الدبش طيرت شــــــــــبله
تواغض مع الريضان كنها خيام أسياد */*/*لونها بعيد ٍ بادي الرجم تقـــــــــــــــرب له
أو حمّى مغاتير ٍ مقاديمها شـــــــــــراد*/*/* هريب السحاب اللي تواليه منســــــــــبله
قبلها ليا من المناره سناهــــــــــــا زاد*/*/* قبل الاشهب المرشوش لا فضوا اصطبله
عنقا مارق ٍ نسنوسها سدوها منقــــاد*/*/* مع طول خدتها خراطيمها ســــــــــــــــبله
شناح ٍ طفوح شبلها دايم ٍ خــــــــــــدّاد*/*/* لونها مع ذود ابن عمي خذيـــــــــــت ابله
لا ضاقت براعيها الوسيعه بكل بـــلاد */*/*يحوّم و كبده من هل المدن منـــــــــــــدبله
لا منه نطحها عصر و لا هجد مهجـاد*/*/* ليا شافته قامت ترازم ترحـــــــــــــــــب له
هذي تنطحه تبغى تقبّله جد عمــــــــاد*/*/* وهذي تنهب شماغه و هذيك تلعــــــــب له
و الله ما يهني من حكم عاصمة بغداد*/*/* اللي له مزامير الفخر تضرب الطـــــــــبله




مجاراة الشاعر محمد بن عبّاد لما سبـق





جذبني صدى صوت ٍ تلاحت به الأطــــواد*/*/* يتعّب هواة الشعر بعده و من قـــــــــبله
صدى صوت عرّافٍ لشعـــــر الأدب روّاد*/*/* منابع عيون الشعر و الكلمه الــــــذبله
تلاحوا على وضح ٍ عليها العيون حـــداد*/*/* ولوف ٍ على صوت الموده تراقـــــب له
دقاق العنوق اللي خراطيمــــــــــها ورّاد*/*/* على حب راعيها شغوف ٍ و منجــــــبله
تقدم لها بن عون في وصفها نشّـــــــــاد*/*/* و شعا الأكلبي و الأكلبي تلني حــــــــبله
و انا قبل صوته ماشي ٍفي الطريق حياد*/*/* على ما تقول الناس كل ٍ على هــــــــبله
و بعد زعزع الوضحى فلا عاد لي صدّاد*/*/* سلولي و قلبي طاري الوضح يرغب له
ابتعب واحاول لو لحقني عنا و انكــــــاد*/*/* على منهج ًٍ ما كل قاف ٍ يناســـــــــب له
و انا في هواها مغرم ٍ هايم ٍ منقـــــــــاد*/*/* لو اكثر علي اللوم في حبـــــــــها الابله
اوقع لها بالعشر واشهّد الأشهــتــــــــاد */*/*انه لاعب ٍ بي حبها لعبة الســـــــــــــبله


...

3 درر


صحت السنت العمالقه ولاهنت ياعبدربه ...

ولاتهون ياذيبان👋